• «Քաղցր բամբակ»՝ Netflix»-ից. Գայ Ռիչիի «Ջենտլմենները»

  «Ջենտլմենները» սերիալ է՝ հիմնված Գայ Ռիչիի համանուն քրեական կատակերգության վրա, եւ նվիրված է լոնդոնյան քրեական աշխարհին…

• Կաննի կինոփառատոնը ներկայացրել է մասնակիցների կազմը

  Կաննի կինոփառատոնը ներկայացրել է մասնակիցների կազմը. Կաննի 77-րդ կինոփառատոնին կմասնակցեն մի քանի խորհրդանշական ռեժիսորներ․․․

• Մարգո Ռոբին ցանկանում է ֆիլմ նկարահանել «Մոնոպոլիա» խաղի հիման վրա

  Մարգո Ռոբին եւ նրա LuckyChap ընկերությունը մտադիր են գեղարվեստական ​​ֆիլմի նկարահանել ընտանեկան սեղանի խաղի՝ «Մոնոպոլիա»-ի հիման վրա…

• Մայքլ Ջեքսոնի մասին պատմող կենսագրական ֆիլմի առաջին կադրերը ցուցադրվել են CinemaCon-ով

  Մայքլ Ջեքսոնի մասին պատմող կենսագրական ֆիլմի առաջին կադրերը ցուցադրվել են CinemaCon-ով…

• Warner Bros.-ը պաշտոնապես հրապարակել է Թոդ Ֆիլիպսի «Ջոկեր. Folie à Deux» ֆիլմի առաջին ամբողջական թրեյլերը

  Երկուսուկես րոպե տեւողությամբ հոլովակում Հոակին Ֆենիքսը կրկին Արթուր Ֆլեքի/Ջոկերի դերում է…

• Ռենե Զելվեգերը եւ Հյու Գրանտը կնկարահանվեն Բրիջիթ Ջոնսի մասին հայտնի ֆիլմաշարի չորրորդ մասում

  «Օսկարի» կրկնակի դափնեկիր դերասանուհին նկարահանվելու է «Բրիջիթ Ջոնս. խելագարվում է տղայի համար» ֆիլմում, որը հիմնված է գրող Հելեն Ֆիլդինգի համանուն բեսթսելեր գրքի վրա…

• Նվիրվում է «Գահերի խաղի» երկրպագուներին, կամ «Սյոգուն» սերիալը՝ որպես տարվա գլխավոր թողարկում

  Թողարկվել է «Սյոգուն» սերիալը՝ 80-ականների համանուն սերիալի ռիմեյքը, որը նկարահանվել է վեպի հիման վրա․․․

• Մարգո Ռոբին եւ Օլիվիա Ուայլդը աշխատում են «Ավենգելին» կոմիքսների ադապտացիայի շուրջ

  Մարգո Ռոբին եւ Օլիվիա Ուայլդը «X մարդիկ» ֆիլմի պրոդյուսեր Սայմոն Քինբերգի հետ միասին պատրաստվում են ադապտացնել «Դեդփուլի» համահեղինակ Ռոբ Լիֆելդի կողմից ստեղծված կոմիքսների հերոսներից մեկին…

Եթե առաջին մասը բաց եք թողել, որում պատմել էինք նկարահանումների եւ կինոպրեմիերաների դադարեցման մասին, ապա հոդվածին կարող եք ծանոթանալ այստեղ։

Իսկ մենք ձեր ուշադրությանն ենք ներկայացնում տեղեկությունների նոր չափաբաժին այն մասին, թե այս տարի ինչ այլեւս չեն ցուցադրի կինոմաններին...

Ինչ է կատարվում սերիալների հետ

Պրահայում կորոնավիրուսի պատճառով չեղարկել են «Բազեն եւ Ձմեռային զինվորը» սերիալի նկարահանումները:

COVID-19-ի բռնկմամբ պայմանավորված՝ Պրահայում ընդհատվել են Disney+-ի «Բազեն եւ Ձմեռային զինվորը» մինի սերիալի նկարահանումները: Նախագծի վրա աշխատանքները մի քանի ամիս ընթացել էին Ատլանտայում (Ջորջիա նահանգ), որից հետո արտադրությունը տեղափոխվել էր Չեխիա: Սակայն Եվրոպայում կորոնավիրուսի համաճարակը Marvel-ին ստիպել էր վերանայել իր ծրագրերը եւ նկարահանումները չեղարկել:

Netflix-ը դադարեցրել է նախագծերը, որոնց նկարահանումները պետք է անցկացվեին ԱՄՆ-ում եւ Կանադայում: Դրանց թվում են, օրինակ, «Շատ տարօրինակ գործեր»-ի չորրորդ եթերաշրջանը ու «Գրեյս եւ Ֆրենկի»-ի եզրափակիչ եթերաշրջանը: Սթրիմինգ ծառայությունը հետաձգել է նաեւ «Վեդմակ» սերիալի երկրորդ եթերաշրջանի վրա աշխատանքը:

Apple-ն իր առանցքային նորույթների շարունակության դադար է վերցրել: Խոսքը «Առավոտյան շոու», «Տանը՝ սպասավորի հետ», «Տեսնել», «Հանուն ամբողջ մարդկության» եւ «Միստիկական քվեսթ» նախագծերի մասին է:

FX-ն իր հերթին մինչեւ լավագույն ժամանակներ է հետաձգել «Ֆարգո»-ի եւ «Ձյուն է տեղում»-ի չորրորդ եթերաշրջանները, «Ատլանտա»-ի երրորդ եթերաշրջանը, ինչպես նաեւ «Y. Վերջին տղամարդը» նորույթը, որը հիմնված է Բրայան Կ. Վոնի կոմիքսների վրա:

Warner TV-ն ժամանակավորապես դադարեցրել է «Ընկերները» սերիալի աստղերի պատրաստվող վերամիավորման նկարահանումները: Էկրանին հատուկ թողարկման մեջ կրկին կհանդիպեն Քորթնի Կոկսը, Մեթ ԼեԲլանը, Լիզա Քուդրոուն, Մեթյու Փերին, Դեւիդ Շվիմերը եւ Ջենիֆեր Էնիսթոնը:

AMC ալիքը հրաժարվել է «Քայլող մեռյալները» սերիալի իններորդ եթերաշրջանի եզրափակիչ տեսարանի թողարկումից: Այս որոշումը թելադրված է փոսթփրոդաքշնի խնդիրներով. COVID-19 կորոնավիրուսի պատճառով անհնար է սերիալն ավարտել նախանշված ժամկետին:

The CW ալիքը ստիպված էր դադարեցնել «Գերբնականը» սերիալի եզրափակիչ 15-րդ եթերաշրջանի վերջին սերիաների նկարահանումները: Հնարավոր է՝ սերիալի վերջին 7 սերիաները հանդիսատեսը կարողանա տեսնել 2020 թվականի աշնանը:

Կինոփառատոների չեղարկում

Կինոյի աշխարհը նաեւ կարմիր գորգի արահետն է, որը խորհրդանշում է դրանով անցնող մարդկանց կարեւորությունը:

Բեռլինի կինոփառատոն - կայացել է:

Կաննի կինոփառատոն - չեղարկվել է:

Մոսկովյան կինոփառատոն - հետաձգվել է մինչեւ հոկտեմբեր:

«Կինոտավր» փառատոն - հետաձգվել է մինչեւ աշուն:

Վենետիկի կինոփառատոն - հետաձգվել է մինչեւ սեպտեմբեր:

Տորոնտոյում կինոփառատոն - սեպտեմբերի 10-ին:

Տոկիոյում կինոփառատոն - հոկտեմբերի 31-ին:

«Ոսկե ծիրան» կինոփառատոն - հետաձգվել է մինչեւ նոյեմբեր:

San Diego Comic-Con փառատոն - հետաձգվել է:

Comic Con Russia - հոկտեմբերի 1-ին:

«Ոսկե գլոբուս 2021» - 2021 թվականի հունվար:

«Օսկար 2021» - հնարավոր է 2021 թվականի փետրվարից մայիս տեղափոխումը:

Ֆինանսական կորուստներ

Հոլիվուդի համար COVID-19-ը կունենա պատմության մեջ ամենախոշոր կորուստները:

Հիվանդության տարածումն արդեն հասցրել է հարվածել կինոինդուստրիային. որոշ հաշվարկներով՝ ստուդիաները կզրկվեն 20 մլրդ դոլարից:

Միջազգային դրամարկղ արդեն չի ստացվել մոտ 7 մլրդ դոլար՝ առաջին հերթին ամբողջ աշխարհում կինոթատրոնների փակման եւ մարդկանց զանգվածային հավաքույթների արգելքի պատճառով: Վերլուծաբանների կանխատեսումներով՝ մարտից, ապրիլից եւ մայիսից հետո, եթե իրավիճակն անսպասելիորեն դրական ուղղությամբ չփոխվի, կորուստները կարող են մեծանալ:

Կորոնավիրուսի բռնկմամբ պայմանավորված շատ ստուդիաներ ստիպված էին հրաժարվել ծրագրած պրեմիերաներից եւ արդեն հասցրել են վնասներ կրել: Քանի որ գործարկվել էին գովազդային արշավներ, պրոմոնյութեր, հեռուստատեսությունում ժամանակ էր գնվել եւ այլն, եւ այլն:

Ընդ որում՝ հայտնի չէ ապահովագրությունը կարող է կորուստները փոխհատուցել (քիչ հավանական է):

Նորայր Նազարյան

Աղբյուրը՝ THR,  Deadline, ՏԱՍՍ, Variety, Kinopoisk

Հետևեք NEWS.am STYLE-ին Facebook-ում, Twitter-ում և Instagram-ում