• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

• Դասականի հավերժականության, երաժշտի եւ երաժշտության փոխհարաբերությունների մասին՝ տուբահար Հարություն Հաջինյանի հետ

  Երաժշտության պատմության մեջ երաժշտական ​​ոճերից կարեւորագույնը ինձ համար դասականն է, ասում է 37–ամյա տուբահար Հարություն Հաջինյանը...

• MOCT 5. Անդերգրաունդ կյանքը Հայաստանում

  MOCT Promo-ի պրոդյուսեր Լևոն Հունանյանի հետ զրուցել ենք անդերգրաունդ կյանքի, էլեկտրոնային երաժշտության, և հենց MOCT-ի մասին։ Ապրիլի 20-ից 22-ը MOCT-ը նշում է իր 5 ամյակը, գերմանացի տեխնո արտիստ, դի-ջեյ Ben Klock-ը միջոցառման գլխավոր հյուրն է...

• Իջինը «հպարտացել է» իր սլացիկ կազմվածքով (ֆոտո)

  Ռուսաստանաբնակ երգչուհի Իջինը Instagram-ում նոր հրապարակում է արել՝ ցուցադրելով իր գեղեցիկ արեւայրուքն ու սլացիկ կազմվածքը...

• «Ահա, թե ինչ եմ անում, երբ չեմ աշխատում»․ Սիրուշոն ցուցադրել է, թե ինչպես է անցկացրել «weekend»-ը երեխաների հետ (ֆոտո/վիդեո)

  Սիրուշոն Instagram-ում կիվել է իր եւ երեխաների հանգստյան օրերի ժամանցով...

• «Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

  «Մոսկվա» կինոթատրոնում երեկ՝ ապրիլի14-ին, կայացավ «ՄԵՆՔ» հոլդինգի, նոր՝ «Տանդեմ» քրեական դրամայի առաջին երեք սերիաների ցուցադրությունը...

• «Ամերիկացին»՝ Հայատանում. Ժան Նշանյանը՝ որդու՝ Արմանի հետ աշխատելու, Նարինե Գրիգորյանը՝ Հովիկ Կեուչկերյանի կողքին «փոքր կին» զգալու մասին

  Ապրիլի 4-ից հայաստանյան էկրաններ է բարձրացել «Ամերիկացի» ֆիլմը: Ֆիլմի ռեժիսորը եւ գլխավոր դերակատարը Մայքլ Գյույրջյանն է, պրոդյուսերը՝ Արման Նշանյանը…

• Գոհար Ավետիսյանը՝ երկու էկզոտիկ կերպարով. «բարոյականության պահապանները» կարծում են, որ «հայուհիներն այդպես չեն հագնվում»

  Հայկական ծագմամբ ռուս դիմահարդար Գոհար Ավետիսյանը ներկայացել է երկու էկզոտիկ կերպարով…

Մոդել Լիանա Թովմասյանը, որն ամուսնությունից հետո տեղափոխվել էր Շանհայ, այս ընթացքում Հայաստանում է: Այստեղ նա նոր ֆոտոշարք է իրականացրել լուսանկարչուհի Քրիստինա Արուտյունովայի (Chris Nova) հետ: Նկարահանումների ընթացքում Լիանան ստիպված է եղել վազել անհնազանդ աքլորի հետեւից՝ այդ ընթացքում կրելով նորաձեւ հագուստ ու բարձրակրունկներ: Մոդելը NEWS.am STYLE-ին է տրամադրել իր նոր լուսանկարներն ու պատմել ֆոտոշարքի զավեշտալի իրարանցման, գյուղական միջավայրի, ամուսնու հետ Չինաստան տեղափոխվելու ու այնտեղ մոդելային կարիերա սկսելու մասին:

Լիանա, ֆոտոշարքում գյուղական միջավայրում ես, բայց շատ նորաձեւ կնոջ կերպարում. ինչ-որ հատուկ մեսիջ ունեցե՞լ է շարքը: Ինչպե՞ս առաջացավ գաղափարը:

Նորաձեւությունը տեսնում եմ ամենուր եւ ամեն ինչ՝ նորաձեւության մեջ, մեսիջը սա է:

Մենք ծրագրել էինք լրիվ այլ ֆոտոշարք անել, բայց որոշակի խանգարող հանգամանքներ եղան ու տեղում փոխեցինք միտքը. որոշեցինք նորաձեւությունը ֆիքսել գյուղական կյանքի հետ: Կարծում եմ` ստացվեց:

Որտե՞ղ են տեղի ունեցել նկարահանումները:

Նկարահանումներն իրականացրել ենք Լոռիում, մի քանի գյուղերով շրջել ենք ու գտել շատ հին գյուղական տուն, որտեղ կկարողանայինք ստանալ նման ֆոտոշարք: Հանդիպեցինք մի կնոջ, որը թույլ տվեց իր տան բակում անել նկարահանումները: Նրան խնդրեցինք, որ աքլոր մեզ տրամադրի, ու այդպես անցանք գործի…

Ինչպե՞ս ընթացավ քո եւ աքլորի «համագործակցությունը»: Ի՞նչն էր ամենադժվարը:

Սկզբում շատ հանգիստ էր, մի քանի լուսանկար արեցինք, բայց երբ հավաբնի դուռը բացվեց եւ հավերը դուրս եկան, աքլորը ձեռքիցս փախավ (ծիծաղում է): Հասավ դիմացի հողատարածք, ու այդ ժամանակ ես ու լուսանկարիչը չգիտեինք` ինչ պետք է ասեինք այն կնոջը, որը մեզ տրամադրել էր այդ աքլորին: Հետո բոլորս սկսեցինք վազել այդ աքլորի հետեւից: Բարձրակրունկներով վազում էի տարբեր հողամասերով, որ բռնեինք նրան (ծիծաղում է): Իսկ մինչ մենք բոլորս կենտրոնացած որոնում էինք աքլորին, հավաբնից այդ ընթացքում մի հավ փախավ... լրիվ հակառակ ուղղությամբ: Մի խոսքով` մոտ երկու ժամ ես ու լուսանկարիչը մյուս գյուղացիների հետ միասին վազել ենք այդ աքլորի ու հավի հետեւից ու կարելի է ասել` մեր համատեղ ֆոտոշարքը չստացվեց:

Այն լուսանկարները, որոնք կտեսնեք, հենց առաջին մի քանի կադրերն են: Մտադիր էինք մայրամուտին անել նկարները, բայց աքլորի «փախուստի» պատճառով չստացվեց: Ամեն դեպքում, լավ հուշեր մնացին այդ օրվանից:

Գյուղում երբեւէ ապրե՞լ ես:

Գյուղում չեմ ապրել, բայց շատ եմ սիրում գյուղական կյանքը, գյուղական սնունդը: Տատիկներս ու պապիկներս գյուղացիներ են, ու ես շատ հաճախ եմ նրանց այցելում ու շաբաթներով մնում այնտեղ: Ինձ շատ է դուր գալիս այդ միջավայրը, միգուցե, հետագայում գյուղերից մեկում տուն գնեմ ու որոշ ժամանակ մեկուսանամ այնտեղ:

Տեւական ժամանակ Չինաստանում էիր. ե՞րբ ես վերադարձել Հայաստան. ինչո՞վ էր պայմանավորված այցդ:

Այո, հենց ամուսնության հաջորդ օրը որոշեցինք մեր համատեղ կյանքը սկսել Չինաստանում` Շանհայ քաղաքում: Հիացած եմ... շատ լավ ու զարգացած քաղաք է: Առաջին անգամ էի այնտեղ, եւ 7 ամիս այնտեղ մնալուց հետո այս չարաբաստիկ վիրուսի պատճառով ժամանակավորապես վերադարձանք Հայաստան` չմտածելով, որ այստեղ էլ է նույնը լինելու: Հիմա այնտեղ ամեն ինչ կարգավորվել է, պարզապես չվերթներ դեռ չեն իրականացվում, դրա համար Հայաստանում ենք, բայց երբ առաջին չվերթը լինի, վերադառնալու ենք Չինաստան: Մի քանի տարի դեռ այնտեղ պետք է մնանք, որովհետեւ ունենք աշխատանքային պայմանագիր: Այնուհետեւ կվերադառնանք Հայաստան ու կշարունակենք ապրել այստեղ:

Չինական մշակույթին հարմարվելը հե՞շտ էր:

Չինական մշակույթը շատ զարգացած է, բոլոր ոլորտներն են այնտեղ շատ զարգացած, ես շատ բան եմ սովորել Շանհայում: Ինձ միշտ թվում էր` ես «տեսած եմ», զարգացած եմ, բայց Շանհայում հասկացա, որ դեռ շատ բաներից հետ եմ: Չինացիները շատ խելացի են ու աշխատասեր, դա ինձ դուր է գալիս. Շանհայում ես ինձ զգում եմ, ինչպես ձուկը ջրում:

Այնտեղ մոդելային կարիերա սկսելու շանսեր կայի՞ն:

Այնտեղ տեղափոխվելուց երկու ամիս անց սկսեցի զբաղվել մոդելային աշխատանքով, համագործակցում էի մի քանի գործակալների հետ, հիմնականում չինական բրենդների ֆոտոշարքերին էի մասնակցում, այնտեղ մասնակցել եմ նաեւ հայտնի բրենդներից մեկի քասթինգին, որի անունը դեռ չեմ ուզում նշել, եւ որի ցուցադրությունը պետք է լիներ ապրիլին կամ մայիսին: Ես նախնական փուլն անցել եմ, պետք է լիներ նաեւ երկրորդ փուլ, բայց հետո իրենց Նոր տարին սկսվեց, հետո էլ` վիրուսը, ու այդպես աշխատանքները ժամանակավորապես հետաձգվեցին: Հուսով եմ` երբ ամեն ինչ կարգավորվի, դա էլ ուժի մեջ կլինի, ու ես երեւի իմ կյանքի ամենապատասխանատու ցուցադրությանը կմասնակցեմ: Հիմա էլ գործակալները գրում են ինձ, բայց ցավոք` առայժմ այստեղ եմ ու չեմ կարող աշխատել:

Ամուսնությունը փոխե՞լ է քեզ:

Այո, ամուսնությունը շատ բան է փոխել իմ կյանքում: Հիմա ավելի ուրախ եմ, քանի որ կողքիս կա մի մարդ, որը բացի ամուսին լինելուց` նաեւ ընկեր է, ինձ հասկանում է, խորհուրդներ տալիս ու աջակցում:

Ինչպե՞ս այս համաճարակն անդրադարձավ մոդելային ասպարեզի վրա:

Կարծում եմ` այս համաճարակը բոլոր ասպարեզների վրա է ազդել... Տա Աստված, որ մինչեւ օգոստոս ամեն ինչ կարգավորվի, ստեղծվի, վերջապես, այն պատվաստանյութը, որով հնարավոր կլինի այս ամենի դեմն առնել...

Հիմա ինչո՞վ ես զբաղվում:

Ներկա պահին ոչ մի հիմնական աշխատանք չեմ կարող վերցնել, որովհտեւ հնարավոր է`մոտ երկու ամսից վերադառնամ Չինաստան: Մի քանի նախագծերի շուրջ եմ աշխատում, ֆոտոշարքերս եմ ավելացնում: Ունեմ նաեւ մի քանի գովազդային առաջարկներ, որոնք մինչեւ մեկնելս կհասցնեմ իրագործել:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում