• Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)

  Լիլիթ Հովհաննիսյանն Instagram-ում նոր լուսանկարներ է տեղադրել, որոնցում կեցվածք է ընդունել փայլուն կանաչ զգեստով...

• «Սրտի վալետ». նոր հումորային սիթքոմի մանրամասները. BACKSTAGE

  Ապրիլի 29-ին Արմենիա TV-ի եթերում կհեռարձակվի «Սրտի վալետ» նոր հումորային սիթքոմը...

• Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները

  Դերասանուհի Եվա Բաղդասարյանն ու ամուսինը, պսակադրությունից 2 տարի անց, օրինականացրել են հարաբերությունները...

• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

• Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին

  Դերասան, կատակերգու եւ գրող Վահե Բերբերյանը Instagram-ում հրապարակել է Հայոց ցեղասպանության զոհ դարձած իր պապի արխիվային լուսանկարը՝ նշելով, որ դա միակ հիշողությունն է, որ ունի նրանից...

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

• «Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ

  Ամերիկահայ անվանի երաժիշտ, System of a Down-ի անդամ Սերժ Թանկյանը ոգեկոչել է 1915 թ-ի Հայոց ցեղասպանության զոհերի հիշատակը...

• «Այս ողբերգությունը նրա կյանքի անբաժան մասն է եղել»․ Քրիստինա Ազնավուրը արխիվային լուսանկարներ է հրապարակել Շառլ Ազնավուրի՝ Հայաստան կատարած այցից

  Շառլ Ազնավուրի հարսը՝ Քրիստինա Ազնավուրը, Instagram-ում արխիվային լուսանկար է հրապարակել...

Հայաստանի պետական սիմֆոնիկ նվագախումբը մեկնարկում է 2020-2021 թթ. համերգաշրջանը: Նվագախմբի ծրագրերին չի խանգարի անգամ կորոնավիրուսը, քանի որ Սերգեյ Սմբատյանի խոսքով՝ թե´ երաժիշտները, թե´ ունկնդիրը այս մշակութային իրադարձության կարիքն ունեն:

«Մեզ համար շատ կարեւոր է 15-րդ համերգաշրջանի մեկնարկը: Պետք է նշեմ, որ մեր 14-րդ համերգաշրջանն էլ, իսկապես, շատ հագեցած անցավ` համերգներ ունեցանք, ինչպես Հայաստանում, այնպես էլ` դրսում: 81 համերգ ենք ունեցել, որոնց ընթացքում կատարել ենք ավելի, քան 190 ստեղծագործություն, ելույթ ենք ունեցել նաեւ փայլուն մենակատարների հետ, որոնք աշխարհում իրենց ուրույն տեղն ունեն, եւ կարծում եմ` դա, նույնպես, մեր նվագախմբի եզակի ձեռքբերումներից էր»,-այսօր՝ սեպտեմբերի 14-ին կայացած մամուլի ասուլիսին նշեց նվագախմբի գեղարվեստական ղեկավարն ու գլխավոր դիրիժորը: Անդրադառնալով համերգաշրջանին ու առաջիկա ծրագրերին՝ Սմբատյանը հավելեց.

«Հոբելյանական համերգաշրջան է սպասվում: Այս տարի կունենաք 50 համերգ եւ շատ կարեւոր հյուրախաղ, երկու շատ մեծ ու կարեւոր ձայնագրության նախագծեր, ծրագրում ենք անցկացնել երեք փառատոն, իսկ վաղը Կարեն Դեմիրճյանի անվան մարզահամերգային համալիրի համերգային դահլիճում կմեկնարկի Հայաստանի պետական սիմֆոնիկ նվագախմբի 15-րդ համերգաշրջանը, ինչը մեզ համար շատ կարեւոր է: Ծրագրում կան շատ հետաքրքիր ստեղծագործություններ, այդ թվում` մեզ համար շատ արժեքավոր` մաեստրո Մանսուրյանի «Ձյունե թագուհին» ստեղծագործությունը, որը մեզ համար ամենասիրելիներից է. առանց մաեստրոյի էլ մեր կյանքը չենք պատկերացնում: Կարծում եմ` այս դժվար օրերին շատ կարեւոր է, որ մենք կարողանանք բոլոր նորմերը պահպանելով ճիշտ ծավալել մեր գործունեությունը, որովհետեւ թե´ մենք, թե´ ունկնդիրը մշակութային իրադարձության կարիք ունենք: Լինենք լավատես ու կհաղթահարենք ամեն ինչ»:

Նոր համերգաշրջանը Հայաստանի պետական սիմֆոնիկ նվագախումբը կբացի հայաստանյան պրեմիերայով՝ կհնչի Տիգրան Մանսուրյանի 7 աղոթք «Հավատով խոստովանիմ» աղոթաշարից, որը գրվել է ըստ Ներսես Շնորհալու՝ բարիտոնի՝ երգչախմբի եւ նվագախմբի համար։

«Անցած տարի կայացավ իմ հոբելյանական տարեդարձը, եւ նվագախումբն իմ կողքին եղավ բոլոր համերգների ընթացքում, միասին շրջագայեցինք` Արցախից սկսած, մինչեւ Գյումրի: Դրանք, իսկապես, տոնական օրեր էին` թե´ մեր լսարանի, թե´ երաժիշտներիս համար: Ես խորապես շնորհակալ եմ այս համագործակցության համար: Նվագախմբի հետ աշխատանքի արդյունքում ստեղծվել է նաեւ մի ձայնագրություն, որը թողարկվելու է Լոնդոնում. այն հետաքրքիր նախագիծ է, որը թույլ կտա ֆիլմերի երաժշտությունը ներկայացնել, ինչպես համաշխարհային, այնպես էլ` մեր լսարանին, որը գիտի այդ երաժշտությունն ու վաղուց սիրում է»,-նշեց Մանսուրյանը:

Կարեն Դեմիրճյանի անվան մարզահամերգային համալիրի տնօրեն Կարեն Ղազարյանը կարեւորում է սիմֆոնիկ նվագախմբի հետ համագործակցությունը.

«Մեր առաջնային ծրագրերից մեկը եղել է այն, որ պետական սիմֆոնիկ նվագախումբն իր տեղը գտնի մարզահամերգային համալիրում, որպեսզի այս բեմը, որը լավագույններից է, իսկապես, ծառայի` որպես լավ երժշտություն մատուցելու հարթակ»,-իր խոսքում  նշեց նա: Անդրադառնալով համավարակի պայմաններում համերգաշրջանի կազմակերպմանը՝ համալիրի տնօրենը հավելեց,-«Համալիրն իր տարածքով ու չափսերով համապատասխանում է բոլոր նորմերին. սոցիալական հեռավորությունը կպահվի եւ հանդիսատեսը կարող է ներկա լինել համերգներին` իհարկե պահպանելով անվտանգության բոլոր կանոնները»:

NEWS.am STYLE-ը Սերգեյ Սմբատյանից հետաքրրվեց նաեւ «Երաժշտություն հանուն ապագայի» մշակութային հիմնադրամի բարեգործական ծրագրերից: Հիմնադրամը ստեղծվել է դիրիժորի նախաձեռնությամբ, եւ նպատակ ունի բացահայտել, զարգացնել, կրթել եւ աջակցել տաղանդաշատ երաժիշտներին, մշակույթի եւ արվեստի ներկայացուցիչներին:

«Հիմնադրամը ստեղծվել է, որ մենք երեխաներին օգնենք ստանալ լավ կրթություն, ունենալ կապեր լավ մասնագետների հետ: Մենք հաճախ ենք խոսում խնդիրների մասին, բայց, նույնիսկ, այդ դեպքում շատ քիչ քայլեր ենք ձեռնարկում դրանք լուծելու համար, եւ այս նախագիծն ունի գործունեության այլ ֆորմատ, որը կապ չունի նվագախմբի հետ, բայց հստակ է այն, որ այն երաժիշտները, որոնք հիմնադրամից ստանում են կրթաթոշակ, վաղը կլինեն սիմֆոնիկ նվագախմբի երաժիշտները, եւ դա ինձ համար ամենակարեւորն է: Այս հիմնադրամն ինձ համար այլ նշանակություն ունի, քանի որ երիտասարդ երաժիշտներին օգնելն իմ կյանքի մեծագույն հաճույքն է»,-նշեց նա:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում