• Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)

  Լիլիթ Հովհաննիսյանն Instagram-ում նոր լուսանկարներ է տեղադրել, որոնցում կեցվածք է ընդունել փայլուն կանաչ զգեստով...

• «Սրտի վալետ». նոր հումորային սիթքոմի մանրամասները. BACKSTAGE

  Ապրիլի 29-ին Արմենիա TV-ի եթերում կհեռարձակվի «Սրտի վալետ» նոր հումորային սիթքոմը...

• Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները

  Դերասանուհի Եվա Բաղդասարյանն ու ամուսինը, պսակադրությունից 2 տարի անց, օրինականացրել են հարաբերությունները...

• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

• Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին

  Դերասան, կատակերգու եւ գրող Վահե Բերբերյանը Instagram-ում հրապարակել է Հայոց ցեղասպանության զոհ դարձած իր պապի արխիվային լուսանկարը՝ նշելով, որ դա միակ հիշողությունն է, որ ունի նրանից...

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

• «Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ

  Ամերիկահայ անվանի երաժիշտ, System of a Down-ի անդամ Սերժ Թանկյանը ոգեկոչել է 1915 թ-ի Հայոց ցեղասպանության զոհերի հիշատակը...

• «Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան

  Հայոց պատմության ուսուցիչս նույնիսկ մեր ավարտական երեկոյի ժամանակ ասաց . «Թուրքին բարեկամ չկարծեք. նրանք սեղան կնստեն ձեզ հետ , բայց կչարախոսեն, ձեռքը Ղուրանին դրած կերդվեն ու կխաբեն…

Դերասանուհի Անահիտ Կիրակոսյանին այսուհետ ավելի հաճախ կտեսնենք երգարվեստում: Օրերս կայացավ Անահիտի, Գեւորգ Մկրտչյանի ու Աղաս Մանուկյանի կատարմամբ՝ «Հըրսանիք» հումորային երգի տեսահոլովակի պրեմիերան, իսկ այսօր արդեն խոսվում է դերասանուհու նոր զուգերգի մասին: Այս անգամ նա համագործակցում է երգիչ Տյոմի հետ:

NEWS.am STYLE-ը Անահիտ Կիրակոսյանի հետ զրուցել է, ինչպես երաժշտական նորությունների, այնպես էլ նոր՝ «Սարի աղջիկ» սերիալում իր դերի մասին:

Խոսելով «Հըրսանիք» տեսահոլովակի մասին՝ Անահիտը նշեց, որ արդեն ստանում է դրական արձագանքներ.

«Իսկապես, արձագանքը շատ բուռն ու մեծ է, տեսահոլովակը շատ հումորային է ստացվել, կերպարներն էլ... Այնքան պրոֆեսիոնալ մարդիկ էին հավաքվել նախագծի շուրջ, որ բոլորի մոտ կարծիք էր, թե փոքրիկ ֆիլմ ենք ստացել: Այդպիսի ժանրում երգելիս ինձ տեսնելն անսովոր էր շատերի համար, իսկ ես սիրում եմ զարմացել ու փոփոխություններ անել. արդյունքից դժգոհ չեմ»:

Դերասանուհու խոսքով՝ Տյոմի հետ զուգերգը բոլորովին տարբեր է լինելու.

«Տյոմի հետ մեր զուգերգը բացարձակապես այլ ժանրում է. երգը դրամատիկ է, գործիքավորումն արել է Գոռ Սուջյանը, երգի հեղինակը Դավիթ Դոլինյանն է: Նա հիմա Մոսկվայում է, առաջարկը հենց նրանից եմ ստացել: Դավիթն ասաց, որ այն ցանկանում է ներկայացնենք զուգերգով: Միասին քննարկեցինք, եւ ես առաջարկեցի Տյոմին, որովհետեւ նախ՝ շատ սիրում եմ նրան` որպես երգիչ, հետո նրան ճանաչում էի «X Factor»-ից, շատ հետաքրքիր ու յուրահատկ ոճ ունի, որը ես շատ եմ հավանում: Դավիթը մեծ ուրախությամբ համաձայնվեց, եւ երբ Տյոմին առաջարկեցինք համագործակցել, նա, նույնպես մեծ ոգեւորությամբ արձագանքեց, ու սկսեցինք աշխատել երգի շուրջ: Երգը սիրո մասին է, սիրող սրտերի փոխհարաբերության, տարածության, կարոտի եւ այն մասին, որ իրական սիրո դեպքում ամեն ինչ հաղթահարելի է»:

Անահիտի երկրպագուների համար նորություն չէ, որ դերասանուհին վաղուց է երգում. նախկինում նա ավելի հաճախ հանդես էր գալիս կիթառային կատարումներով.

«Այնպես չէ, որ հատուկ ինչ-որ բան եմ արել երգարվեստով զբաղվելու համար, բայց պանդեմիայի ընթացքում երկար ժամանակ ունեի մտորելու, աշխատելու, ձայնի առումով կատարելագործվելու համար եւ արդեն կա շարունակություն, այսինքն` կշարունակեմ ներկայանալ` որպես երգչուհի. ունեմ էլի առաջարկ խոսքերի հեղինակի կողմից, որի համար գրում եմ երաժշտություն. երգը միշտ ինձ հետ եղել է` անկախ նրանից կիթառով եմ երգել, թե` առհասարակ: Առանց երաժշտության ինձ դժվար է, երգը, երաժշտությունն իմ ընկերն են»,-ասում է նա ու հավելում,- «Դեռ չենք սկսել տեսահոլովակի նկարահանումները, դեռ Դավիթի հետ քննարկում ենք, թե ինչպես պետք է ներկայացնենք երգի գաղափարը: Թե´ Տյոմի, թե´ Գոռի, թե´ Դավիթի հետ աշխատելը, պարզապես, հաճույք է, որովհետեւ նրանք երեքն էլ իրենց գործում պրոֆեսիոնալ ու, առհասարակ, լավ մարդիկ են: Նրանք ինձ էլ շատ օգնեցին, որովհետեւ ես, ի վերջո, մասնագիտությամբ դերասանուհի եմ, ոչ թե երգչուհի. երգող դերասանուհի եմ, եւ հետաքրքիր է, որ Դավիթը հենց այդ պատճառով էլ ինձ էր ընտրել, որովհետեւ ցանկություն ուներ, որ ես` որպես դերասանուհի երգեմ, իսկ Տյոմը` որպես պրոֆեսիոնալ երգիչ: Հենց դա է լինելու երգի հետաքրքրությունը»:

Հեռուստադիտողը Անահիտին կտեսնի նաեւ Դիանա Գրիգորյանի «Սարի աղջիկ» հեռուստասերիալում.

«Այնտեղ ես մանրմնավորում եմ Աննային: Սա առաջին նախագիծը չէ իմ մասնակցությամբ, որը հումորային չէ: Վերջին համագործակցությունս եղել է Հրաչ Քեշիշյանի հետ` «Պատվի համարում», մինչ այդ` եղել է «Անցյալի ստվերները», նաեւ՝ այլ ֆիլմեր, պարզապես, հեռուստադիտողին ավելի մոտ եմ հումորային ժանրում, բայց այս պարագայում կերպարս դրամատիկ է: Շատ բացահայտումներ չեմ անի, ուղղակի կասեմ, որ հետեւեն հեռուստասերիալին, որովհետեւ շատ հետաքրքիր է լինելու»,-նշեց դերասանուհին:

Սյունե Առաքելյան

Լուսանկարները՝ Անահիտի եւ Տյոմի ֆեյսբուքյան էջերից

Հետևեք NEWS.am STYLE-ին Facebook-ում, Twitter-ում և Instagram-ում