Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

Մոլորակի ամենասքանչելի 7 անկյունները

16:04, 18 ապրիլի

Ահ, շունչդ կտրվում է…

Իվուար, Ֆրանսիա

Գեղատեսիլ Իվուար գյուղն արդեն ավելի քան 700 տարեկան է: Չնայած ճակատամարտերին եւ բնական աղետներին, այն պահպանել է իր պատմական տեսքը:  

Ժնեւի լճի մոտ մի փոքրիկ ամրոց կա, որը կառուցել է Սավոյացի Ամադեուս V-րդ կոմսը: Սալարկված փողոցներ, հմայիչ մարդիկ, հարմարավետ հին տներ, շքեղ ծաղկանոցներ: 

Նման վայրը չէր կարող  Ֆրանսիայի Գեղեցիկ գյուղերի ասոցիացիայի անդամ չլինել:

Կենգուրուի կղզի, Ավստրալիա

Կենգուրուի կղզին կարելի է համարձակորեն համարել այն վայրերից մեկը, որտեղ երազում են հայտնվել եւ մեծերը, եւ երեխաները: Տարածքի մեկ երրորդն այստեղ զբաղեցնում են արգելոցներն ու ազգային պարկերը: 

Ձեզ վրա տպավորություն են գործում հսկայական բնապատկերները հսկայական ժայռերի ֆոնին եւ կանաչ ընդարձակ տարածքները: Այստեղ զբոսնելիս կարելի է կենգուրուի հանդիպել,   հսկայամողեսների, կոալաների, բադակտուցների, ինչպես նաեւ բազմաթիվ թռչունների` թզուկ պինգվինների, սեւ կակադուների, ամբարային բվերի եւ այլն:  

Իսկ օվկիանոսային ջրերում դելֆինները եւ փոկերն են վխտում: Այս վայրում Ավստրալիան ձեր առաջ կբացվի որպես ազատասեր եւ չտեսնված գեղեցկությունների տեր երկիր: 

Տիտիկակա լիճ, Պերու/Բոլիվիա

Տեղի բնակիչների համար Տիտիկակա լիճը սուրբ է: Դրա անվանումը հնդկացիերեն նշանակում է «լեռնային կատվառյուծ»: Գիտնականների կարծիքով, լիճը միլիոնավոր տարիներ առաջ հնագույն ծով է եղել. դրա ջրերում մինչեւ հիմա էլ ծովային ձկներ են լողում, խեցգետնակերպեր եւ նույնիսկ շնաձկներ, իսկ լեռների լանջերին պահպանվել են ալիքի հետքերը: 

Տիտիկակա է թափվում մոտ 300 գետ: Հետո էլ հնարավոր է լճում եղեգներից անսովոր լողացող կղզիներ տեսնել, որոնց վրա ուրու հնդկացիներ են ապրում:  Այս շարժական բնակավայրերում կյանքի դրվածքը վերջին դարի ընթացքում առանձնապես չի փոխվել: Ձեզ կթվա, թե դուք ժամանակի մեջ ճամփորդություն եք կատարել:  

Հոբբիտոն, Նոր Զելանդիա

Երեւակայական գյուղը ոչխարաբուծական ֆերմայում մեկ տարվա ընթացքում ստեղծվել է 400 մարդու ջանքերով` «Օղակների տիրակալը» հայտնի եռագրության նկարահանման համար: Ֆիլմի վրա աշխատանքի ավարտից հետո գյուղը մի որոշ ժամանակ դատարկ էր:

Բայց շուտով այստեղ սկսեցին ժամանել ստեղծագործության բոլոր երկրպագուները` իրենց աչքով տեսնելու հոբբիտների բները, «Կանաչ վիշապ» փաբը, կամարաձեւ կամուրջը, ջրաղացը եւ այլ գեղատեսիլ օբյեկտներ, որոնք իրականի են վերածվել: 

Ալբերոբելլո, Իտալիա

Փոքրիկ Ալբերոբելլոն սքանչելի է: Նրա կախարդական գմբեթարդ տնակներն անմիջապես նվաճում են ճանապարհորդների սրտերը: Այստեղ մոտավորապես մեկ ու կես հազար կախարդական տնակներ են կառուցվել կոնաձեւ խրճիթներով: Իմիջիայլոց, դրանցից շատերն արդեն ավելի քան 7 հարյուր տարեկան են: 

Քաղաքն անվանվել է մի ժամանակ մոտակայքում աճած անտառի` Arboris Belli («գեղեցիկ ծառեր») պատվին: Գավառական Իտալիայի աշխարհը ձեր առաջ կբացվի այս արտասովոր քաղաքում, որը լի է արեւի լույսով եւ զարդարվել է ներշնչված վարպետների կողմից:

  

Մոնսանտո, Պորտուգալիա

Կոլորիտային Մոնսանտո քաղաքը թաքնվել է գրանիտե գլաքարերի մեջ: Զարմանալի բնապատկեր է բացվում` լեռներ, կանաչ, կղմինդրաձեւ  տանիքներ, քարե փողոցներ: Մոնսանտոն մի ժամանակ Բեյր-Բաիշ նահանգի կենտրոնն էր:  

Ութ հարյուրամյակի ընթացքում տեղական լանդշաֆտը քիչ է փոխվել, այդ պատճառով քաղաքը 1938-ին ճանաչվել է «ամենապորտուգալական գյուղ»:

Այստեղ թափառելն իսկական հաճույք է. հսկայական քարի մոտ գտնվող ռեստորանում կարելի է վայելել ավանդական ուտեստներ: 

Ալբարրասին, Իսպանիա

Փիլիսոփա Օրտեգա-ի-Գասեթը գրում էր, որ այս քաղաքը հեքիաթային ուրվապատկեր ունի: Ալբարրասինը հաճախ նաեւ կոչում են «վարդագույն քաղաք»:

Բնակավայրը գեղեցիկ անվանումը ստացել է մահմեդականների օրոք  (IX—XII դդ.): Այստեղ ամեն ինչ գեղեցիկ է. եւ հին, ոլորուն փողոցները, եւ Սիերրա-դե-Ալբարրասին լեռները, եւ կանաչ մարգագետինները, եւ գետերը:

Այստեղ կարելի է տեսնել նաեւ  18 կիլոմետրանոց ջրատար, որը կառուցել են դեռեւս հռոմեացիների օրոք: Սալարկով զբոսնելիս` դուք ձեզ համար աննկատ կսուզվեք անցյալ դարերի իսպանական կոլորիտի մեջ: 

Աղբյուրը` Creu


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել