Օսկարակիր «Խաղալիքների պատմությունը 4»-ը ստեղծողների նոր անիմացիոն պատմությունը լի է օրիգինալ հերոսներով, սյուժետային անսպասելի շրջադարձերով, ինչպես ծիծաղելի, այնպես էլ դրամատիկ տեսարաններով:
Ինչպես Pixar-ի բոլոր մուլտֆիլմերը, այս կինոնկարը եւս զերծ չէ բարոյական բաղադրիչից: Այն հանդիսատեսից յուրաքանչյուրին ստիպում է խորհրդածել եւ ուշադրություն դարձնել մեզ շրջապատողների, ընկերների, ընտանիքի, մտերիմ մարդկանց վրա:
Էլֆ եղբայրներ Իեն եւ Բարլի Լայթֆութերն ապրում են կախարդական աշխարհում, որը բնակեցված է տրոլներով, գոբլիններով, թզուկներով, կենտավրոսներով եւ միաեղջյուրներով: Ժամանակին նրանց աշխարհը լեցուն էր մոգությամբ, բայց այդ ժամանակներն անցյալում են, եւ հիմա հեքիաթային էակները թռչում են օդանավերով, օգտվում ավտոմեքենաներից եւ ընդհանուր առմամբ տաղտկալի կյանք վարում: Սակայն անսպասելի գտածոն բերում է նրան, որ եղբայրները որոշում են ուղեւորվել գրավիչ ճանապարհորդության՝ որոնելու հնագույն ավանդություններից իսկական կախարդությունը:
«Առաջը» դժվար է գլուխգործոց համարել, հատկապես եթե համեմատենք ստուդիայի ավելի հայտնի մուլտֆիլմերի հետ: Բայց հավատացեք, կինոնկարը բավականին լավն է:
Սցենարը
Պատմությունը մյուսների կույտից չի տարբերվում: Դրանում չկա որեւիցե անկանխատեսելի եւ նոր բան: Բայց, միեւնույն է, դա ընդհանրապես չի խանգարում ասել, որ այն հետաքրքիր է, բարի, անկեղծ եւ սրտառուչ: Ֆիլմն ուղղակի խելահեղորեն սրտառուչ է: Դրանում դրված են տարբեր գաղափարական ուղերձներ: Բացահայտվում են հայրերի եւ զավակների, ընտանիքի աջակցության խնդիրները եւ ընդհանրապես՝ որքանով է դա կարեւոր կյանքում:
Հերոսները
Իենը համեստ եւ բարի տղա է, ում խիզախությունը չի բավականացնում կյանքը վերահսկողության տակ վերցնելու համար: Բարլին նրա լիակատար հակապատկերն է՝ համառ, ինքնավստահ...
Ստեղծողներին հաջողվել է ցույց տալ եղբայրների փոխգործակցությունը, որոնք միասին ընդհանուր գործ են անում, պարզում են հանելուկները, սովորում են իրենց համար նոր բաներ ու իրար հետ ժամանակն ուղղակի ուրախ են անցկացնում: Նրանց բնավորության գծերը յուրովի ազդում են մեկը մյուսի վրա եւ նրանց ստիպում վերածվել ավելինի:
Անիմացիան
Այն անթերի է. ի վերջո՝ սա Pixar- Disney-ի արտադրանքն է, իսկ այս ընկերությունների բրենդները խոսում են իրենք իրենց մասին:
Մթնոլորտը
Ամեն ինչ վառ է, էպիկական, հուզիչ, սրտառուչ եւ զավեշտալի, ներառյալ սաունդթրեքը, որը որոշակի բավականություն եւ հարմարավետություն է ստեղծում:
Արդյունքը
«Առաջը» ուղղակի գերազանց մուլտիպլիկացիոն ժապավեն է: Այո, հնարավոր է, որ սա Pixar-ի հերթական գլուխգործոցը չէ, բայց այն չի էլ փորձում այդպիսին լինել:
Հաճելի դիտում
Նորայր Նազարյան
Հետևեք NEWS.am STYLE-ին Facebook-ում, Twitter-ում և Instagram-ում
19:47, 19 ապրիլի
Ինչպե՞ս է Բրիտանիայի ամենահարուստ մարդուն հաջողվում ստվերում մնալ. նույնիսկ նրա ադմինիստրատորը չի լսել նրա մասին18:27, 19 ապրիլի
Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել16:17, 19 ապրիլի
«Հարյուր տարվա մենություն». Netflix-ը ներկայացրել է Գաբրիել Գարսիա Մարկեսի գլուխգործոցի կինոադապտացիայի թիզերը15:38, 19 ապրիլի
Կբացվի քանդակագործ Մկրտիչ Մազմանյանի ցուցահանդեսը՝ նվիրված Շառլ Ազնավուրին15:12, 19 ապրիլի
«Breaking Bad»-ի աստղ Ջանկառլո Էսպոզիտոն ցանկացել է մարդասպանի վարձել՝ սեփական սպանությունը կազմակերպելու համար14:42, 19 ապրիլի
Հարսնացուն ցնցված է. նա հարսանիքին ստացել է «ամենազզվելի նվերը»13:56, 19 ապրիլի
Քորթնի Քարդաշյանը պաշտպանել է Քիմին, որին երկրպագուները մեղադրում են դիտավորյալ «անհաջող» լուսանկար հրապարակելու մեջ13:14, 19 ապրիլի
Անզուգական Մոնիկա Բելուչին ասում է, որ «համակերպվել է ծերության հետ»12:22, 19 ապրիլի
Բեն Աֆլեքի դուստրը «քամինգ աութ» է արել. Ֆինն իրեն ոչ տղամարդ է համարում, ոչ՝ կին11:21, 19 ապրիլի
Վիկտորյա Բեքհեմը բացահայտել է իր ե Դեւիդի երջանիկ ամուսնության գաղտնիքը10:18, 19 ապրիլի
Քանյե Ուեսթը բռունցքով հարվածել է իր կնոջն անհանգստացնող տղամարդու դեմքին09:00, 19 ապրիլի
ԱՊՐԻԼԻ 19-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ