«Էլեն Դեջեներեսի շոու» ծրագրի նախկին աշխատակիցները հեռուստաշոուի պրոդյուսերներին մեղադրել են սեռական ոտնձգությունների մեջ, հայտնում է BuzzFeed-ը՝ վկայակոչելով 36 զրուցակիցների, որոնք որոշել են անանուն մնալ։
Շատ մեղադրանքներ հասցեագրված են շոուի գլխավոր սցենարիստ եւ գործադիր պրոդյուսեր Քեւին Լեմանին։ Նախկին աշխատակիցների խոսքով՝ ինքը հպվել է ենթականերին, համբուրել նրանց եւ կատակել սեքսի ակնարկներով։ Մի մարդ պատմել է, որ 2013-ին կորպորատիվ երեկույթի ժամանակ Լեմանն իրեն առաջարկել է օրալ սեքսով զբաղվել։
Ինքը՝ Լեմանը, հերքել է մեղադրանքները։ Նրա խոսքով՝ շոուի վրա 17 տարվա աշխատանքի ընթացքում ենթակաները երբեք չեն բողոքել իր պահվածքից։ Նա նաեւ հավելել է, որ իր աշխատանքը կատակների շարադրանք է, եւ չի բացառել, որ երբեմն կարող էր «դուրս գալ սահմաններից»: Լեմանը զարմացել է, որ իր հումորը կարող էր ինչ-որ մեկին վիրավորել։
Մեկ այլ աշխատակից պատմել է, որ գործադիր համապրոդյուսեր Ջոնաթան Նորմանը փորձել է իրեն պարտադրել սեռական հարաբերություններ ունենալ։ Աշխատակցի երեք գործընկերները հաստատել են, որ անձը նրանց հետ քննարկել է այդ դեպքը։ Նորմանը հերքում է աշխակցի խոսքերը։
Սկանդալի ֆոնին շոուի հաղորդավար Էլեն Դեջեներեսը նամակ է գրել, որում ներողություն է խնդրել աշխատակազմից եւ խոստացել փոխել իրավիճակը, որի պատճառով ընկերությունում անառողջ մթնոլորտ է ստեղծվել: «Ցավում եմ։ Բոլոր նրանք, ովքեր ինձ գիտեն, հասկանում են, որ դա հակասում է այն բանին, ինչին ես հավատում եմ, եւ այն հույսերին, որոնք ես դրել եմ մեր շոուի վրա», - գրել է Դեջեներեսը։
Վերջին ժամանակներս սա առաջին սկանդալը չէ, որը կապված է ամերիկյան թոք շոուների հետ: Հունիսին Ջիմի Քիմելին մեղադրել էին սկետչերում առկա ռասիզմի մեջ, որում նա նմանակել էր աֆրոամերիկացիներին։ Հաղորդավարը ներողություն է խնդրել եւ արձակուրդ է գնացել մինչեւ սեպտեմբեր։
«Էլեն Դեջեներեսի շոուն» սկսվել է 2003 թվականին եւ այդ ժամանակվանից ստացել է 61 «Էմմի» մրցանակ:
Աղբյուրը՝ Kinopoisk
Լուսանկարները՝ GettyImages
Հետևեք NEWS.am STYLE-ին Facebook-ում, Twitter-ում և Instagram-ում
13:23, 29 մարտի
Թոմ Քրուզը բաժանվել է ռուս ընկերուհուց իր նախկին օլիգարխ ամուսնու պատճառով12:21, 29 մարտի
Դեմի Մուրը ևս մեկ անգամ ապացուցեց, որ տարիքը պարզապես թիվ է11:17, 29 մարտի
Բեյոնսեն ձեռքերով սպագետի է ուտում անձնական ինքնաթիռի վրա և ծաղրում իր կովբոյական look-ի մասին մեմերը10:16, 29 մարտի
Selling Sunset սերիալի աստղը գոլֆ խաղալիս ընտրել է տարօրինակ և բաց աութֆիտ09:00, 29 մարտի
ՄԱՐՏԻ 29-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:16, 28 մարտի
Ռիհաննան անհավանական տեսք ունի չինական Vogue-ի շապիկին22:15, 28 մարտի
Ռեբել Ուիլսոնը ուզում է «դրական հաղորդագրություն» տարածել՝ բացահայտելով, որ կորցրել է կուսությունը 35 տարեկանում21:35, 28 մարտի
TikTok-ը նվաճել է նիհարելու նոր թրենդը. «Կախարդական» Oatzempic ըմպելիքը20:30, 28 մարտի
Տիհանա vibes. Թվում է՝ պարզ հարցեր են, պարզվում է՝ ոչ այնքան20:25, 28 մարտի
Հոլիվուդյան աստղեր, ովքեր նկարահանվել են պոռնոֆիլմերում20:12, 28 մարտի
Միխայիլ Շուֆուտինսկի. Ես սիրում եմ Երևանն ու Հայաստանը19:47, 28 մարտի
Wine Story. Ինչպես ընտրել ճիշտ գինի Սուրբ Զատիկին