Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

«Հեռացրեք այդ քաղցկեղը, որը հենց ինքը՝ Էրդողանն է». «La Casa de Papel» սերիալի հայ աստղ Հովիկ Կեուչկերյան

13:59, 20 հոկտեմբերի

«Կանգնեցրեք Ադրբեջանի ագրեսիան». իսպանական ամենահայտնի հեռուստասերիալի՝ հայկական արմատներով աստղը` Հովիկ Կեուչկերյանը, տեսաուղերձ է ձայնագրել՝ աշխարհին պատմելով ամենի մասին, ինչ տեղի է ունենում Արցախում։

«Այն, ինչ տեղի է ունենում Արցախում սեպտեմբերի 27-ից սկսած, Լեռնային Ղարաբաղում հակամարտությունը, ինչպես միջազգային մամուլն է այն անվանում, իրականում հակամարտություն չէ, այլ ագրեսիա։ Դա հստակ փորձ է Էրդողանի Թուրքիայի եւ Ալիեւի Ադրբեջանի կողմից հայ ժողովրդի դեմ մի նոր ցեղասպանություն սկսելու։ Դա ավելին է, քան պաատերազմ»,- նշել է դերասանը։ Նա շեշտել է, որ հակառակորդի շարքերում են վարձկաններ, ահաբեկիչներ, «որոնց վարձել են, որպեսզի նրանք սպանեն թե հայ զինվորականներին, թե խաղաղ բնակիչներին»։

«Ես պնդում եմ, որ դա ավելին է, քան պատերազմ։ Հայաստանը մտադիր չէ զավթելու եւ ոչ էլ կոտորելու կամ պատերազմելու որեւէ մեկի հետ։ Կա 3 միլիոն հայ, որոնք միակ բանը, որ ուզում են՝ ապրել խաղաղ եւ բարգավաճել իրենց մայր հայրենիքում, աշխարհի բոլոր հայերի սուրբ երկրում, բայց հերթական անգամ ստացվում է, որ այդ իրավունքը չունենք։ Սակայն նույնիսկ հայ ժողովրդի տառապած, արյունոտ եւ ողբալի ողջ պատմության ընթացքում նրանք չեն կարողացել խլել մեզնից մեր ժպիտը, երազանքները, ուժը եւ կամքը։ Եվ ոչ էլ կարողացել են խլել մեր միասնականությունը, համախմբվածությունը եւ արյան կանչը։ Նրանց դա չի հաջողվել, չի հաջողվում եւ չի էլ հաջողվի։ Չեք կարողանա»,- նշել է Հովիկ Կեուչկերյանը։

Դերասանը նշել է, որ հենց այս պահին Էրդողանն ու Ալիեւը փորձում են նորից էթնիկ զտումներ սկսել։ Նա միջազգային հանրությանը, Ամերիկայի Միացյալ Նահանգներին, Եվրամիությանը, Ռուսատանին եւ ՄԱԿ-ին կոչ է արել վերջ հայտարարություններին, մտադրություններին եւ լոկ խոսքերին. ժամանակն է գործելու եւ հանարավորինս արագ։ «Կտրուկ եւ վերջնակապես կանգնեցրեք Էրդողանին, արմատախիլ արեք նրան մեկընդմիշտ։ Հեռացրեք այդ քաղցկեղը, որը հենց ինքը՝ Էրդողանն է, քանի դեռ այն չի տարածվել։ Եթե ոչ, ապա վաղ թե ուշ դուք ստիպված կլինեք գործ ունենալու ձեր իսկ «Ադոլֆ Հիտլերի» հետ 21-րդ դարում։ Մինչ դուք որոշումներ եք կայացնում, հայերը կռվում են, դիմադրում եւ պաշտպանվում։ Ես պնդում եմ, որ նրանք պաշտպանվում են։ Պայքարում են հանուն մեր հավատալիքների, մեր մշակույթի, մեր պատմության, մեր ընտանիքների, մեր տների, մեր զավակների, մեր տարեցների, մեր նախնիների եւ մեր փոքրիկ հայկական հողի»,- ասել է Կեուչկերյանը՝ շեշտելով, որ սա գոյամարտ է։

«Քանի դեռ կա գեթ մեկ հայ՝ ոտքի վրա կանգնած, որը ընդունակ է զենք վերցնել եւ շարունակել պայքարել հանուն իր հայրենիքի, հանուն մեր սիրելի հայ հողի, մենք կշարունակեք պայքարել մինչեւ վերջ։ Երբեք չենք հանձվի։ Երբեք չենք նահանջի եւ չկասկածեք՝ միշտ էլ հայը կանգնած է լինելու եւ շարունակելու է պայքարը։ Ես ուզում եմ ուղարկել իմ ողջ էներգիան, իմ ամբողջ ուժը, հիացմունքս, հարգանքս, իմ ամբողջ սերը, իմ բոլոր աղոթքները Հայաստանի եւ Արցախի ողջ քաղաքացիական բնակչությանը, մարտական գործողությունների ընթացքում ընկած եւ հերոսացած հայերին ու նրանց ընտանիքներին եւ բոլոր զինծառայողներին, որոնք այս պահին կրկին ատամներով պաշտպանում են մեր սուրբ հողը։ Իմ հայ քույրեր եւ եղբայրներ, դուք մենակ չեք, Աստված օրհնի ձեզ»,- եզրափակել է նա:  

 


Հետևեք NEWS.am STYLE-ին Facebook-ում, Twitter-ում և Instagram-ում




Տպել    |  In English

  • Այս թեմայով



@NEWSam_STYLE

  • Արխիվ
Որոնել