Մարտի 7-ից ապրիլի 26-ը Հայաստանի ազգային պատկերասրահում կներկայացվի «Դալի եւ Պիկասո» ցուցահանդեսը, որի շրջանակում կներկայացվեն աշխարհին հայտնի երկու հանճարեղ արվեստագետների աշխատանքները:
Կցուցադրվի Սալվադոր Դալիի եւ Պաբլո Պիկասոյի 260 ստեղծագործություն՝ քանդակ, գրաֆիկա, խեցեղեն… բոլոր նմուշները «Ազգերի արվեստ» հիմնադրամի նախագահ, մեկենաս եւ հավաքորդ Ալեքսանդր Շադրինի մասնավոր հավաքածուից են:
Ցուցահանդեսն արդեն ներկայացվել է բազմաթիվ երկրներում: Իսկ Հայաստանում մշակութային այս իրողությունն առաջին անգամ հնարավոր դարձավ Երեւանում «Մոսկվայի տուն» մշակութային կենտրոնի եւ Հայաստանի ազգային պատկերասրահի նախաձեռնությամբ:
Այսօր՝ մարտի 3-ին կայացած մամուլի ասուլիսի ժամանակ ՀԱՊ տնօրեն, նախագծի ղեկավար Արման Ծատուրյանը, «Մոսկվայի տուն» կենտրոնի գլխավոր տնօրեն Վահրամ Կարապետյանն ու հավաքածուատեր Ալեքսանդր Շադրինը մանրամասներ ներկայացրին սպասվող ցուցահանդեսի մասին:
«Մոսկվայի տուն» մշակութային կենտրոնի գլխավոր տնօրենը նշեց, որ ցուցահանդեսի կազմակերպաման գործում մեծ դեր է ունեցել իր հանդիպումը վաղեմի ընկերներից մեկի հետ.
«Հանդիպման ընթացքում քննարկեցինք հայ-ռուսական հարաբերությունների եւ ընկերության թեմաներով հարցեր, եւ նա ինձ առաջարկեց՝ ի՞նչ, եթե Հայաստանում էլ անցկացվի «Դալի եւ Պիկասո» խորագիրը կրող հայտնի ցուցահանդեսը: Ինձ, իհարկե, միտքը շատ դուր եկավ եւ հետաքրքրվեցի, թե ինչպես կարող ենք դա կազմակերպել: Նա զանգահարեց իր ընկերոջը՝ Ալեքսանդր Շադրինին, որն ընդամենը մեկ օր անց ժամանեց Հայաստան: Բանակցություններից եւ ուսումնասիրություններից հետո ձմռանը որոշեցինք, որ ցուցահանդեսը պետք է կայանա: Երբ Ալեքսանդրը կրկին եկավ Երեւան, նա ասաց, որ ցուցահանդեսը պետք է տեղի ունենա Երեւանի լավագույն վայրում, իսկ լավագույնը Հայաստանի ազգային պատկերասրահն է: Այնուհետեւ հանդիպեցինք նաեւ ՀԱՊ-ի տնօրեն Արման Ծատուրյանին: Մեր նախագծի արդյունքն արդեն կտեսնեք մարտի 7-ին»:
Ալեքսանդր Շադրինն էլ խոստովանեց, որ ի սկզբանե Հայաստանում ցուցահանդես բերելու ծրագրեր չի ունեցել.
«Իսկապես, Հայաստան այցելություն չէի նախատեսել, բայց այլ բան է, երբ ընկերներն են նման առաջարկ անում: Ես կարծում եմ, որ ցուցահանդեսը պահանջված է ոչ միայն ընդգրկված աշխատանքներով, այլեւ ամբողջ կոնցեպցիայով: Դալին եւ Պիկաոն իրենց հայրենիքի մեծ երկրպագուներն էին»:
Անդրադառնալով ցուցահանդեսի կառուցվածքին ՀԱՊ տնօրեն Արման Ծատուրյանը տեղեկացրեց, որ ներկայացված ստեղծագործությունների ճնշող մեծամասնությունը գրաֆիկական աշխատանքներ են լինելու: Ինչ վերաբերում է ցուցահանդեսի ժամանակացույցին՝ նա հավելեց.
«Առայժմ երկու ամսվա ցուցադրություն ենք նախատեսում, սակայն եթե տեսնենք, որ ցուցահանդեսը հաջողություն է գրանցում Երեւանում, միգուցե, այդ ժամկետը երկարաձգենք»:
Ի դեպ, հավաքածուն, որը Շադրինը համալրել է 15 տարիների ընթացքում, մեծությամբ 4-րդն է մասնավոր հավաքածուների մեջ:
Սյունե Առաքելյան
Լուսանկարները՝ Արսեն Սարգսյանի
Հետևեք NEWS.am STYLE-ին Facebook-ում, Twitter-ում և Instagram-ում
23:39, 18 ապրիլի
Անգլիացին տարված է ամուսնացածների՝ հատկապես իր գործընկերների ու ընկերների կանանց հետ սեքսով22:22, 18 ապրիլի
Ընձառյուծի պրինտը վերադառնում է. Ռիհաննայից մինչև Քենդալ Ջեներ՝ ոճային հայտնիները մարտահրավեր են նետում «հանգիստ շքեղությանը»21:22, 18 ապրիլի
Այսօր առավոտյան ձեր խմած սուրճը կարող է լինել 600 000 տարեկան20:40, 18 ապրիլի
Միջնադարյան առեղծվածային ձեռագիրը կարող է լինել սեքսի հնագույն ձեռնարկ19:26, 18 ապրիլի
Առաջին «Միսս արհեստական բանականություն»-ը կստանա 20 000 դոլարի մրցանակ16:25, 18 ապրիլի
Bugatti Home հավաքածուն միավորում է բրենդի՝ ավելի քան հարյուրամյա ժառանգությունը ժամանակակից դիզայնի հետ15:21, 18 ապրիլի
353 պարուհիների պարը նոր համաշխարհային ռեկորդ է սահմանել14:36, 18 ապրիլի
Սթիվեն Սփիլբերգը ֆիլմ է նկարահանում ՉԹՕ-ի մասին13:55, 18 ապրիլի
Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել Լեոնարդո ԴիԿապրիոյի եւ Ջենիֆեր Լոուրենսի մասնակցությամբ13:17, 18 ապրիլի
Հենրի Քավիլի եւ Մարգո Ռոբիի մասնակցությամբ Ջեյմս Բոնդի մասին ֆիլմի կեղծ թրեյլերը YouTube-ում հասել է 2 միլիոն դիտումի12:31, 18 ապրիլի
Coachella փառատոնի ժամանակ Ջեֆ Բեզոսը չէր թաքցնում իր զգացմունքները Լորեն Սանչեսի նկատմամբ11:59, 18 ապրիլի
Քիմ Քարդաշյանը նոր ֆոտոշարքով է կիսվել Կարիբյան ծովում իր գեղատեսիլ հանգստից