Այսօր՝ փետրվարի 28-ին, կայացավ Van Music Awards ամենամյա մրցանակաբաշխությունը, որի ընթացքում 11 անվանակարգում մրցանակների արժանացան հայկական տարբեր բենդեր:
Մրցանակաբաշխությունն առանձնացավ ֆոլկ եւ էթնո ոճերի միքսերի գերակայությամբ:
NEWS.am STYLE-ը ներկա է գտնվել ռադիոընկերության ամենամյա մրցանակաբաշխությանն ու պարզել դրա մանրամասներն ու այս տարվա առանձնահատկությունները:
««Ռադիո Վան»-ն արդեն երկու տասնամյակ անընդմեջ իրականացնում է այս մրցանակաբաշխությունը, որը նախկինում հայտնի էր «Ոսկե քնար» անվանումով, բայց արդեն տասը տարի է` այն անցկացնում ենք, պարզապես, Van Music Awards անվան ներքո»,-նշեց ռադիոկայանի հայտնի հաղորդավար Ժակ Պապիկյանը՝ հավելելով, որ այս տարի ունեցել են ձեւաչափի փոփոխություն. նախորդ տարի ռադիոկայանը ներկայացրել էր իր նորաբաց ստուդիան, որտեղ հայ արտիստներին հնարավորություն է տրվում կենդանի կատարումներով հանդես գալ եւ ներկայացնել իրենց ձայնագրությունները: Մրցանակաբաշխության բոլոր հաղթողներն ընտրվել են հենց այդ կենդանի կատարումների հիման վրա:
«Հայաստանում մրցանակ տալու ու ստանալու խնդիր կա, բայց մենք 20 տարի շարունակ կարողացել ենք իրականացնել այս մրցանակաբաշխությունն ու պահպանել գործընկերային հարաբերությունները: Սկզբում որոշել էինք, որ հաղթողներին պետք է ընտրենք ըստ հանրային քվեարկության, հետո հասկացանք, որ միայն հանրային քվեարկության վրա հիմնվելը բարդ կլինի: Այդպիսով, կազմվեց «Ռադիո Վան»-ի ստեղծագործական կազմը: Սա միակ ճանապարհն է արդարության: Փորձը ցույց է տալիս, որ հանրային քվեարկության արդյունքում ոչ թե հաղթում է լավագույնը, այլ այն կատարողը, որի «շտաբն» ավելի լավ է աշխատում: 11 անվանակարգերից միայն մեկն է ընտրվել հանրային քվեարկությամբ՝ People's Number One Choice անվան ներքո»,-պարզաբանեց հաղորդավարը:
Անդրադառնալով ընտրված բենդերին՝ նա նշեց.
«Մենք որոշեցինք մեր աջակցությունն ուղղել այն բենդերին, որոնք տարբերվում են իրենց ձեռագրով, որոնք ուզում ու ձգտում են կենդանի հնչողությամբ ելույթ ունենալ: Մրցանակաբաշխությունն իր ողջ բնույթով այլընտրանքային է: Այդ խմբերի հետ միասին դժվար ճանապարհ ենք անցել: Դժվար էր այն առումով, որ թեկուզ մեկ ձայնագրության վրա մեծ թիմ էր աշխատում»:
Ժակի խոսքով՝ այս տարվա մրցանակաբաշխությունն իր համար անսովոր էր՝ երկար տարիների գործընկերուհու՝ Լուսինե Բադալյանի բացակայության պատճառով.
«20 տարի միասին ենք վարել այս մրցանակաբաշխությունը: Առաջին տարին է, որ նա չի վարելու, եւ մենք ձեւաչափը փոխել ենք, ընդգրկել ենք stand up ֆորմատի ելույթներ»:
Ձեզ ենք ներկայացնում Van Music Awards-ի բոլոր անվանակարգերի հաղթողներին եւ երեկոյի ամենահետաքրքիր դրվագները:
Arni Rock, Haik Solar եւ Սոնե Սիլվեր- People's Number One Choice (Հանրային ընտրություն)
Գարիկ եւ Սոնա- Hit Makers Number One (Համար 1 հիթ ստեղծողներ)
Nemra- Radio Friends Number one (Ռադիոկայանի համար 1 ընկերները)
Իլոնա- Cover Performer Number One (Համար 1 Cover կատարող)
Vishup Ensemble & Tmbata- Music Producer Number One (Համար 1 երաժշտական պրոդյուսեր)
Aratta Band - Fusion band Number One (Համար 1 ֆյուժն բենդ)
Sonet Quintet - Urban Song Artists Number One (Քաղաքային ժանրի համար 1 կատարողներ)
FairWind - Rock Band Number One (Համար 1 ռոք խումբ)
Katil Band - Breakthrough number one (Համար 1 հայտնություն)
Սյուզաննա Մելքոնյան - Woman's Performance Number One (Կնոջ համար 1 կատարում)
Arpi & Hayway Band - Band Number One (Համար 1 բենդ)
Սյունե Առաքելյան
Լուսանկարները՝ Արսեն Սարգսյանի
Հետևեք NEWS.am STYLE-ին Facebook-ում, Twitter-ում և Instagram-ում
13:23, 29 մարտի
Թոմ Քրուզը բաժանվել է ռուս ընկերուհուց իր նախկին օլիգարխ ամուսնու պատճառով12:21, 29 մարտի
Դեմի Մուրը ևս մեկ անգամ ապացուցեց, որ տարիքը պարզապես թիվ է11:17, 29 մարտի
Բեյոնսեն ձեռքերով սպագետի է ուտում անձնական ինքնաթիռի վրա և ծաղրում իր կովբոյական look-ի մասին մեմերը10:16, 29 մարտի
Selling Sunset սերիալի աստղը գոլֆ խաղալիս ընտրել է տարօրինակ և բաց աութֆիտ09:00, 29 մարտի
ՄԱՐՏԻ 29-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:16, 28 մարտի
Ռիհաննան անհավանական տեսք ունի չինական Vogue-ի շապիկին22:15, 28 մարտի
Ռեբել Ուիլսոնը ուզում է «դրական հաղորդագրություն» տարածել՝ բացահայտելով, որ կորցրել է կուսությունը 35 տարեկանում21:35, 28 մարտի
TikTok-ը նվաճել է նիհարելու նոր թրենդը. «Կախարդական» Oatzempic ըմպելիքը20:30, 28 մարտի
Տիհանա vibes. Թվում է՝ պարզ հարցեր են, պարզվում է՝ ոչ այնքան20:25, 28 մարտի
Հոլիվուդյան աստղեր, ովքեր նկարահանվել են պոռնոֆիլմերում20:12, 28 մարտի
Միխայիլ Շուֆուտինսկի. Ես սիրում եմ Երևանն ու Հայաստանը19:47, 28 մարտի
Wine Story. Ինչպես ընտրել ճիշտ գինի Սուրբ Զատիկին