Մոդել Աննա Դեմիրխանյանը նոր հոբբի ունի, որով այս օրերին հագեցնում է իր առօրյան: Կարանտինի ընթացքում Աննան իրականացրել է դստեր երազանքը՝ նրա 50-ից ավել բարբի տիկնիկների համար ստեղծելով նոր «զգեստապահարան»՝ նորաձեւ ու թրենդային զգեստներով: Մոդելն իր նոր նախասիրությամբ կիսվել է NEWS.am STYLE-ի հետ՝ տրամադրելով նաեւ ստեղծված աշխատանքների լուսանկարները:
«Դուստրս շատ է սիրում բարբի տիկնիկներ, եւ դրանցից շատ ունի: Մի օր նա ասաց, որ Ձմեռ պապիկից բարբի տիկնիկի զգեստներ է ուզում ստանալ, եւ ես շրջեցի քաղաքի բոլոր խաղալիքների խանութներով, սակայն ոչինչ չգտա, բացի բարբիի ամանօրյա բրենդային զգեստներից, որոնք բավական թանկ էին: Այդ ժամանակ ես եւ մայրիկս ինքնուրույն կարեցինք տիկնիկների համար նախատեսված գեղեցիկ զգեստներ: Երբ այս համաճարակը սկսվեց, քանի որ ստիպված էինք մեկուսանալ տանը, մայրիկիս հետ որոշեցինք հետաքրքրացնել մեր առօրյան՝ զբաղվելով այս ժամանցային գործով: Այդ պահին ես հասկացա, որ ցանկանում եմ թեթեւացնել նաեւ մյուս մայրիկների գործն ու երջանկացնել նրանց դստրիկներին»,-պատմում է Աննան՝ հիշելով, որ փոքր տարիքում ինքն էլ է դստեր պես սիրել խաղալ տիկնիկներով.
«Իհարկե, ես էլ, ինչպես շատ փոքրիկ աղջնակներ, մանկությունս անցկացրել եմ տիկնիկների հետ: Այդ ժամանակվանից ինչ ասես, չենք ստեղծել քրոջս հետ՝ տիկնիկների զգեստներ, կահույք, անկողնային պարագաներ…Շատ հնարամիտ էինք»:
Աննան դիզայների կրթություն չունի, բայց ասում է, որ մայրը, քույրն ու մորաքույրն օժտված են այդ տաղանդով:
«Մայրս դեռ դպրոցական տարիներից իր, իր մայրիկի ու քրոջ համար զգեստներ էր կարում, ավելի ուշ՝ նաեւ մեզ համար: Երբ փոքր էինք, նա ինձ եւ քրոջս համար նույնատիպ զգեստներ էր կարում, եւ մենք՝ որպես զույգ քույրեր էինք ներկայանում՝ կրելով մեր մայրիկի ստեղծածը: Իսկ երբ 14 տարեկանում սկսեցի հաճախել մոդելային կենտրոն, այնտեղի գլխավոր դերձակը՝ Ներսես Սարգիսովիչը, ինձ սովորեցնում էր կար ու ձեւ: Նրա ուշադիր ղեկավարության ներքո՝ ես սկսեցի ինքս ինձ համար յուրահատուկ դիզայնով զգեստներ կարել, բայց դա ինձ համար ուղղակի հոբբի էր»:
Աննան նշում է՝ իր ստեղծած տիկնիկային զգեստները հաճախ նվիրում է ծանոթ մայրիկներին, նաեւ խոստովանում, որ դրանց պահանջարկն օրեցօր մեծանում է.
«Ես հիմա եւ նվիրում եմ այդ զգեստները, եւ վաճառում, քանի որ պահանջարկ կա, բայց անկախ դրանից, ես շատ ուրախ եմ, որովհետեւ հոգեւոր սնունդ եմ ստանում այդ զգեստները պատրաստելիս, տիկնիկների «լուքերը» հավաքելիս: Ի դեպ, զգեստների դիզայնի ընտրությունը վստահում եմ իմ սիրելի ու տաղանդավոր մայրիկին»:
Հարցին արդյոք հոբբին հնարավո՞ր է վերածվի ավելի մեծամասշտաբ աշխատանքի եւ նա սկսի զգեստներ կարել նաեւ իրական աջիկների համար, մոդելը պատասխանեց.
«Կարծում եմ՝ ավելի շատ ոչ, քան այո: Արդեն շատ ցանկացողներ կան նման զգեստների, բայց... ինչպես մայրս է ասում՝ տիկնիկի համար զգեստներ պատրաստելը հաճելի եւ հանգիստ գործ է, նա լեզու չունի, որ խոսի, ինչ պատրաստում, այն էլ հագցնում ես, եւ նա շատ լուռ, ժպիտով ընդունում է (ծիծաղում է)»:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
23:37, 17 ապրիլի
Պոռնոդերասանները պատմել են իրենց «ծանր աշխատանքի» մասին22:34, 17 ապրիլի
Աշխարհում սերմնահեղուկի ամենամեծ բանկը, որտեղ ամսական կարող եք վաստակել 420 ֆունտ, կենտրոն է բացել Մեծ Բրիտանիայում21:13, 17 ապրիլի
Ամերիկացի հայտնի ռեստորատորը Ջեֆ Բեզոսի նշանածին «բացարձակ տհաճ» է համարում20:23, 17 ապրիլի
Wine Story. Մինչեւ 5000 դրամ արժողությամբ գինի՝ Մալբեկի համաշխարհային օրվա համար19:37, 17 ապրիլի
Maserati GranCabrio-ն աշխարհում ամենաարագ էլեկտրոմոբիլն է16:11, 17 ապրիլի
Ավստրալիայում ամենաթանկ ամուսնալուծությունն ավարտվել է կնոջ հաղթանակով. նա դավաճան ամուսնուց կստանա 180 միլիոն դոլար եւ անշարժ գույք15:28, 17 ապրիլի
Ուինսթոն Չերչիլի դիմանկարը, որը դուր չէր գալիս բրիտանացի առաջնորդին, աճուրդի կհանվի14:13, 17 ապրիլի
Ջոնի Դեփը ցանկանում է ձեռք բերել 4 միլիոն դոլար արժողությամբ միջնադարյան ամրոցը13:19, 17 ապրիլի
Բլեյք Լայվլին իր վերջին ֆիլմի նկարահանման հրապարակում՝ 1920-ականների գանգստերի դերում12:55, 17 ապրիլի
Ջենիֆեր Լոպեսն ապացուցում է, որ 20 տարվա ընթացքում չի ծերացել12:03, 17 ապրիլի
Ռուսական կուլտային «ԴԴՏ» ռոք խումբը համերգով հանդես կգա Երեւանում11:28, 17 ապրիլի
Քիմ եւ Քլոե Քարդաշյանները նշել են իրենց հանգուցյալ հոր՝ Ռոբերտ Քարդաշյանի պատվին բացված բժշկական կենտրոնի հինգերորդ տարեդարձը