Դերասան Բեն Ավետիսյանի սիրելին՝ դիմահարդար Դիանա Տոնոյանը, հունսի 5-ին նշում էր ծննդյան 22-ամյակը, ինչի սռիթով Բենը Դիանային անակնկալ է մատուցել՝ անսպասելիորեն նշելով նրա հատուկ օրը:
NEWS.am STYLE-ի հետ զրույցում Դիանան պատմել է ոչ միայն ծննդյան օրվա մասին, այլեւ անկեղծացել իր եւ Բենի հարաբերություններ շուրջ:
«Նրա մոտ միշտ ստացվում է անակնկալ մատուցելը»
Դիանան նշում է, որ Բենն անկախ տոներից՝ միշտ անակլալներով լի է.
«Ինձ համար ծննդյանս օրն, իսկապես, անակնկալ էր, քանի որ, նույնիսկ, այս արտակարգ դրության պայմաններում Բենն ու մեր ընդհանուր ընկերները կեսգիշերին անսպաելիորեն շնորհավորեցին ինձ՝ իհարկե պահպանելով բոլոր պաշտպանիչ միջոցները: Բենն, առհասարակ, շատ է սիրում ինձ անակնկալներ մատուցել, ու նրա մոտ միշտ դա ստացվում է»:
«Բենն ինձ փոխել է»
Հարցազրույցներում Բենը հաճախ է շեշտուն, որ սիրելին իրեն փոխել է: Դիանան այսօր խոստովանում է՝ ինքն էլ է իր մեջ փոփոխություններ նկատում, որոնք ի հայտ են եկել Բենի հետ շփման շնորհիվ.
«Բենն իր բնավորությամբ միասեր է, ես՝ նույնպես: Այո, նա էլ ինձ է փոխել: Հիմա ավեի համբերատար եմ դարձել, սկսել եմ ավելի շատ իրեն հասկանալ, իր դրության մեջ մտնել: Մենք զույգ ենք, եւ պետք է միմյանց հարգենք ու փորձենք չնեղացնել»:
«… հասկացա, որ սիրում եմ»
Դիանայի խոսքով՝ ինչպես շատ զույգեր, իրենք էլ մինչեւ միմյանց լավ ճանաչելը տարաձայնություններ ունեցել են, սակայն երկկողմանի կարոտն ու զգացմունքները կրկին միավորել են իրենց.
«Ես իրեն վերաբերվել եմ՝ որպես գործընկերոջ: Սիրահարվել եմ այն ժամանակ, երբ ճանաչել եմ իր տեսակը, իր վերաբեմունքը դեպի ինձ, հասուն մտածելակերպը, նպատակասլաց լինելը, բարությունը… այնքան շատ կետեր կան, որոնք կարելի է անվերջ թվարկել»,-ասում է ու հավելում,-«Երկուսս էլ խանդոտ ենք. այս հարցում իրար չենք զիջում: Հաճախ էի նրանից նեղանում, քանի որ սկզբում միմյանց լավ չէինք ճանաչում: Ինքն իր տեսակով էր տաքարյուն, ես տեսակով շատ զգացմունքային եմ ու միանգամից նեղանում էի նրանից: Բայց ավելի ուշ հականում էի, որ կարոտել եմ իրեն, իսկ երբ կարոտում ես, նշանակում է՝ այդ մարդը կարեւոր է քեզ համար: Իր լուրջ մտքերից եւ մոտեցումներից հասկացա, որ սիրում եմ, եւ որ իրականում մենք շատ ընդհանրություններ ունենք: Տարիների ընթացքում հասկացել եմ, որ Բենի ուշադրությունը չի պակասում, հակառակը՝ նա ավելի ուշադիր ու հոգատար է իմ հանդեպ»:
«Հեռուստացույց չէի դիտում ու չէի ճանաչում նրան»
Ինչպես բազմիցս նշվել է՝ Բենն ու Դիանան ծանոթացել են երգիչ Գեւորգ Սիրեկանյանի «Թող, որ դողամ» տեսահոլովակի նկարահանման հրապարակում, որտեղ ըստ սյուժեի՝ մարմնավորում էին սիրահարների: Ի դեպ, Դիանայի հետ նկարահանվելու միտքը հենց Բենինն է եղել, որը մինչ այդ տեսել էր Դիանային ու այնքան հրապուրվել, որ մտածել էր խորամանկ քայլի դիմել՝ նրա հետ ծանոթանալու համար: Մինչ Բենը «տանջվում էր», Դիանան, ի տարբերություն շատ աղջիկների, նույնիսկ, Բենին՝ որպես դերասանի չէր ճանաչում:
«Անկեղծ ասած՝ հեռուստացույց չէի դիտում ու չէի ճանաչում նրան, իսկ երբ տեսահոլովակի առաջարկը ստացա, սկսեցի հետաքրքրվել ու տեսա, որ նկարահանվում է «Երեւի» հեռուստասերիալում, մարմնավորում է գլխավոր հերոսին: Իմ շրջապատում շատերը նրան ճանաչում ու սիրում էին, եւ զարմացած էին, որ ես չգիտեի նրան: Նկարահանումներից հետո սկսեցի հետեւել սերիալում նրա խաղին: Մտածում էի՝ տեսնես ի՞նչ սցենար կլինի (ծիծաղում է)»:
Ընտանեկան հարաբերություններ...
Դիանան ասում է, որ արդեն հասցրել են մտերմանալ նաեւ ընտանիքներով: Ի ուրախություն զույգի՝ իրենց հարազատներն էլ են միմյանց բարեկամների պես վերաբերվում.
«Ծնողներս նրան շատ են սիրում. նրան չսիրելն անհնար է… Ես էլ նրա ընտանիքի հետ եմ շատ լավ հարաբերությունների մեջ՝ թե´ ես եմ նրանց շատ սիրում, թե´ նրանք՝ ինձ: Կարելի է ասել՝ օրվա մեծ մասը Բենի ընտանիքի հետ եմ անցկացնում, ինձ իրենց ընտանիքի անդամի պես են վերաբերվում»:
Սյունե Առաքելյան
Լուսանկարները տրամադրել է Դիանա Տոնոյանը
Հետևեք NEWS.am STYLE-ին Facebook-ում, Twitter-ում և Instagram-ում
23:13, 24 ապրիլի
«Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան22:17, 24 ապրիլի
Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին21:30, 24 ապրիլի
«Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն20:48, 24 ապրիլի
«Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ19:46, 24 ապրիլի
«Այս ողբերգությունը նրա կյանքի անբաժան մասն է եղել»․ Քրիստինա Ազնավուրը արխիվային լուսանկարներ է հրապարակել Շառլ Ազնավուրի՝ Հայաստան կատարած այցից16:33, 24 ապրիլի
«Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան15:04, 24 ապրիլի
«Երբ մենք հիշում ենք Հայոց ցեղասպանությունը, մենք երդվում ենք երբեք չմոռանալ պատմության դասերը»․ լիբանանահայ դիզայներ Գրիգոր Ջաբոտյան14:29, 24 ապրիլի
Լույս է տեսել Հաքան Սեքինելգինի «Հայոց ցեղասպանությունը եւ Թուրքիան. հանրային հիշողություն եւ ինստիտուցիոնալացված ժխտում» գիրքը13:03, 24 ապրիլի
«Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)12:01, 24 ապրիլի
Մարգարիտա Սիմոնյանը պատմել է Հայոց ցեղասպանությունից փրկված իր նախնիների պատմությունը11:12, 24 ապրիլի
«24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան10:04, 24 ապրիլի
Աշխարհը՝ Հայոց ցեղասպանության մասին. հայտնի մարդկանց հայտարարությունները՝ ողբերգության 109-րդ տարելիցի կապակցությամբ