Սպասում ենք մեծ պրեմիերայի. Թամարա Գվերդծիթելին Երեւանի «Սանսեթ Բուլվար» մյուզիքլի փորձին

ՇոկTok. «Մեզ գրել էին` թող ձեր օդանավի հետ մի բան լինի` դուք տեղ չհասնեք». Անի Արզումանյան

ՇոկTok. Անժելա Փարսադանյանը` ընկերոջից բաժանվելու, առողջական խնդրի ու կյանքի դժվարությունների մասին

2023-ի makeup թրենդներն ու հատուկ դիմահարդարում՝ Մարտի 8-ի համար՝ Սեդա Գրիգորյանից

Ի՞նչ նվեր են ակնկալում եւ ի՞նչ են պատրաստվում նվիրել մարտի 8-ին երիտասարդները

Հենզել Բրուտենցը վերադարձավ մեծ էկրաններ․ «Գործակալ 044. Օպերացիա Գառնի» ֆիլմի պրեմիերան, դերասանների հույզերն ու միջոցառման հյուրերը

Nemra-ի ռոքային 11-ամյակը․ խմբի ու երկրպագուների «երկխոսությունը»՝ բեմում ու բեմից դուրս

ՇոկTok. «Տիկտոկում ամենաքիչը 10000 դրամ եմ աշխատել». տիկտոկեր Նինա Տիտանյան

Միշլենի երկու աստղ ունեցող շեֆ-խոհարար Ֆլորենս Դալիանի գաստրո շոուն «Հայրիկ» Seven Visions Hotels, The Dvin ռեստորանում

Տիկտոկեր Նինա Տիտանյանի նոր կերպարը` «Բլբուլյանները 4» սիթքոմում

ՇոկTok. «Կյանքումս երբեք էլ մատուցող չեմ աշխատի». տիկտոկեր Ալեքս

«Սյուրպրիզ» սիթքոմի երկրորդ եթերաշրջանում կան նոր դերասաններ

«Chef’s Forest» նախագծի հեղինակ Հարութ Խաչատրյանը բադ է պատրաստել հողի տակ՝ ձնառատ լեռների ֆոնին

«Հանդիսատեսը բարձր տրամադրությամբ է հեռանալու դահլիճից». Աղաս Մանուկյանը` «Կյանքս» STAND UP-ի մասին

Քրիստինե Պեպելյանը՝ ԱՄՆ-ում իր առօրյայի, վոկալ ստուդիա հիմնելու եւ որդու՝ Արեգի հետ ժամանակ անցկացնելու մասին

50000-ից մինչեւ 400000 դրամ. ինչպես են նախընտրում հագնվել երիտասարդները եւ որքան արժեն նրանց look-երը

Տիկտոկերներ Մայիս Վարդանյանի ու Մոնիկա Պետրոսյանի սիրո պատմությունը

«Հիմա չենք նախատեսում երեխա ունենալ». Անդրանիկի եւ Օվսաննայի սիրո պատմությունն ու առաջիկա ծրագրերը

«Լաց լինելու ու բարդույթավորվելու փոխարեն սովորեցի իմ անձը պաշտպանել». Իրինա Այվազյանը՝ NEWS.am STYLE-ի «արեւային» ֆոտոշարքում

11:28, 29 հուլիսի

Դերասանուհի Իրինա Այվազյանը լուսանկարվել է NEWS.am STYLE-ի նոր ֆոտոշարքում: Ու թեեւ ջերմ ու պայծառ արտաքինով աչքի ընկնող դերասանուհու կադրերն ամբողջացրել են արեւածաղիկները, Իրինան իրեն բնորոշում է՝ որպես դաշտային ծաղիկ՝ նշելով, որ դրանց պես անկախ է ու տենչում է ազատության:

Իրինայի հետ մեր նոր հարցազրույցն ու ֆոտոշարքը ներկայացնում ենք ձեր ուշադրությանը:

Իրինա, տարվա չորս եղանակներից յուրաքանչյուրի ժամանակ ինչպիսի՞ն ես լինում: Տրամադրության ակնհայտ փոփոխություններ ունենո՞ւմ ես:

Միանշանակ, ունենում եմ: Ժամանակի ընթացքում հասկացել եմ, որ տարվա եղանակներից ամենից շատ գարունն եմ սիրում, երբ արեւը շատ ջերմացնող է լինում: Գարնանը, սովորաբար, շատ հանգիստ եմ լինում, ավելի զգացմունքային ու ներդաշնակ եմ դառնում ինքս ինձ հետ: Կարծում եմ՝ դա հենց ջերմացնող արեւից է (ժպտում է): Ամռանն ավելի ակտիվ եմ՝ կյանքով լեցուն, տանը նստել չեմ կարողանում... ավելի «ջահելական» կյանք եմ վարում ամռանը: Երեկոներն եմ շատ սիրում… Աշնանը ներսումս ամեն ինչ խառնվում է՝ վատ առումով: Մի տեսակ աշնան քամու նման ուժեղ քամի է ներսումս սկսվում: Իսկ ձմռանը տրամադրության մեծ անկում եմ նկատում, քանի որ ցուրտ եղանակ չեմ սիրում, ամեն ինչ մռայլ է ձմռանը: Իհարկե, ամեն ինչ միշտ չէ այսպես, քանի որ լինում են օրեր, որոնց ընթացքում տրամարությունս այնքան է փոփոխվում, որ թվարկածս բոլոր եղանակային երեւույթները խառնվում են իրար:

Ռոմանտի՞կ ես առհասարակ:

Շատ ռոմանտիկ եմ, բայց չեմ սիրում, երբ այդ ռոմանտիզմը տվյալ զույգից բացի տեսնում են բոլորը: Ռոմանտիզմը ես շատ անձնական երեւույթ եմ համարում, որը պետք է լինի իմն ու կոքինինս: Բացահայտ ռոմանտիզմը չեմ սիրում:

Յուրաքանչյուրս էլ դեռահասության շրջանում երեւի կոնկրետ պատկերացումներ ենք ունենում սիրո մասին: Ինչպիսի՞ն էին քո պատկերացումներն այդ շրջանում, արդյոք դրանք փոխե՞լ են:

Բնականաբար, այդ տարիքում ամեն ինչ հեքիաթային ու առանց խոչընդոտների ենք պատկերացնում, շատ բաների շուրջ ռեալ չենք մտածում: Իհարկե, հետո՝ ավելի հասուն տարիքում գործածդ սխալներին կամ սխալ ընտրությանը սկսում ես այլ կերպ նայել, այլ կերպ մոտենալ սիրուն: Սերը գիտակից տարիքում էլ է հեքիաթային թվում, բայց դու արդեն սխալը ճշտից տարբերել ես սովորում ու իրականությունից չկտրվելով՝ հաստատ ավելի ռեալ ես կարողանում վայելել սերդ: Ինչ վերաբերում է նրան արդյոք պատկերացումներս փոխվել են, թե ոչ՝ իհարկե փոխվել են: Դա անխուսափելի է… Բայց, միանշանակ, դրանք դեպի լավն են փոխվել:

Քո հրապարակումներից երեւում է, որ շատ ընկերասեր ես: Հանուն ընկերներիդ ի՞նչ խենթություններ ես արել: Եղե՞լ են նման դեպքեր, կամ` հակառակը:

Ես անտանելի ընկերասեր եմ, առանց ընկերներիս ես մարդ չեմ, կյանքս չեմ պատկերացնում առանց նրանց: Երեւի նկատելի է, որ իմ ընկերական շրջապատում մեծ մասը տղաներ են, քանի որ նրանց հետ ավելի անկեղծ, առանց նախանձի է ստացվում ընկերությունը: Աղջիկ ընկերներ էլ ունեմ, որոնք այնքան էլ շատ չեն, չնայած՝ առհասարակ, իմ ընկերները շատ քիչ են: Ինչ վերաբերում է խենթություններին՝ հանուն ընկերներիս շատ եմ գնացել նման քայլերի, իրենք էլ՝ հանուն ինձ: Այնքան շատ են, որ, միգուցե, չհիշենք կոնկրետ դեպքեր:

Ի՞նչը չես ների երբեք ընկերության մեջ:

Առհասարակ, ես ամեն ինչ ներում եմ, ուղղակի ներելուց հետո տվյալ մարդու դիրքը փոխվում է իմ կյանքում: Հավանաբար՝ կեղծավորությունը չեմ ներում:

Իսկ սիրո՞ մեջ:

Սիրո մեջ էլ նույնը՝ էլի ամեն ինչ ներում եմ, բայց ես սիրում եմ, որ լավի կամ վատի դեպքում ինձ ճիշտն են ասում: Եթե վատն ասեն, ես մեկ կամ երկու օր կնեղվեմ, բայց երրորդ օրը կմոռանամ ամեն ինչ ու կմտածեմ, որ ճիշտ են ասել: Ուղղակի, երբ սուտն ինքն իրեն բացահայտվում է, ես միանգամից եմ հիասթափվում: Մի խոսքով՝ անկեղծությունն ու ճիշտ խոսելու ունակությունն եմ գնահատում:

Հայտնի դառնալուց հետո նկատե՞լ ես` կային մարդիկ, որոնք նախկինում մտերիմ չէին հետդ, բայց հիմա փորձում են մտնել քո ընկերական շրջապատ: Արդյոք հայտնիությունն իր հետ կեղծիք բերե՞լ է:

Շատ-շատ են նման դեպքերը, բայց ես գիտակցում եմ՝ ով ինչի համար է ինձ հետ շփվում: Մարդիկ կային, որ անգամ բարեւ չէին տալիս, իսկ հիմա այնքան ջերմ են, որ, նույնիսկ, տարօրինակ է նայվում: Նման դեպքերում աշխատում եմ բոլորի հետ լավ հարաբերությունների մեջ լինել, պարզապես իմ քայլերով այնպես եմ անում, որ հասկանան, որ ես հիմար չեմ՝ ամեն ինչ տեսնում ու շատ լավ հասկանում եմ:

Իրինա, թվում է, թե դու բարդույթներ չունես. իրոք այդպե՞ս է:

Բարդույթներ շատ եմ ունեցել, բայց ժամանակի հետ հասկացել եմ, որ դրանք կախված են կողքի մարկանցից: Այսինքն՝ եթե մի աչքդ ունի շլություն, դու բարդութավորվում ես նրանից, որ դիմացինդ կտեսնի ու կծիծաղի քեզ վրա: Հետագայում հասկացա, որ յուրաքանչյուրն ինքն իր համար է ապրում, ու ոչ ոք քո կյանքում այնքան տեղ չունի, որ ծիծաղի քեզ վրա, իսկ դու դրանից բարդութավորվես: Լաց լինելու ու բարդութավորվելու փոխարեն սովորեցի իմ անձը պաշտպանել, չնայած այդ բառը փոքր-ինչ սխալ է հնչում, բայց ավելի հարմար բառ չեմ գտնում այդ զգացումն արտահայտելու համար: Ամենակարեւորը պետք է ընդունես քեզ այնպիսին, ինչպիսին կաս ու կարողանաս հումորով մոտենալ սեփական թերություններիդ: Հավատացնում եմ՝ երբ դու քեզ այդպես ես պահում, ուրիշ ոչ ոք չի կարող այլ կերպ մտածել: Հիմա, այո, ես ինձ համարում եմ բացարձակ առանց բարդույթների մարդ ու ապրում եմ շատ հեշտ՝ չմտածելով՝ գե՞ր եմ, կոլո՞տ, լոշտա՞կ, շա՞շ, թե՞ կեղտոտ շորերով եմ դրսում ման գալիս:

Եթե չեմ սխալվում, վերջին շրջանում ակտիվորն մարզվում ես, ու արդյունքն ակնհայտ է: Դա առողջ ապրելակերպի համա՞ր ես անում, թե՞ քաշ կորցնելու:

Ես ցավով եմ նշում, որ առողջ ապրելակերպի ջատագով չեմ  (ծիծաղում է): Այդ ամենն անում եմ, ուղղակի ավելորդ քաշից վերջնական ազատվելու ու գեղեցիկ կառուցվածք ունենալու համար:

Քեզ շատերը, հնարավոր է, ասոցացնեն արեւածաղկի հետ: Ինքդ ո՞ր ծաղիկը կլինեիր ըստ քեզ:

Կարծում եմ՝ ես դաշտային ծաղիկ կլինեի (ժպտում է): Դաշտային ծաղիկը, մի տեսակ, պարտավորվածություններ չունի, անկախ է… որտեղ ուզի, կաճի: Ես էլ եմ բնավորությամբ այդպիսին:

Մտահղացումը՝ Մելինե Տոնոյանի

Լուսանկարները՝ Արսեն Սարգսյանի

Հարցազրույցը՝ Սյունե Առաքելյանի


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով

TV SHOWS PHOTO VIDEO


@NEWSam_STYLE

  • Արխիվ
Որոնել
  • Հարցում
«Եվրատեսիլ 2019». ձեզ դո՞ւր է գալիս Սրբուկի մրցութային «Walking out» երգը
Այո
Ոչ