• Զատկի սեղան ենք գցում. 7 գաղափար՝ նորաձեւ դեկորի համար

  Զատիկը մոտ է, եւ ժամանակն է մտածել, թե ինչպես զարդարել սեղանը, որպեսզի գարնանն այն ոճային տեսք ունենա․․․

• Մարտի 8-ի յուրօրինակ նվերներ՝ հայկական բրենդներից

  Կանանց միջազգային տոնի նախօրեին մենք ձեզ համար պատրաստել ենք ոչ տրիվիալ նվերների ընտրանի, որը կուրախացնի ձեր սիրելիներին…

• Մարտի 8-ը նշելու 5 օրիգինալ տարբերակ

  Ծաղիկների փունջը, ընթրիքը ռեստորանում եւ երեկոյան քաղաքում զբոսնելը՝ «Մարտի 8»-ի ստանդարտ «փաթեթ է»…

• Իտալական տոն կամ հայկական կենսաոճ

  Այսօր չշտապելու կամ դանդաղկոտության համաշխարհային օրն է․․․

• Wine story. գինու գայթակղություն Սիրահարների օրվա համար

  NEWS.am STYLE-ի գինու գիտակ Լիանա Աղաջանյանը հատուկ այս օրվա առիթով առաջարկում է մի քանի նրբահամ տարբերակներ, որոնք կընդգծեն երեկոյի մթնոլորտը եւ համատեղ ժամանցը կդարձնեն ավելի հաճելի...

• NEWS.am STYLE-ի թիմի տոնածառերը. Սիրե՛ք կյանքը, եւ մի՛ հուսահատվեք

  NEWS.am STYLE-ի խմբագրությունում Ամանորը սիրելի տոն է, եւ մեր թիմի բոլոր անդամները սիրում են զարդարել տոնածառը․․․

• Երեւանն ու Գյումրին Ամանորի նախօերին. չնայած կորստի ցավին, մարդիկ փորձում են չկորցնել հավատը

  Բազմաթիվ տոնավաճառներ, տոնական զարդարված ցուցափեղկեր եւ բազմաթիվ ամանորյա լույսեր՝ մայրաքաղաքը պատրաստ է դիմավորել Ամանորը․․․

• Վիշապի տարի. ո՞ր գույնը կդառնա ձեր թալիսմանը 2024 թվականին

  Շուտով ողջ աշխարհը կողջունի 2024 թվականը՝ Վիշապի տարին: Ո՞ր գույնը կլինի ձեր թալիսմանն առաջիկա 12 ամիսների ընթացքում․․․

Գունավոր հավկիթներ, ձուկ, գինի, կանաչեղեն, իսկ սեղանի շուրջ ընտանիքի անդամները կռվում են հավկիթներով. Նա, ում հավկիթի կեղեւը չի ջարդվում, դառնում է այս ավանդական խաղի հաղթողը: Այսպես են տոնում Հայաստանում Զատիկը, այլ կերպ ասած` Հիսուս Քրիստոսի հրաշափառ Հարության տոնը:

Միգուցե, մեր ավանդույթները տարօրինակ թվան այլ երկրների ներկայացուցիչների համար, քանի որ աշխարհի տարբեր երկրներում Զատիկը տոնելու տարբեր ավանդույթներ կան:

Այսօր կփորձենք ներկայացնել, թե ինչպես են տոնում Զատիկը աշխարհի տասը երկրներում.

Ֆինլանդիայում երեխաները Զատիկին ներկում են երեսը,  գլխին եւ պարանոցին փաթաթում են շարֆ եւ դուրս են գալիս փողոց` մուրացկանության: Արեւմտյան Ֆինլանդիայի որոշ հատվածներում մարդիկ խարույկ են վառում: Համաձայն ավանդույթի` ծուխն իր հետ տանում է երկրի վրա շրջող չար հոգիներին:

Լեհաստանում Զատիկի օրը նմանվում է հայկական Վարդավառին: Մարդիկ միմյանց վրա ջուր են լցնում: Այս ավանդույթը կոչվում է Սմինգուս-Դինգուս: Ըստ լեգենդի` այն աղջիկները, որոնց ջրեն, տարվա ընթացքում կամուսնանան:

Եթե Զատիկի օրը հայտնվեք ֆրանսիական Օ (Haux) քաղաքում, ապա չմոռանաք ձեզ հետ վերցնել պատառաքաղ, քանի որ այստեղ արդեն ավանդույթ է դարձել տոնի օրը գլխավոր հրապարակում մատուցել հսկայական ձվածեղ: Այս օմլետը պատրաստվում է մոտավորապես 4, 500 հավկիթից եւ կարող է կշտացնել 1000 հոգու: Ասում են` այս ավանդույթը ձեւավորվել է այն ժամանակ, երբ Նապոլեոնն իր զորքի հետ ճանապարհորդելով Ֆրանսիայում` կանգ է առնում մի փոքրիկ քաղաքում, որտեղ նրան օմլետ են հյուրասիրում: Նրան այնքան է դուր գալիս ուտեստը, որ նա հրամայում է քաղաքի բոլոր մարդկանց հավաքել իրենց տանը մնացած հավկիթներն ու դրանցից բոլորով պատրադտել օմլետ:

Հունաստանի որոշ հատվածներում Զատիկի օրը պատուհանից դեն են նետում հին սպասքը` թավաները, կուժերը եւ այլն: Ինչ-որ չափով այս ավանդույթը նման է Վենետիկի Ամանորյա ավանդույթին, երբ պատուհանից դեն են նետում հին իրերը:

Նորվեգիայում Զատիկին ընդունված է ընթերցել կրիմինալ պատմվածքներ: Հեղինակների կողմից ստեղծվում են հատուկ այդպիսի գրքեր, որոնք անվանում են «Զատիկի օրվա թրիլերներ»: Այս ավանդույթը սերում է 1923 թ-ից:

Չեխիայում Զատիկի օրը տղամարդիկ ուռենու ճյուղերը զարդարում են ժապավեններով եւ դրանցով թեթեւակի հարվածում են կանանց: Համաձայն ավանդույթի` ուռենին գարնան առաջին ծառն է եւ դրա թեթեւ հարվածը կենսունակություն եւ պտղաբերություն է փոխանցում կանանց:

Իսպանական Վերժես քաղաքում Սուրբ հինգշաբթի օրը կազմակերպում են «մահացու պար» կոչվող բեմադրությունը: Մարդիկ հագնում են կմախք հիշեցնող կոստյումներ եւ սկսում են պարել դրանցով: Պարը սկսվում է կեսգիշերին եւ տեւում է երեք ժամ:

Ամերիկայի մայրաքաղաք Վաշինգթոնում տարիներ շարունակ Զատիկը նշվում է հատուկ արարողակարգով: Եփված գունավոր հավկիթները դրվում են խոտի վրա եւ մարդիկ դրանք պետք է փորձեն գլորել մեծ գդալների միջոցով: Այս արարողությունը անցնում է երաժշտության ներքո: Կազմակերպվում են նաեւ այլ սպորտային միջոցառումներ` երեխաներին առողջ ապրելակերպ քարոզելու նպատակով:

Երուսաղեմում մարդիկ ուրբաթ օրը քայլում են այն ճանապարհով, որով Հիսուսն է անցել իր խաչվելու օրը: Որոշ մարդիկ իրենց ուսերին Խաչ են կրում` ի հիշատակ Հիսուս Քրիստոսի:

Իտալիայի մայրաքաղաքում ուրբաթ օրը Հռոմի Պապը կատարում է Խաչի օրհնության արարողությունը: Հսկայական խաչի ծայրերը վառում են ջահերով եւ այն լուսավորում է երկինքը: Իսկ արդեն կիրակի օրը հազարավոր մարդիկ հավաքվում են Սուրբ Պետրոսի հրապարակում, որտեղ Հռոմի Պապը եկեղեցու պատշգամբից օրհնում է հավաքվածներին:

Աղբյուրը` www.womansday.com

Պատրաստեց Սյունե Առաքելյանը

Հետևեք NEWS.am STYLE-ին Facebook-ում, Twitter-ում և Instagram-ում