Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

Ինչո՞ւ է տղամարդն անհետանում է առաջին ժամադրությունից հետո

21:12, 24 մարտի

Դուք սոցիալական ցանցում ծանոթացել եք տղամարդու հետ, բայց հենց առաջին հանդիպումից հետո ձեր հերոսն անհետացել է եւ այլեւս չի հայտնվել: Ո՞րն է պատճառը: 

Պատահում է, երբ կինն իր պահվածքով խրտնեցնում է տղամարդուն: Եվ չի հաջողվում այն, ինչ ի սկզբանե կարող էր հաջող դասավորվել:  Եկեք պարզենք, թե քո պահվածքում ինչը կարող է տղամարդուն ստիպել փախչել:  

Անհամապատասխան լուսանկարը 

Համացանցային ծանոթությանը շատ բնորոշ տապալման պատճառ է: Երբ կինն իր փրոֆայլում 15 տարի առաջվա լուսանկար է տեղադրում կամ էլ ֆոտոշոփով շատ լավ մշակված լուսանկար: Ժամադրության գնալիս տղամարդն ակնկալում է   25 տարեկան սլացիկ աղջկա հանդիպել, փոխարենը հանդիպում է  15 տարով մեծ եւ 15 կգ-ով գեր մեկին: Նույնն էլ ֆոտոշոփին է վերաբերում: Մենք բոլորս սիրում ենք փորձի համար պրոֆեսիոնալ ֆոտոսեսիա անցնել, միշտ հետաքրքիր է թեկուզ մեկ վայրկյանով ինքդ քեզ փայլուն ամսագրի մոդել զգալը:  Բայց նույնիսկ այդ ամսագրերի մոդելներն իրականում այնպիսի տեսք չունեն, ինչպես ամսագրի կազմին: Էլ ինչ ասենք սովորական կանանց մասին: Այդ պատճառով տղամարդուն ցույց տուր քո սովորական, իրական պատկերը, եթե ուզում ես, որ վիրտուալ սիրավեպը իրականի վերածվի: Եթե սեփական արտաքինի եւ տարիքի վերաբերյալ բարդույթներ ունես, դրանցից հնարավոր է ազատվել միայն հոգեբանի հետ աշխատելով: Հակառակ դեպքում դու ընդամենը տղամարդուց կազատվես: 

Հորինված կերպար 

Դա առաջին ժամադրության ձախողման եւս մի պատճառ է նրանց համար, ովքեր ուզում են վիրտուալ շփումն իրականի վերածել:  Դա համարյա նույնն է, ինչ լուսանկարի պարագայում, ուղղակի կինը սկսում է իր համար այնպիսի կյանք ստեղծել, որով նա իրականում չի ապրում:  Հրաշալի զբոսանավերի լուսանկարներ է դնում, որոնցով չի նավարկել, պատմում է ուղեւորությունների մասին, որոնց երբեք չի մասնակցել, գլուխ է գովում նվերներով, որ իրեն երբեք չեն տվել: Հնարավոր է ոչ այնքան ուշադիր աչքին խաբել համացանցում, բայց ոչ իրականության մեջ. երբ  «Աստվածուհին» մետրոյով է գալիս հանդիպման, սինտեպոնե զգեստ հագած, իսկ ռեստորանում պահվածքից պարզ է դառնում, որ նա երբեք այնտեղ չի եղել, ժամադրությունը կարող է կայանալ միայն եթե նրա երկրորդ կեսը նույնպիսի երեւակայող է:  Նորմալ տղամարդն արագ հասկանում է, որ իրեն խաբում են: Ոչ ոք չի ուզում խաբված լինել: Տղամարդը հեռանում է: 

Ամուսնանալու վրա սեւեռված լինելը 

«Արդեն ամուսնանալուս ժամանակն է». դա դրամասիրության է նման, ուղղակի այդ դեպքում սեւեռվում են ոչ թե ամուսնության, այլ փողի վրա:  Առաջին հանդիպմանն աղջիկը սկսում է պատմել, թե ինչ շատ է ուզում ամուսնանալ, ինչ շատ են ուզում իր բոլոր ազգականները, թե ինչպես են արդեն օժիտ եւ հարսանիք նախապատրաստել, միայն փեսացուն է պակասում:  Որ ինքը միայն լուրջ հարաբերությունների է տրամադրված եւ ոչ ավելի, քան 2 ամսով, իսկ դրանից հետո հարսանիք կլինի: Սկսում է տղամարդուն հարցնել, թե նա քանի երեխա է ուզում, նրանց անունն ինչ կդնեն եւ ինչ դպրոց կուղարկեն: Սկզբունքորեն անհրաժեշտ է առաջին ժամադրության ընթացքում նշել սեփական մտադրությունները, վերաբերմունքը երեխաներին` հետագայում խուսափելու համար տհաճ իրավիճակներից, երբ զուգընկերներից մեկը  childfree հոսանքի հետեւորդ կլինի, բայց մեծ տարբերություն կա «դիրքորոշումը պարզելու» եւ «մարդուն որպես երազանքի իրականացման միջոց դիտարկելու» միջեւ: Տղամարդը չի ուզում քո երազանքի իրականացման միջոց լինել: Նա սեփական երազանքներն ունի: 

 Աղբյուրը` Liza.ua


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել