• Jacquemus-ը նոր շունչ է հաղորդում ամառային հարսանիքներին

  Jacquemus-ը նոր շունչ է հաղորդում ամառային հարսանիքներին: Շատերն են, երեւի, հիշում, որ ինքը՝ Սիմոն Պորտ Ժակեմուսն անուսնացել է 2022 թվականի օգոստոսին...

• Ընձառյուծի պրինտը վերադառնում է. Ռիհաննայից մինչև Քենդալ Ջեներ՝ ոճային հայտնիները մարտահրավեր են նետում «հանգիստ շքեղությանը»

  Ռիհաննայից բացի ուրիշ ո՞վ կարող էր մարտահրավեր նետել «հանգիստ շքեղության» նորաձեւ միտումին․․․

• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

• Դասականի հավերժականության, երաժշտի եւ երաժշտության փոխհարաբերությունների մասին՝ տուբահար Հարություն Հաջինյանի հետ

  Երաժշտության պատմության մեջ երաժշտական ​​ոճերից կարեւորագույնը ինձ համար դասականն է, ասում է 37–ամյա տուբահար Հարություն Հաջինյանը...

• MOCT 5. Անդերգրաունդ կյանքը Հայաստանում

  MOCT Promo-ի պրոդյուսեր Լևոն Հունանյանի հետ զրուցել ենք անդերգրաունդ կյանքի, էլեկտրոնային երաժշտության, և հենց MOCT-ի մասին։ Ապրիլի 20-ից 22-ը MOCT-ը նշում է իր 5 ամյակը, գերմանացի տեխնո արտիստ, դի-ջեյ Ben Klock-ը միջոցառման գլխավոր հյուրն է...

• Չեմպիոնների լիգայի խաղից հետո Պեպ Գվարդիոլայի՝ 1,26 միլիոն դոլար արժողությամբ ժամացույցը հայտնվել է մամուլի ուշադրության կենտրոնում

  Մինչ «Մանչեսթեր Սիթիի» գլխավոր մարզիչ Պեպ Գվարդիոլան Չեմպիոնների լիգայի քառորդ եզրափակիչի ժամանակ հետեւում էր «Ռեալի» դեմ խաղին․․․

• Իջինը «հպարտացել է» իր սլացիկ կազմվածքով (ֆոտո)

  Ռուսաստանաբնակ երգչուհի Իջինը Instagram-ում նոր հրապարակում է արել՝ ցուցադրելով իր գեղեցիկ արեւայրուքն ու սլացիկ կազմվածքը...

• «Ահա, թե ինչ եմ անում, երբ չեմ աշխատում»․ Սիրուշոն ցուցադրել է, թե ինչպես է անցկացրել «weekend»-ը երեխաների հետ (ֆոտո/վիդեո)

  Սիրուշոն Instagram-ում կիվել է իր եւ երեխաների հանգստյան օրերի ժամանցով...

Մոդել-դերասանուհի Սրբուհի Ավանեսյանին ոճային փոփոխությունները խորթ չեն: Սրբուհին անցած տարի հրաժարվեց իր շեկ վարսերից՝ վերածվելով կարմրահերի, իսկ վերջերս՝ իր ծննդյան օրը, մոդելը հերթական անգամ շոկի ենթարկեց մտերիմներին՝ հայտնվելով կարճ կտրված մանուշակագույն վարսերով: Իր ոճափոխության եւ դրան նախորդած հոգեվիճակի մասին Սրբուհին պատմել է NEWS.am STYLE-ին:

«Ինձ թվում է` բոլոր աղջիկների մոտ գալիս է մի պահ, որ ուզում ես ինչ-որ փոփոխություն անել` կամ հագուստի ոճում, կամ ինչ-որ նոր վայրում հայտնվել, իսկ ես որոշեցի կտրել վարսերս, որովհետեւ հոգնել էի «խուճուճ», «փափուկ» աղջիկ լինելուց, ու ծննդյանս նախորդող օրը ցանկացա կտրուկ մի բան անել: Դրա մասին ոչ մեկին չէի ասել միայն ծննդյանս օրը բոլորը տեսան նոր կերպարս»,-ասում է մոդելը:

Սրբուհին, որը երբեք չի խուսափում անդրադառնալ նաեւ իր անձնական կյանքին՝ չի հերքում, որ նախկին ոճային փոփոխությունը կապված էր սիրելիից բաժանվելու դեպրեսիվ շրջանի հետ, սակայն նրա խոսքով՝ այժմ բաց է թողել այդ հոգեվիճակն ու նոր փոփոխությունը բոլորովին նոր բան է խորհրդանշում:

«2020-ն ինձ համար շատ վատ, դեպրեսիվ տարի էր, եւ բոլոր փոփոխություններս կատարվել են անձնականից ելնելով` սկզբում դարձա շիկահեր, հետո` կարմրահեր, այնուհետեւ տրամադրությունիցս ելնելով` վերադարձա սեւ մազերին, բայց որոշեցի 2021-ը սկսել նոր շնչով ու բաց թողնել այն ամենն, ինչ ինձ հետ կատարվել էր 2020-ին: Այժմյան մազերիս  փոփոխությունը կապված չէ անձնականիս հետ, պարզապես այն ինձ նոր շունչ տվեց` նոր կյանքի, նոր քայլեր անելու համար: Ինձ կարճ սանրվածքս շատ է դուր գալիս, այն խնամելը շատ հեշտ է, ինչն այդպես չէ գանգուր վարսերի դեպքում (գանգրահերները կհասկանան ինձ): Հիմա ինձ շատ հարմարավետ եմ զգում»,-ասում է նա, իսկ պատասխանելով հարցին՝ արդյոք չի՞ հասցրել կարոտել երկար գանգուրները, նշում է.

«Ես երբեք երկար մազեր չեմ սիրել ու հիմա չեմ կարոտում մազերս: Իմ դեպքում մազերս շատ էին վնասվել, ինչի արդյունքում դրանք խնամելն ինձ համար շատ բարդ էր դարձել, այնպես, որ մազերս կտրելն այս պահին ամենաճիշտ որոշումն էր, որ երբեւէ արել եմ: Չգիտեմ` ինչու ընտրեցի մանուշակագույնը, երեւի, որովհետեւ այն շատ տարբերվում է, շատ գեղեցիկ ու յուրահատուկ երանգ է, որը կարծում եմ` իմ կերպարին ու բնավորությանը շատ է սազում` ամեն ինչից կտրված: Գույնն ինձ լավագույնս բնութագրում է` գունավոր, վառ... Այն, որ պատրաստվում էի մազերս կտրել, գիտեին միայն իմ մտերիմներից մի քանիսը, բայց, նույնիսկ, նրանք չգիտեին, որ պատրաստվում էի այսպիսի վառ երանգ ընտրել, ու ծննդյանս օրվա հյուրերը շոկի մեջ էին` տեսնելով փոփոխությունս: Բոլորին նոր կերպարս դուր եկավ, չնայած նկատում էին, որ բոլորվին նոր Սրբուկ էին տեսնում»:

Այս շրջանում Սրբուհին հանդես է գալիս «Սարի աղջիկ» հեռուստասերիալում: Հարցին՝ արդյոք հեռուստադիտողն իր հերոսուհուն կտեսնի՞ նոր կերպարում, Սրբուհին պատասխանեց.

«Դեռ չգիտեմ` ինչ կլինի «Սարի աղջիկ» ֆիլմում իմ կերպարի հետ, բայց նոր նախագծեր իմ մասնակցությամբ սպասվում են, ու ինձ թվում է` իմ նոր կերպարն ավելի հետաքրքիր ու տարբերվող կլինի, որովհետեւ թող գոռոզություն չթվա, բայց կարծում եմ` Հայաստանում դեռ այսպիսի կերպար չկա: Իսկ բոլոր աղջիկներին ուզում եմ խորհուրդ տալ, որ ռիսկի դիմեն: Եթե ձեր մտքով անցնում է, օրինակ, կտրել ձեր մազերը, համարձակորեն գնացեք այդ քայլին, եղեք տարբերվող, յուրահատուկ, առավել եւս, որ մազերը ժամանակի ընթացքում երկարում են»:

 Սյունե Առաքելյան

Լուսանկարները՝ Beglarian Photography

Հետևեք NEWS.am STYLE-ին Facebook-ում, Twitter-ում և Instagram-ում