Դերասան Վաչե Թովմասյանը նոր գրառում է արել՝ խոսելով ստեղծված իրավիճակի, ապագայի անելիքների մասին։
«Շատ դժվար ժամանակներ են: Բոլորը մեղավորներ են փնտրում, մատնացույց են անում ուրիշներին. հներն են մեղավոր, նորերն են մեղավոր, սպառազինության մակարդակը, կրթության ոլորտը, փախան, չգնացին, չտարան, արտաքին քաղաքականությանը, ներքին քաղաքականությանը, ու այդպես հպարտ մեղավորներով, իրար ուտելով, մեղադրում ենք բոլորին, բացի մեզնից: Դրա համար ա, որ ունենք էն, ինչ ունենք, ինչ որ մնաց, ինչ որ թողեցին, որ ունենանք...
Ու հիմա վերլուծելով ամենը՝ ես ինձ եմ միայն մեղադրում, բայց էն հպարտ մեղավորներից չէ. «Հա, արա, ես եմ մեղավոր!» այդպես չէ ... իսկապես մեղավոր, որ զգոն չեմ եղել, չեմ գնահատել ունեցածս, չեմ պահել ու ծաղկեցրել: Անհոգ եմ եղել՝ չհասկանալով՝ աշխարհագրական դիրքն ինչ է, սթափ չեմ գնահատել մեր բնակչության քանակն ու ռեսուրսները, թշնամիների ուժերը եւ մեր իրական դաշնակիցներին ու իրենց ուժերն ու շահերը: Ու միշտ մտածել եմ, որ ինձ պարտք են բոլորը, չեմ սովորել իմ ամբողջ կյանքում շնորհակալություն ասել։
Ֆրանսիայի նախագահն ինձ պարտք չէր, որ աշխարհի կեսի հետ պրոբլեմի մեջ ընկավ իմ պատճառով, մի հատ հայերեն «Մերսի» ասե՞լ եմ, չեմ ասել: Ռուս խաղաղապահն ինձ պարտք չէ, որ տուն, ընտանիք թողած, եկել է այստեղ, ինձ իմ հողն ու վանքերը պահի: Իսկ իր մաման ու քույրն էլ տանջվեն ու չհասկանան՝ ինչու պիտի իրանց երեխեն կյանքը վտանգի ինձ համար, երբ տեսնում է՝ ինչպես են Մոսկվայում իմ ընկերները թանկ ավտոներով ու հաստ ցեպերով տժժցնում ... ես հո գիտեմ չէ՝ ոնց են տժժցնում ...
Ես մոռացել եմ, որ ունեմ թշնամի, մրցակից չէ, չուզող կամ հակառակորդ չէ ... թշնամի։ Թշնամի, որն ուզում է ինձ սպանել, ջնջել ու տունս վերցնել իրեն։
Այո՛, Քարվաճառը էլ չկա, եւ ես, եթե չքաղեմ դասեր, վերջին կորուստս չի լինելու սա։
Հ.Գ . Քիչ ողբ ու լաց սիրո նշան է, իսկ անսպառ վիշտը նշան է քիչ խելքի: Վիլյամ Շեքսպիր
Այնպես որ, ես անցա գործի, քանի դեռ երիտասարդ եմ, գնացի ուժեղանալու, կրթվելու ու կրթելու երեխուս հանուն իմ, հանուն մեր ապագայի։ Աստված պահապան իմ հայ ազգին, իմ հայրենիքին»,- Instagram-յան էջում գրել է նա՝ օգտագործելով «ի գործ» հեշթեգը։
Հետևեք NEWS.am STYLE-ին Facebook-ում, Twitter-ում և Instagram-ում
16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում14:55, 25 ապրիլի
Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով14:36, 25 ապրիլի
Իրինա Շեյքը նոր տղամարդ է փնտրում13:15, 25 ապրիլի
Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)12:41, 25 ապրիլի
Քիմ Քարդաշյանը խոստովանել է, որ իր մասին որոշ լուրեր իրականում համապատասխանում են իրականությանը12:10, 25 ապրիլի
Քանյե Ուեսթը մտածում է մեծահասակների համար Yeezy Porn հարթակ ստեղծելու մասին11:30, 25 ապրիլի
Ջո Մանգանիելոն խոսել է Հայոց ցեղասպանությունից փրկված իր մեծ տատի մասին11:00, 25 ապրիլի
«Սրտի վալետ». նոր հումորային սիթքոմի մանրամասները. BACKSTAGE10:40, 25 ապրիլի
Քրիստի Թարլինգթոնի մերկ լուսանկարներն օգտագործվել են նրա որդուն ծաղրելու եւ հալածելու համար10:11, 25 ապրիլի
Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները