Անի Երանյանը՝ «Լինում է, չի լինում»-ի մանրամասների մասին

Նաիրա Մովսիսյանը՝ կրկին մայրանալու ցանկության, հայրիկի բացի եւ իր կողակցի մասին

«Լաց լինելու ու բարդույթավորվելու փոխարեն սովորեցի իմ անձը պաշտպանել». Իրինա Այվազյանը՝ NEWS.am STYLE-ի «արեւային» ֆոտոշարքում

Էմմա Մկրտչյանը` մանկության վառ հուշերի, Երեւանում բնակվելու եւ իր սիրտը կոտրելու մասին

Գոհար Հարությունյանը` մանկության, հայրիկի բացի եւ 16 տարեկանում նշանադրությունը չեղարկելու մասին

«Խորոտիկ-մորոտիկ»․ Սոֆի Մխեյանը՝ իր նոր տեսահոլովակի մասին

«Չէի կարողանում պատկերացնել, որ մայրս չկա». Աղաս Մանուկյանը` իր մեծ կորստի եւ անցած ճանապարհի մասին

BACKSTAGE. Ինչպես են անցել «Սիրուն Սոնայի» վերջին նկարահանումները

«Հորս վերաբերմունքը փոխվեց իմ հանդեպ»․ Վիկտորիա Սահակյանը՝ դիպլոմ չստանալու եւ չստացված սիրո մասին

Ինչպես են ընթացել Արամեի նոր տեսահոլովակի նկարահանումները քաղաքից դուրս

Ամենամեծ կորուստը, կյանքի նպատակը եւ ծնողների խորհուրդը․ Բլից հարցեր Ժաննա Բուտուլյանի հետ

Լիա Զախարյանը՝ հայկական շոուբիզնեսի ամենահմայիչ մարդու, ամենամեծ կորստի և առօրյայի մասին․ ԲԼԻՑ ՀԱՐՑԵՐ

Քրիստինե Պեպելյանը՝ իր նոր նախագծի եւ որդու՝ Արեգի մասին

Քիմ Քարդաշյանի 60 մլն դոլորանոց առանձնատունը

Մանուկ Ալեքսանյանը՝ սեզոնի թրենդների, հակաթրենդների եւ Pillow Challenge-ի մասին

Մարիամ Ալեքսանյանը՝ մոլերից մեկում խայտառակ լինելու եւ ամուսնության հարցից խուսափելու մասին․ ԲԼԻՑ ՀԱՐՑԵՐ

Մանկության ամենավառ հուշից մինչեւ զավեշտալի սիրո խոստովանությունը․ բլից հարցեր՝ Դիանա Տոռեսի հետ

Մատնահարդարման 5 տարածված միֆեր

Մերի Մովսեսյանի առաջին օնլայն ֆոտոշարքն ու «Պատվից առավել» սերիալից հետո դադար վերցնելու որոշումը

16:04, 9 ապրիլի

«Փրկեք մեր հոգիները», «Պատվից առավել» եւ այլ սերիալներից ու ֆիլմերից հայտնի դերասանուհի Մերի Մովսեսյանը չնայած տանը մնալու հանգամանքին՝ շարունակում է վարել ակտիվ առօրյա: Մերին այս օրերին ստանում է օնլայն ուսուցում, ակտիվորեն զբաղվում ֆիզիկական վարժություններով, իսկ բոլորովին վերջերս, նույնիսկ, օնլայն ֆոտոշարք է ունեցել լուսանկարիչ Ռաֆայել Ադամյանի հետ, որն իրականացրել են տեսազանգի միջոցով: Դերասանուհին լուսանկարները տրամադրել է NEWS.am STYLE-ին ու պատմել իր ներկայիս առօրյայի, դիմահարդարվել չսիրելու եւ «Պատվից առավել» սերիալից հետո դադար վերցնելու մասին:

«Երբեք տանը այսքան երկար չէի մնացել: Ամենաերկարը 4 օրն է եղել, այն էլ, երբ վատառողջ էի ու ի վիճակի չէի անկողնուց վեր կենալ»,-պատմում է նա:

«Իրականում չեմ սիրում տանը մնալ: Առօրյա կյանքում շատ վաղ դուրս էի գալիս եւ ուշ վերադառնում` դասեր, փորձեր, նկարահանումներ... Բայց այժմ տարբերակ չունեմ, հարմարվում եմ: Մայրիկս է շատ ուրախ, վերջապես դեմքս տեսնում է»,-կատակում է ու հավելում,- «Տանը մնալ դեռ չի նշանակում հանգստանալ: Ես ունեմ օնլայն դասեր, որոնք անցնում են առավել խստացված, ես կրկին օրվա կեսն անցկացնում եմ դաս անելով: Եթե հասցնում եմ, արտասահմանյան ֆիլմեր եւ սերիալներ եմ դիտում: Ամեն օր հասցնում եմ նաեւ ֆիզիկական վարժություններ անել, քանի որ օրվա մեծ մասն անցնում է շատ պասիվ»:

Անդրադառնալավ իր եւ Ռաֆայել Ադամյանի օնլայն ֆոտոնկարահանմանը՝ դերասանուհին նշեց, որ թեեւ նման ֆոտոշարքերը արտերկրում բավական տարածված են, Հայաստանում առաջին անգամ էր նման փորձ արվում:

«Լուսանկարիչ Ռաֆայել Ադամյանն առաջարկեց, ես էլ տեսնելով օրինակներ՝ համաձայնվեցի: Նախկինում աշխատել եմ Ռաֆի հետ եւ լիովին վստահում եմ իր ճաշակին, հաստատ վատ բան չէր առաջարկի ստեղծել»:

Վերջերս Մերին նաեւ հումորային տեսանյութ էր հրապարակել՝ անդրադառնալով այն թեմային, որ չնայած այս օրերին տանն ենք՝ շատ բլոգերներ կիսվում են տանը դիմահադարվելու տեսանյութերով: Դերասանուհին նշեց, սակայն, որ կբավարարվի միայն մեկ տեսանյութով եւ չի շարունակի շարքը.

«Չեմ կարծում, որ կշարունակեմ այդ շարքը, քանի որ դա այդքան էլ «իմը» չէ: Պարզապես ինձ ծիծաղեցրեց, որ այս շրջանում, երբ բոլորը պետք է տանից դուրս չգան, շատ ու շատ բլոգերներ սկսեցին նմանատիպ հոլովակներ նկարել, երեւի «Դիմահարդարվեք, բայց դուրս մի եկեք» խորագրով»:

Ինքը՝ Մերին, առօրյայում, գրեթե, չի դիմահարդարվում: Երիտասարդ դերասանուհին այդ փաստը հետեւյալ կերպ է մեկնաբանում.

«Նկարահանումների ժամանակ, անընդհատ դիմահարդարվելով, մաշկիս որակն ընկնում է եւ փորձում եմ դրանցից դուրս չչարաշահել: Բայց, առհասարակ, դիմահարդարվել այդքան էլ չեմ սիրում, առօրյա կյանքում էլ կարող եմ օգտագործել միայն շրթներկ, այն էլ միայն նրա համար, որ չմտածեն՝ լավ չեմ զգում ինձ, քանի որ շատ սպիտակամաշկ եմ (ծիծաղում է): Վառ դիմահարդարմամբ ինձ կարող եք տեսնել տարբեր արարողություններին, երբ no makeup-ն այդքան էլ համապատասխան չէ»:

Բնական արտաքինով դերասանուհու հետ խոսեցինք նաեւ այսօրվա եթերային թրենդներից, երբ էկրաններին ավելի հաճախ երեւում են արհեստական արտաքինով դերասանուհիները.

«Կարծում եմ՝ նման բաներ բոլոր երկրներում էլ կան, պարզապես Հայաստանում հաճախ ինստագրամյան հետեւորդների համար են ներմուծում նախագծեր եւ ոչ՝ հատուկ արտաքնի: Իրականում դա ցավալի է, քանի որ մենք ունենք շատ տաղանդավոր դերասաններ, որոնց, պարզապես, հնարավորություն չի տրվում»:

Մերին այն եզակի հայ դերասանուհիներից է, որին հաջողվել է խաղալ նաեւ հայկական կինոյում անսովոր՝ սարսափ ժանրում:

««Փրկեք մեր հոգիներ»-ն առանձնացավ իր յուրահատուկ սցենարով: 25 մասնանոց ֆիլմ էր, սակայն, եթե չեմ սխալվում՝ մոտ 3 ամիս տեւեցին նկարահանումները: Դրանք շատ բարդ էին, անտառում շատ ցուրտ էր, բայց ինձ համար այդ օրերը շատ հետաքրքիր էին: Այդ ժամանակահատվածում ստացել էի նաեւ սիթքոմում գլխավոր դերում նկարահանվելու առաջարկ, բայց նախընտրեցի լինել «Փրկեք մեր հոգիները» նախագծում, քանի որ այն ինձ թե սյուժետային, թե դերասանական խաղի առումով գրավեց: Հայաստանում սարսափ ժանրն այնքան էլ տարածված չէ, բայց կարծում եմ՝ այդ ֆիլմն ավելի շատ հոգեբանական թրիլեր է: Ինքս սարսափ ֆիլմերի երկրպագու չեմ, բայց այնտեղ նկարահանվելը շատ հետաքրքիր էր»,-պատմում է ու հավելում,-«Նկարահանումների ժամանակ մենք պետք է վստահեինք մեր երեւակայությանը, քանի որ, եթե մենք չհավատայինք, որ, իսկապես, տեսնում էինք այդ հոգիներին, հեռուստադիտողը եւս դրան չէր հավատա ու ֆիլմն այդքան բարձր վարկանիշ չէր ունենա: Չնայած, եթե այս սերիալի ռեյթինգը համեմատենք հայկական այլ սերիալների ռեյթինգի հետ, որտեղ միշտ լաց ու սպանություն է քարոզվում, կտեսնենք, որ ցավոք՝ այն ավելի ցածր է…»:

«Պատվից առավել» սերիալից հետո էլ Մերին նկարահանումների առաջարկների պակաս չի ունեցել, բայց դերասանուին առայժմ չի շտապում դրանք ընդունել: Ասում է՝ մի փոքր հանգիստ է պետք.

«Որոշեցի, որ պետք է դադար վերցնեմ եւ հանգստանամ, քանի որ այդ ընթացքում ինձ մոտ գերհոգնածություն էր առաջացել, ինչի պատճառով անգամ քնել չէի կարողանում, ինչը սկսեց անդրադառնալ առողջությանս վրա ու ես հասկացա, որ հանգիստն ինձ անհրաժեշտ է»:

Ինչ վերաբերում է իր իսկ նախընտրած դերերին՝ Մերին անկեղծացավ.

«Ինձ հեռուստադիտողը հիմնականում տեսել է դրական, բարի կերպարներում: Շատ կցանկանայի, որ տեսնեին նաեւ հումորային նախագծում եւ որեւէ արտասովոր, խարիզմատիկ բացասական կերպարում»:

Սյունե Առաքելյան

 


Հետևեք NEWS.am STYLE-ին Facebook-ում, Twitter-ում և Instagram-ում






  • Այս թեմայով



@NEWSam_STYLE

  • Արխիվ
Որոնել
  • Հարցում
Հայաստանի ամենահայտնի տղամարդը
Նիկոլ Փաշինյան
Սերժ Թանկյան
Մկրտիչ Արզումանյան
Հայկ Մարության