• Critics Choice Awards 2024-ի 10 լավագույն կերպարները՝ կարմիր գորգին

  Աստղային եւս մեկ միջոցառում անցյալում է՝ «Օպենհայմերի» ու «Բարբիի» հերթական նվաճումներով․․․

• Ջոնի Դեփի հաղթական վերադարձը` «Ժաննա Դյուբարի» ֆիլմով

  Ամուսնալուծության աղմկահարույց սկանդալից հետո այս ամառ թողարկվեց Ջոնի Դեփի մասնակցությամբ առաջին ֆիլմը․․․

• Ջոնի Դեփը ռեկորդային պայմանագիր է ստորագրել Dior-ի հետ

  Dior-ը 20 միլիոն դոլարի նոր պայմանագիր է կնքել Ջոնի Դեփի հետ․․․

• «Օսկար 2023». ովքե՞ր են արժանացել աշխարհի գլխավոր կինոմրցանակին

  Լոս Անջելեսի Dolby Theatre-ում ամփոփվել են մրցանակաբաշխության արդյունքները եւ որոշվել են լավագույններից լավագույնները․․․

• Պամելա Անդերսոն. երեք լեգենդար կերպար

  NEWS.am STYLE-ը մեկտեղել է Պամելա Անդերսոնի երեք ամենահիշվող կերպարները, որոնք կարելի է կրել նաեւ Երեւանի փողոցներում...

• Կիանու Ռիվզն իրեն հետապնդող տղամարդու պատճառով դիմել է դատարան

  Կիանուն նույնիսկ ստիպված է եղել անվտանգության ընկերություն վարձել․․․

• Էշթոն Քաթչերը Դեմի Մուրից բաժանվելուց հետո իրեն անհաջողակ է զգացել

  Ոչինչ չի ստիպում քեզ անհաջողակ զգալ, ինչպես ամուսնալուծությունը․․․

• Աստղային գեղեցկության գաղտնիքները. SPF-ն Էնն Հեթուեյի խնամքի անբաժանելի մաս

  «Ես հովանոց եմ վերցնում ինձ հետ, երբ քայլում եմ արեւի տակ…

1929 թ-ի մայիսի 4-ին լույս աշխարհ է եկել ոճի ու գեղեցկության խորհրդանիշ, տաղանդաշատ ու նրբագեղ Օդրի Հեփբըրնը, որին մինչ օրս համարում են ամենագեղեցիկ ու ոգեշնչող կանանցից: Բրիտանացի դերասանուհին ծնվել է Բրյուսելում, սակայն մանկությունն անց է կացրել Նիդերլանդներում՝ Առնեմ քաղաքում, Օդրին այդ տարիներով պայմանավորված՝ ունեցել է ծանր մանկություն, ստիպված է եղել պայքարել սովից չմահանալու համար:

Էկրաններից այն կողմ միշտ շքեղ ու գեղեցիկ դերասանուհուն նայելիս հեռուստադիտողը չէր էլ կասկածում նրա դժվարի ճանապարհի ու պայքարի մասին: Օդրի Հեփբըրնը մահացել է 1993 թ-ին՝ 63 տարեկան հասակում: Մահվան պատճառ է դարձել հաստ աղիքի քաղցկեղը:

Ձեր ուշադրույանն ենք ներկայացնում Օդրիի մասին 9 փաստ, որոնք քչերին են հայտնի:

Նա սարսափում էր ջրից

«Երկուսը ճանապարհին» ֆիլմում կա մի տեսարան, որտեղ Օդրիին նետում են ջրի մեջ: Դերասանուհին սարսափում էր ջուրը նետվելու մտքից, այդ պատճառով տեսախցիկից այն կողմ անձնակազմի կեսն այդ պահին նետվել էր լողավազանի մեջ, որպեսզի անհրաժեշտության դեպքում նրան օգնություն ցուցաբերեին: Օդրին միայն այդ դեպքում էր համաձայնվել նկարահանվել այդ տեսարանում: Այն վախը, որ երեւում է նրա դեմքին էկրանից, ավելի քան բնական է:

Նա իսկական ինտրովերտ էր

Ի տարբերություն շատ հայտնիների՝ Օդրին չէր սիրում լինել ուշադրության կենտրոնում, շրջապատված լինել երկրպագուներով կամ շատ մարդկանցով: Նա մի անգամ խոստովանել է՝ «Ես շատ հաճախ մենակ մնալու կարիք եմ ունենում: Ես շատ երջանիկ ինձ կզգամ, եթե կարողանամ ինձ թույլ տալ շաբաթ երեկոյից մինչեւ երկուշաբթի առավոտ մենակ մնալ իմ տանը: Այդպես եմ ես վերականգնվում»:

Նա ստիպված է եղել դիմակայել սովին, ինչը անհետեւանք չի մնացել

Երկրորդ համաշխարհային պատերազմի ժամանակ Օդրիի քաղաքը բռնագրավել էին գերմանացի զինվորները: Մարդիկ չէին կարողանում ազատ տեղաշարժվել, ուտելիքն էլ բավարար չէր: Դերասանուհու ընտանիքն այդ շրջանում ստիպված էր մի կերպ ուտելիք հայթայթել: Նրանք հիմնականում կարողանում էին  միայն սխտոր եւ խոտ ուտել հացի հետ: Դրա հետեւանքով Օդրին հաճախ քաղցած էր մնում, ինչը հետագայում էլ անհետեւանք չի մնացել նրա մարմնի եւ առողջության վրա:

Նա հոլանդական դիմադրության շարժման գաղտնի գործակալ է եղել

Օդրին գաղտնի հաղորդագրություններ էր տանում հոլանդական դիմադրութան շարժման ներկայացուցիչներին՝ դրանք թաքցնեով բալետի կոշիկների մեջ: Մի անգամ նա, նույնիսկ, հազիվ է փախչել, երբ իրեն բացահայտել են: Օդրին այդ շրջանում ռիսկի էր ենթարկում իր կյանքը, քանի որ եթե նրան բռնեին, կարող էին սպանել:

Մինչ դերասանուհի դառնալը եղել է ատամնաբույժի օգնական

Օդրին փորձաշրջան է անցել ատամնաբուժարանում, մինչեւ նրան մի օր նկատել է տաղանդներ փնտրող մի գործակալ ու առաջարկել խաղալ «Ջիջի»/Gigi ներկայացման մեջ:

Դերասանուհին 5 անգամ վիժել է

Օդրին համոզված էր՝ ինքն անպայման պետք է մայրանա: Անգամ այն փաստը, որ նա անընդհատ վիժում էր, չէր հուսահատեցնում դերասանուհուն: Նա այնքան վճռական էր տրամադրված, որ պետք է կյանք պարգեւի, որ, նույնիսկ, ժամանակավորապես հրաժարվել է սիրելի աշխատանքից, որպեսզի իր մարմինը պատրաստի ծննդաբերելու համար: Օդրիի երազանքը ժամանակի ընթացքում կատարվել է: Նա լույս աշխարհ է բերել իր երկու զավակներին՝ Շոն Հեփբըրն Ֆեռերին եւ Լուկա Դոթիին:

Զարմանում էր, երբ իրեն գեղեցիկ էին համարում

Նրանով հիանում էին կենդանության օրոք, նրան նմանակում են նաեւ այսօր ու շարունակում համարել գեղեցկության խորհրդանիշ, սակայն դերասանուհու որդին՝ Լուկա Դոթին Vanity Fair-ին տված հարցազրույցում բացահատել է, որ մայրը զարմանում էր, երբ մարդիկ իրեն գեղեցիկ էին համարում: «Նա կարծում էր, թե իր քիթը շատ մեծ է, ոտքերն էլ՝ խոշոր, որ ինքը շատ նիհար է, իսկ կրծքերը շատ փոքր են: Միշտ նայում էր հայելու մեջ ու ասում՝ տեսնես մարդիկ ինչո՞ւ են կարծում, թե ես գեղեցիկ եմ»:

Նա էլ է Ջոն Քեննեդիի համար երգել Happy Birthday

Շատերը լավ են հիշում այս երգը  մեկ այլ գեղեցկուհու՝ Մերլին Մոնրոյի կատարմամբ, որը դերասանուհին Ջոն Քեննեդիի համար երգել է 1962 թ-ին: Մեկ տարի անց նախագահին նույն երգով շնորհավորել է նաեւ Օդրի Հեփբըրնը, բայց ի տարբերություն առաջին դեպքի՝ միջոցառումն անցկացվել է խիստ փակ պայմաններում, այդ է պատճառը, որ Օդրիի կատարումը չի տեսագրվել եւ չի հայտնվել համացանցում:

«Դիսնեյ»-ի քնած գեղեցկուհու՝ Ավրորայի կերպարը ոգեշնչված է Օդրի Հեփբըրնից

Ավրորայի օրիգինալ կերպարի հեղինակը Թոմ Օրեբն է, որն իր արքայադստերը ստեղծել է Օդրիի չափանիշներով:

Աղբյուրը՝ www.everythingaudrey.com

Լուսանկարները՝ Getty Images/Hulton Archive, Pinterest, Willy Rizzo, Glamour.com. iAnimate.net

Հետևեք NEWS.am STYLE-ին Facebook-ում, Twitter-ում և Instagram-ում