• Բարոյականության «պահապանները» թող շրջանցեն. էրոտիկ ֆիլմերի ընտրանի

  Եթե «էրոտիկ ֆիլմ» արտահայտությունը լսելով ձեր մտքին միանգամից գալիս են «Նիմֆոմանուհին» եւ «Մոխրագույնի 50 երանգները», ապա շնորհավորում ենք՝ դուք ոչինչ չգիտեք ժանրի մասին…

• «Հարյուր տարվա մենություն». Netflix-ը ներկայացրել է Գաբրիել Գարսիա Մարկեսի գլուխգործոցի կինոադապտացիայի թիզերը

  Netflix-ը թողարկել է «Հարյուր տարվա մենություն» սերիալի նոր թիզերը…

• Սթիվեն Սփիլբերգը ֆիլմ է նկարահանում ՉԹՕ-ի մասին

  Սթիվեն Սփիլբերգը պատրաստվում է վերադառնալ գիտաֆանտաստիկայի աշխարհ․․․

• Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել Լեոնարդո ԴիԿապրիոյի եւ Ջենիֆեր Լոուրենսի մասնակցությամբ

  Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել` Լեոնարդո ԴիԿապրիոյի եւ Ջենիֆեր Լոուրենսի գլխավոր դերակատարմամբ․․․

• Հենրի Քավիլի եւ Մարգո Ռոբիի մասնակցությամբ Ջեյմս Բոնդի մասին ֆիլմի կեղծ թրեյլերը YouTube-ում հասել է 2 միլիոն դիտումի

  Ջեյմս Բոնդի մասին ֆիլմի թրեյլերը՝ Հենրի Քավիլի եւ Մարգո Ռոբիի մասնակցությամբ, YouTube-ում հավաքել է 2 միլիոն դիտում, սակայն պարզվել է, որ այն կեղծ է․․․

• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

• «Քաղցր բամբակ»՝ Netflix»-ից. Գայ Ռիչիի «Ջենտլմենները»

  «Ջենտլմենները» սերիալ է՝ հիմնված Գայ Ռիչիի համանուն քրեական կատակերգության վրա, եւ նվիրված է լոնդոնյան քրեական աշխարհին…

• Կաննի կինոփառատոնը ներկայացրել է մասնակիցների կազմը

  Կաննի կինոփառատոնը ներկայացրել է մասնակիցների կազմը. Կաննի 77-րդ կինոփառատոնին կմասնակցեն մի քանի խորհրդանշական ռեժիսորներ․․․

Ֆիլմի հետ կապված շատ խնդիրներ կային. նկարահանումների ընթացքում ինքնասպան եղավ ռեժիսոր Զակ Սնայդերի հոգեդուստրը: Ռեժիսորը, բնականաբար, այլեւս չէր կարող զբաղվել նախագծով, եւ ստուդիան հրավիրեց ռեժիսոր Ջոս Ուիդոնին («Վրիժառուները»)՝ աշխատանքը շարունակելու համար:

Սա չի նշանակում, որ ֆիլմը ձախողվեց կինովարձույթում, սակայն իր 300 միլիոն դոլար բյուջեով այն ընդամենը 657 միլիոն դոլար հավաքեց ամբողջ աշխարհում: Ֆիլմի հեղինակները գրեթե զրոյի վրա կանգնեցին եւ հաստատ հույս ունեին, որ նվազագույնը մեկուկես միլիարդ դոլար կհավաքեն:

Ավելի ուշ սկսեցին լուրեր պտտվել, որ Սնայդերը պատրաստ էր վերադառնալ, սակայն ստուդիան այլեւս թույլ չի տվել նրան՝ հիմնավորելով, որ ռեժիսորի հայացքը մռայլ է եւ ավելի լավ է աշխատանքը Ուիդոնն ավարտի:

Երկու ռեժիսորների՝ նկարահանումների նկատմամբ մոտեցումների եւ ստեղծագործական մտածելակերպի արմատական տարբերությունների պատճառով ֆիլմը երկրպագուների կողմից ստացավ «Ֆրանկենշտեյնի հրեշ» անունը:

Եվ իսկապես, ֆիլմը դիտելիս հստակ տեսնում ես, թե ինչպես է մի դրվագում նուառային, սնայդեռովյան մռայլ ֆիլմը Ուիդոնի կատակային եւ թեթեւ ստեղծագործության վերածվում:

Կինովարձույթ դուրս գալուց հետո երկրպագուներն ամբողջ աշխարհում (հիմնականում՝ Ամերիկայում) «խաչակրաց արշավանք» սկսեցին ստուդիայի վրա՝ պահանջելով թողարկել ֆիլմի Սնայդերի տարբերակը. հայտնի էր, որ անավարտ տարբերակ կա, եւ ընդամենը հարկավոր է այն մի քիչ հղկել:

#releasethesnydercut հեշթեգը ժամանակին առաջատար տեղ էր զբաղեցոնւմ համացանցում: Երկրպագուներն ամեն օր մեկ այստեղ, մեկ այնտեղ կոչ էին անում թողարկել ֆիլմի Սնայդերի տարբերակը:

Դիմումներ՝ Change.org- ում, ցույցեր՝ DC-ի եւ Warner Bros-ի գրասենյակների շենքերի առջեւ, պաստառներ՝ ավտոճանապարհներին եւ տարբեր քաղաքների կենտրոններում եւ այլն:

Եվ ահա գրեթե երեք տարի անց ստուդիան հանձնվեց, եւ երկրպագուները հաղթանակ տարան:

«Արդարության լիգայի» ռեժիսորական տարբերակը կթողարկվի HBO Max ստրիմինգային սերվիսով 2021 թվականին: Այս մասին ֆիլմի ռեժիսոր Զակ Սնայդերը հայտարարել է «Պողպատե մարդը» ֆիլմի առցանց քննարկման ժամանակ:

The Wrap կայքի  հեղինակ Ումբերտո Գոնսալեսը հայտարարել էր, որ Warner Studios-ը եւ HBO Max ստրիմինգային սերվիսը չեն հաստատել «Զակ Սնայդերի Արդարության լիգայի» նախանկարահանումները: Ռեժիսորական տարբերակի արտադրության համար նախատեսվում է 20-30 միլիոն դոլար հատկացնել, սակայն գումարը կուղղվի առկա նյութը վերջնական տեսքի բերելուն:

«Զակ Սնայդերի Արդարության լիգայի» մասին լուրն իսկական խանդավառություն էր առաջացրել ռեժիսորի երկրպագուների շրջանում: Նրանք շնորհավորում էին միմյանց տարած հաղթանակի կապակցությամբ եւ ուրախանում էին, որ Warner ստուդիան հաշվի է առել իրենց կարծիքը: Սնայդերի որոշ երկրպագուներ ավելի հեռու գնացին եւ տեսախցիկի առջեւ ոչնչացրեցին սովորական «Արդարադատության լիգայի» իրենց օրինակները:

Wb forgive me but this hast to burn pic.twitter.com/RkpcphdBae

— Drizzd #IZS Green Lantern (@Drizzdhelpsrel1) May 21, 2020

It didn’t break as easily as I thought. #ZackSnydersJusticeLeague pic.twitter.com/ZJlQnyBWav

— -Isaac- (@burbank_isaac) May 20, 2020

Մենք ի սրտե շնորհավորում ենք երկրպագուներին այս հաղթանակի կապակցությամբ եւ հուսով ենք, որ հոլիվուդյան ստուդիաներն ավելի ուշադիր կլինեն իրենց հեռուստադիտողների նկատմամբ:

Նորայր Նազարյան

Աղբյուրները՝ TheWrap-Up, THR, Kinopoisk.

Հետևեք NEWS.am STYLE-ին Facebook-ում, Twitter-ում և Instagram-ում