Հունվարի 20-ին TNT հեռուստաալիքով թողարկվեց «Двое на миллион» շոուի նոր թողարկումը, որտեղ Բորիս Գրաչեւսկին հասցրել էր մասնակցել ճակատագրական հոսպիտալացումից առաջ: Այս հեռուստատեսային նկարահանումները «Երալաշի» հեղինակի համար վերջինն էին։

Շոուին, որը վարում է Պավել Վոլյան, հայտնի ռեժիսորը մասնակցել է իր հին ընկեր՝ Դմիտրի Խառատյանի հետ: Աստղերի խնդիրը բարդ հարցերին պատասխանելն է, որպեսզի պահպանվի միլիոն ռուբլին։

«Մարտի» արդյունքում Գրաչեւսկին կարողացավ հաղթել ընկերոջը եւ պահպանել 301 հազար ռուբլի:

«Այն մարդը, ով ճանաչում է աստղերին այն ժամանակներից, երբ նրանց հետաքրքրում էին ոչ թե վարկանիշներն ու հայփը, այլ կոնֆետներն ու խաղալիքները», - հաղորդման սկզբում Բորիս Գրաչեւսկու մասին ասել է Պավել Վոլյան:

Ինչպես հայտնի է, «Երալաշի» գեղարվեստական ղեկավարը մահացել է հունվարի 14-ին։ Երկարատեւ հոսպիտալացումից հետո Գրաչեւսկու օրգանիզմը չի դիմացել կորոնավիրուսի հետեւանքով առաջացած բարդություններին, այնպես որ թոքերի ախտահարման մակերեսը հասել է 75 տոկոսի:

Բորիս Յուրյեւիչի կյանքից հեռանալը իսկական հարված էր նրա երիտասարդ կնոջ համար, որը 10 ամսական որդու հետ մնացել է միայնակ։

Վերջերս Եկատերինա Բելոցերկովսկայան ցույց տվեց իր որդու եւ ռեժիսորի մանկության լուսանկարները: Ասես, հայր ու որդի ջրի երկու կաթիլ լինեն։

Հետևեք NEWS.am STYLE-ին Facebook-ում, Twitter-ում և Instagram-ում