NEWS.am STYLE-ը ներկայացնում է գիտական ֆանտաստիկայի, դրամայի և սարսափի ժանրում «Շատ տարօրինակ բաներ» սերիալը: Այն թողարկվում է Netflix-ի սթրիմինգային ծառայությունում 2016 թվականի հուլիսի 15-ից մինչ օրս: Թողարկվել է արդեն 3-րդ սեզոնը, 4-րդ սեզոնի մասին հայտարարվել է:
Նախագծի շոուռաններներն են Մեթ Դաֆերն ու Ռոս Դաֆերը, գլխավոր դերերում են Դևիդ Հարբորը, Վայնոնա Ռայդերը, Ֆին Վուլֆարդը, Միլի Բոբի Բրաունը և այլք:
1980-ական թվականներ, ամերիկական հանգիստ գավառական քաղաք: Տեղի կյանքի բարենպաստ ընթացքը խախտում է Ուիլ անունով դեռահասի առեղծվածային անհետացումը: Հանգամանքները փորձում են պարզել տղայի հարազատները և տեղի շերիֆը: Սեփական հետաքննություն է սկսում Ուիլի ընկերը՝ Մայքը: Նա վստահ է, որ մոտ է բացահայտմանը, և այժմ նա պետք է հայտնվի անդրշիրիմյան ուժերի կատաղի մարտի էպիկենտրոնում:
Թվում է, թե ծեծված սյուժեներ են, սակայն «Շատ տարօրինակ բաներ» սերիալն այնպես է այն ներկայացնում, որ հետաքրքիր է դառնում հետևելը: Այստեղ կարելի է տեսնել Սթիվեն Քինգի ոճը և Հովարդ Լավքրաֆթի անտուրաժը:
Հատկանշական է այն, որ նախ հիանալի փոխանցվում է հանգիստ քաղաքի մթնոլորտը, որին ինչ-որ չարաբաստիկ բան է պատուհասել: Սերիալը շատ «հարմարավետ է», սակայն տարբերվում է հատուկ մասշտաբով: Քանի որ գործողությունները ծալվում են 80-ական թվականներին, կարելի է լսել երգեր այդ ժամանակներից, ինչը կոլորիտ է հաղորդում նախագծին:
Երկրորդ հերթին, սյուժեն և սցենարը: Հեղինակներն իսկապես փորձել են նյութ գրել, որը ձգում է հանդիսատեսին: Մանրուքներից սկսած մինչև մասշտաբային գործողություններ, որոնք ամբողջացնում են սերիալը: Առանձին պետք է նշել երկխոսությունները, ինչպես նաև հումորը:
Երրորդ հերթին, հիասքանչ կերպարները:
Առաջին հայացքից կերպարները կարող են կլիշեացված թվալ, սակայն հերոսները բավական հաճելի են: Ամբողջ մանկական կազմը պարզապես աննկարագրելի է, Հոլիվուդը դեռ նման երիտասարդ դերասաններ չի ունեցել Մակոլեյ Կալինի («Տանը միայնակ» ֆիլմի Քևինը) տարիներից ի վեր:
Ֆին Վուլֆարդը, Միլի Բոբի Բրաունը, Հեյթեն Մատարացոն, Քալեբ Մքլաֆլինը և Նոա Շնապը սերիալի գլխավոր դեմքերն են: Բոլորը լավ են կատարում իրենց առջև դրված խնդիրները:
Ճանապարհը, որն անցնում է հերոսը, հիշեցնում է «Գահերի խաղից» Ջեյմ Լանինսթերի ճանապարհը: Եսասերից նա վերածվում է իրական հերոսի, ով անհրաժեշտության դեպքում կզոհաբերի իրեն:
Առանձին պետք է նշել խարիզմատիկ Դևիդ Հարբորին Ջիմ Հոփերի կերպարում և Վայնոնա Ռայդերին Ջոյս Բայերսի կերպարում, ով կարողացավ ցույց տալ՝ ինչ է իսկական ցավն ու հիասթափությունը, ինչի արդյունքում մարդը խելագարվում է:
Արդյունքում:
«Շատ տարօրինակ բաներ»-ը հիանալի միստիկ սերիալ է, որը հանդիսատեսը հետաքրքրությամբ է դիտում: Կա ինտրիգ, կան լավ կերպարներ, կա լավ մթնոլորտ: Իսկ Քինգի սիրահարների համար դիտումից բավականությունը երաշխավորված է:
Հաճելի դիտում
Նորայր Նազարյան
Հետևեք NEWS.am STYLE-ին Facebook-ում, Twitter-ում և Instagram-ում
19:25, 23 ապրիլի
Կոմպոզիտոր Շառլ Ազնավուր․ շանսոնյեի հարյուրամյակի առթիվ16:22, 23 ապրիլի
Դեւիդ Լինչը Salone del Mobile-ում ներկայացրել է «Մտորումների սենյակը» ինստալյացիան15:13, 23 ապրիլի
Նոր մանրամասներ Քենեդի եղբայրների հետ Մերիլին Մոնրոյի սիրավեպի եւ նրա կյանքի վերջին օրվա մասին14:17, 23 ապրիլի
Microsoft-ը Լեոնարդո դա Վինչիի Մոնա Լիզային «ստիպել է» ռեփ կարդալ13:34, 23 ապրիլի
Christie's-ն աճուրդի կհանի Վիվիեն Վեսթվուդի անձնական զգեստապահարանը12:30, 23 ապրիլի
Սելին Դիոնը պատմել է իր հազվագյուտ հիվանդության դեմ պայքարի մասին11:54, 23 ապրիլի
Քանյե Ուեսթը պատմել է, թե որ հայտնի մարդու հետ են պատրաստ ինքն ու իր կինը՝ Բիանկա Սենսորին, համատեղ սեքսով զբաղվել11:18, 23 ապրիլի
Պտուղը ծառից հեռու չի ընկնում. Քեթրին Զետա-Ջոնսի դուստրն իր 21-ամյակը նշել է մայրիկի՝ 25 տարի առաջվա զգեստով10:16, 23 ապրիլի
Բրիթնի Սփիրսի «կեղտոտ պարը»09:00, 23 ապրիլի
ԱՊՐԻԼԻ 23-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ22:32, 22 ապրիլի
Ռիհաննայի Street Style-ը․ ընձառյուծի պրինտով մուշտակ եւ կաշվե մինի շրջազգեստ22:01, 22 ապրիլի
Գեւորգ Մկրտչյանի եւ Քրիստինա Հովհաննիսյանի հարսանեկան առաջին տանգոն՝ Էրիկի կատարման ներքո (VIDEO)