MOCT 5. Անդերգրաունդ կյանքը Հայաստանում

«Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

Անդրեյ Մակարեւիչ. «Ինտերնետը շատ շուտ է հասել մարդկությանը»

Գուշակիր գույնը, ստացիր ծաղկեփունջ. մեկ օր՝ Մայիս Վարդանյանի հետ

Տիհանա Vibes Դավիթ Մանոյանի հետ. Իվետա Մուկուչյանի հետ տեսահոլովակի, Կասպերի եւ այլ թեմաների մասին

Տիհանա Vibes. ZatikArtFest-ի գույներն ու մարդիկ

Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

«Որպես երգչուհի գործունեություն ծավալելու մասին երբեք չեմ մտածել». դերասանուհի Ադրիանա Գալստյանը զուգերգով է ներկայացել

15:05, 27 ապրիլի

Օրերս դերասանուհի Ադրիանա Գալստյանը զարմացրեց իր հետեւորդներին՝ ցուցադրելով վոկալային կարողությունները: Ադրիանան իր էջում տեղադրեց իր եւ երգիչ Արգամի «Աղոթք» զուգերգը, որը նրա երկրպագուների դրական արձագանքներին արժանացավ:

Դերասանուհու մասնագիտական նոր դրսեւորումն անտարբեր չթողեց նաեւ NEWS.am STYLE-ին: Ադրիանայի հետ զրուցել ենք երաժշտական նախասիրության մասին եւ հետաքրքրվել՝ արդյոք մտադրություն ունի՞ դերասանությանը զուգահեռ զբաղվել նաեւ երգով:

Ադրիանան նախ պատմեց ներկայացված զուգերգի եւ Սանկտ Պետերբուրգում բնակվող երգիչ Արգամի հետ համագործակցության մասին.

«Առաջարկը եղել է հենց Արգամի կողմից: Նա վաղուց ուներ հեղինակած մի երգ եւ մտածում էր, թե ում հետ կարող է իրագործել այդ գաղափարը: Շատ պատահական իմացավ, որ ես կարողանում եմ երգել եւ առաջարկեց զուգերգով հանդես գալ միասին»:

Ադրիանան ու Արգամը երգը կատարում են հայերենով եւ ռուսերենով: Հայերեն տեքստի մի մասի հեղինակը հենց դերասանուհին է: Նա նշում է,- «Ոգեշնչումը ներքին հոգեւոր աշխարհից էր: Հատուկ բառեր չենք մտածել, ներկայացրել ենք այն, ինչ կար մեր ներսում, ինչի մասին ուզում էինք բարձրաձայնել; Իրականում երգը ներկայացնելու հետ կապված այլ գաղափարներ ունեինք, բայց ամեն ինչ որոշվեց, գրեթե, վերջին րոպեին: Մեզ օգնեցին նաեւ շատ հարազատ մարդիկ, եւ արդյունքում ունեցանք կենդանի տեսահոլովակ, որով փորձեցինք փոխել մարդկանց տրամադրությունն այս օրերին»:

Անդրադառնալով իր վոկալային կարողություններին՝ դերասանուհին նշեց.

«Քչերը գիտեին երգելուս կարողության մասին, արձագանքները սպասվածից ավելի դրական էին ու ոգեւորող: Հիմնականում գրում են, որ ավելի շուտ պետք է նման բան անեի: Փոքր տարիքում եմ հաճախել երգի դասընթացների, ունեցել եմ հեղինակային երգեր, նաեւ երգչախմբի անդամ եղել: Պարզապես տարիների ընթացքում այդ ուղղությամբ գործունեությունս ու ակտիվությունս դադարեցրի: Մտածում էի, որ դա նախասիրություն է, եւ այն պետք չէ շարունակել, բայց լսելով ընկերներիս ու հարազատներիս կարծիքը՝ որոշեցի քայլ անել»:

Դերասանուհին նշում է, որ երգչուհու կարիերայով զբաղվելու լուրջ մտադրություններ առայժմ չունի.

«Որպես երգչուհի գործունեություն ծավալելու մասին երբեք չեմ մտածել, հիմա էլ այդ ուղղությամբ մտքեր չունեմ, պարզապես ցանկանում եմ մարդկանց ցույց տալ հետաքրքիրը, հաճելին ու տարբերվողը: Եղել է ցանկություն մասնակցելու The Voice հաղորդման ֆորմատի նախագծերի, բայց քանի որ ինչպես նշեցի՝ երգին վերաբերվել եմ որպես նախասիրության, նման համարձակ քայլի չեմ դիմել, բայց դա ինձ չի խանգարել, որովհետեւ նման երազանք չեմ ունեցել, որ պետք է որեւէ մրցույթի մասնակցեմ ու հաղթեմ»:

Այնուամենայնիվ, Ադրիանան խոստացավ, որ մոտ ապագայում կշարունակի իր հետեւորդներին ներկայացնել իր վոկալային ունակությունները նաեւ այլ գործերում.

«Առաջիկայում միտք ունեմ ներկայանալու cover կատարումներով, հնարավոր է՝ ներկայացնեմ նաեւ հեղինակային երգեր, իսկ թե ինչ կլինի հետո, ժամանակն ու կյանքը ցույց կտան»:

Սյունե Առաքելյան

Լուսանկարները՝ Ադրիանա Գալստյանի եւ Արգամի ինստագրամյան էջերից

 


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով

TV SHOWS PHOTO VIDEO


@NEWSam_STYLE

  • Արխիվ
Որոնել