• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

• Դասականի հավերժականության, երաժշտի եւ երաժշտության փոխհարաբերությունների մասին՝ տուբահար Հարություն Հաջինյանի հետ

  Երաժշտության պատմության մեջ երաժշտական ​​ոճերից կարեւորագույնը ինձ համար դասականն է, ասում է 37–ամյա տուբահար Հարություն Հաջինյանը...

• MOCT 5. Անդերգրաունդ կյանքը Հայաստանում

  MOCT Promo-ի պրոդյուսեր Լևոն Հունանյանի հետ զրուցել ենք անդերգրաունդ կյանքի, էլեկտրոնային երաժշտության, և հենց MOCT-ի մասին։ Ապրիլի 20-ից 22-ը MOCT-ը նշում է իր 5 ամյակը, գերմանացի տեխնո արտիստ, դի-ջեյ Ben Klock-ը միջոցառման գլխավոր հյուրն է...

• Իջինը «հպարտացել է» իր սլացիկ կազմվածքով (ֆոտո)

  Ռուսաստանաբնակ երգչուհի Իջինը Instagram-ում նոր հրապարակում է արել՝ ցուցադրելով իր գեղեցիկ արեւայրուքն ու սլացիկ կազմվածքը...

• «Ահա, թե ինչ եմ անում, երբ չեմ աշխատում»․ Սիրուշոն ցուցադրել է, թե ինչպես է անցկացրել «weekend»-ը երեխաների հետ (ֆոտո/վիդեո)

  Սիրուշոն Instagram-ում կիվել է իր եւ երեխաների հանգստյան օրերի ժամանցով...

• «Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

  «Մոսկվա» կինոթատրոնում երեկ՝ ապրիլի14-ին, կայացավ «ՄԵՆՔ» հոլդինգի, նոր՝ «Տանդեմ» քրեական դրամայի առաջին երեք սերիաների ցուցադրությունը...

• «Ամերիկացին»՝ Հայատանում. Ժան Նշանյանը՝ որդու՝ Արմանի հետ աշխատելու, Նարինե Գրիգորյանը՝ Հովիկ Կեուչկերյանի կողքին «փոքր կին» զգալու մասին

  Ապրիլի 4-ից հայաստանյան էկրաններ է բարձրացել «Ամերիկացի» ֆիլմը: Ֆիլմի ռեժիսորը եւ գլխավոր դերակատարը Մայքլ Գյույրջյանն է, պրոդյուսերը՝ Արման Նշանյանը…

• Գոհար Ավետիսյանը՝ երկու էկզոտիկ կերպարով. «բարոյականության պահապանները» կարծում են, որ «հայուհիներն այդպես չեն հագնվում»

  Հայկական ծագմամբ ռուս դիմահարդար Գոհար Ավետիսյանը ներկայացել է երկու էկզոտիկ կերպարով…

Հայտնի պարուհի, ՀԽՍՀ ժողովրդական արտիստ Սոֆի Դեւոյանն այսօր՝ հուլիսի 8-ին, նշում է ծննդյան 71-րդ տարեդարձը: Վաստակավոր պարուհին շաբաթներ առաջ բուժվում էր կորոնավիրուսից, ու թեեւ արդեն 20 օր է անցել իր դրական թեստի պատասխանից ու այժմ իրեն լավ է զգում, որոշել է, ամեն դեպքում, պահպանել անվտանգության կանոններն ու օրը նշել առանց հյուրերի՝ միայն ընտանիքի անդամների հետ: Այնուամենայնիվ, Սոֆի Դեւոյանի «Պարի եւ հոգու» թատրոնի աշխատակազմն ու աշակերտները չեն թողել հայտնի պարուհուն առանց անակնկալների:

«Առավոտյան ամենահարազատ ու մոտիկ մարդիկ շնորհավորեցին ինձ՝ իմ տան անդամները, բայց նրանցից ոչ մեկին չեմ թողել ինձ համբուրել, ամեն դեպքում պահպանում ենք զգուշությունը:  Այսօր հեռախոսս այրվում էր անդադար զանգերից ու Ֆեյսբուքյան շնորհավորանքներից: Ւսկ մեր դասախոսական կազմն ու ուսանողներս ինձ մեծ անակնկալ են մատուցել. սկզբում տեսանյութ էին ուղարկել՝ իրենց բարեմաղթանքներով, իսկ երբ վերջացրի այն դիտել, լսեցի ավտոմեքենաների ձայներ: Չէի հասկանում՝ ինչ էր կատարվում, մտածեցի՝ «Էս կորոնավիրուսի ժամանակ, ո՞վ է հարսանիք անում», այնինչ նրանք էին...Մեքենաներով մոտեցել էին մեր տանը, որ հեռվից շնորհավորեին ինձ»,-NEWS.am STYLE-ի հետ զրույցում պատմեց Սոֆի Դեւոյանը՝ խոստովանելով. «Երբ տեսնում ես` ինչպես են քեզ սիրում, շատ հուզիչ է... Ինձ այսօր հուզել են, ու ես հասկացա, որ այս ծնունդս՝ անկախ կորոնավիրուսից, երբեք չեմ մոռանա»:

Պարուհին 14 օրից ավել ինքնամեկուսացել է ընտանիքից, վերջին երկու օրերի ընթացքում է դուրս եկել սենյակից.

«Արդեն ապաքինվել եմ, ինձ մոտ ամեն ինչ նորմալ է, այսօր լավ եմ: Ամբողջ ընտանիքս հիմա կողքիս է. շատ հետաքրքիր ենք մեր առօրյան անցկացնում: 14 օր լրիվ մենակ էի սենյակում, միայն ամուսինս էր կողքիս, դժվար էր, բայց հիմա արդեն բոլորս միասին ենք»,-պատմում է նա ու հավելում` արվեստագետի համար, հատկապես, դժվար է պասիվ առօրյա վարելը.

«Հիմա չենք աշխատում, ու դա մեկ ամսվա արձակուրդ չէ, անորոշ ժամանակով ես դադար վերցրել: Ես դա շատ ծանր եմ տանում, բայց հուսով եմ՝ ամեն ինչ շատ լավ կլինի, պետք է հույսով լինել ու հավատալ, որ հետո ամեն ինչ ավելի լավ է լինելու»:

71-ամյա պարուհին շարունակում է իր դիրքերը պահպանել հայկական շոու-բիզնեսի ամենահմայիչ ու գեղեցիկ կանանց ցուցակում: Պատասխանելով հարցին, թե որն է իր երիտասարդության ու գրավչության գաղտնիքը, Սոֆի Դեւոյանը նշեց.

«Չգիտեմ... դրա համար հատուկ ոչինչ չեմ արել՝ ոչ պլաստիկ վիրահատություններ, ոչ այլ միջամտություններ: Փոքր քաղաք է, եթե նման բան անեի, բոլորը հաստատ կիմանային: Միգուցե, դա իմ բնությունից է գալիս»:

Պարուհին նաեւ հավելեց, որ ակտիվ կենսակերպ է վարում.

«Երբ իմացանք կորոնավիրորսային համաճարակի մասին, ամբողջ ընտանիքով առավոտյան վաղ արթնանում էինք ու մեր շների հետ ամեն օր 4-5 կիլոմետր զբոսնում: Նաեւ յոգայով եմ զբաղվում, առավոտյան միշտ մարզվում եմ, դե, բնական է` միշտ զբաղվում եմ պարով, անընդհատ շարժման մեջ եմ: Իհարկե, այս ամենը նպաստեց, որ ավելի թեթեւ տանեմ կորոնավիրուսը: Երեւի՝ միայն 3-4 օր եմ պառկել անկողնում: Հիմա շատ կարոտել եմ ամեն ինչ, որովհետեւ երկար ժամանակ տնից դուրս չեմ եկել, բայց մի քանի օրից արդեն ուզում եմ դուրս գալ ու նորից սկսել քայլել: Կարծում եմ՝ առայժմ ոչ մեկին չեմ հանդիպի: Քանի այս իրավիճակը չհարթվի, պետք չէ ռիսկի դիմել»:

Պարուհին անդրադարձավ նաեւ կորոնավիրուսով պայմանավորված` «Պարի եւ հոգու» թատրոնի խնդիրներին.

«Խայտառակ վնաս է կրել պարի ոլորտը: Ունեմ դպրոցներ, մոտ` 80 ուսուցիչ, որոնք արդեն 4-5 ամիս աշխատավարձ չեն ստանում: Դա սարսափելի ծանր բան է: Տնօրենները, դասատուները, հավաքարարները... մեծ կոլեկտիվ ենք… Նրանց հիմա իմ գրպանից եմ վճարում, քանի ամիս է` չենք աշխատում, դա արդեն ծանր է, բայց պետք է մի կերպ պահենք մեզ ու հույսով ապրենք»:

Սոֆի Դեւոյանը խոսեց նաեւ իր ամենօրյա երազանքից.

«Մի երազանք եմ միշտ պահում ու դրա մասին ամեն օր եմ խնդրում՝ որ իմ ընտանիքն առողջ լինի: Ամեն ինչ կարող ես ունենալ ու ստեղծել, բայց առանց առողջության, հասկանում ես, որ մնացածն անիմաստ է»,-եզրափակեց պարուհին:

Սյունե Առաքելյան

Լուսանկարները` Սոֆի Դեւոյանի ինստագրամյան էջից

Հետևեք NEWS.am STYLE-ին Facebook-ում, Twitter-ում և Instagram-ում