Երգիչ Գեւորգ Մկրտչյանը, որը հեռուստադիողին հայտնի է նաեւ «Անհասցե ծնվածները» սերիալից, պատասխանել է NEWS.am STYLE-ի «20 փաստ հայտնիների մասին» խորագրի հարցերին: Նա խոսել է նախկին ընկերուհու՝ Իրինա Այվազյանի հետ մտերիմ հարաբերությունների, հայ տղային բնորոշ մենթալիտետի եւ իր մասին այլ հետաքրքիր փաստերի շուրջ:
Գեւորգ, մեկ բառով նկարագրիր քեզ:
Անկանխատեսելի:
Բնավորությանդ ամենատարօրինակ գիծն՝ ըստ քեզ:
Գիտակցում եմ, որ արածս լավությունը չի գնահատվելու, բայց մեկ է` մարդկանց օգնում եմ, երբ դիմում են ինձ, չեմ կարողանում մերժել:
Ունե՞ս մտածելակերպումդ հնաոճ գծեր:
Երբեմն ընկերներս կամ ծանոթներս ասում են` «հին մտածելակերպ ունես», բայց իմ կարծիքով` դա ոչ թե հին, այլ հայ տղային հատուկ մտածելակերպ է: Ամեն դեպքում` կան բաներ, որոնք, ինչպես մյուս հայ տղաների, այնպես էլ` ինձ համար ընդունելի չեն:
Վատ սովորություններ, որոնցից հաջողվել է ազատվել, կամ պատրաստվում ես դա անել:
Ամենավատ սովորությունս, կարելի է ասել, մունաթ գալն է (ծիծաղում է), բայց իմ կարծիքով` դրանից երբեք չեմ ազատվի:
Բաներ, որոնք չանելու համար փոշմանել ես:
Հրաժարվել եմ ինձ հետաքրքրող գործնական առաջարկից մեկ այլ առաջարկի համար, հետո` փոշմանել:
Քանի՞սն են այն ընկերներդ, որոնց կարող ես վստահել ցանկացած գաղտնիք:
Երկուսը. մեկն Իրինան է, ում ամեն ինչ վստահում եմ, ու իմ կյանքում չկա այնպիսի բան, որ նա չիմանա, մյուսը` Արմանը, որը որպես ավագ ընկեր` ինձ միշտ խորհուրդներ է տալիս:
Ամենալավ խորհուրդը, որը քեզ տվել են:
Կողքից խոսացողների ասածներին ուշադրություն չդարձնել, պայքարել նպատակի համար, ու ամեն ինչ լավ կլինի:
Ամենասիրելի ֆիլմդ, որը կարող ես անդադար դիտել:
«Родина»:
Ավագ կոլեգաներիցդ ումի՞ց ես ամենից շատ սովորել:
Նկարահանման հրապարակում ինձ Հարություն Մովսիսյանն է շատ օգնել, ինչի համար նրան շատ շնորհակալ եմ:
Եթե կարողանայիր ստեղծել մի օրենք, որը մինչ օրս չկա, ո՞րը կլիներ դա:
Համացանցում մարդուն վիրավորելու համար քրեական պատասխանատվության ենթարկելու վերաբերյալ օրենք, որպեսզի ոչ ոք իրեն թույլ չտա մյուսին վիրավորել:
Երբ 30 րոպե ազատ ժամանակ ես ունենում, ինչպե՞ս ես այն անցկացնում:
Իմ` թե´ ազատ, թե´ զբաղված ժամանակն անցնում է Instagram-ում (ծիծաղում է):
Ամենասիրելի երգդ քո երգացանկից:
Մարտին 8-ին դուք էլ կլսեք:
Ի՞նչն ես ամենից շատ կարոտում քո մանկությունից:
Այն տարիները, երբ կյանքում կորուստ չունեի:
Մանկությանդ ամենասարսափելի հուշը:
Մանկությանս կորստի մասին չեմ կարողանում խոսել. դա այն բանն է, որը միայն իմն է:
Ունակություն, որը կցանկանայիր ունենալ:
Կարողանալ լավ պարել:
Ո՞ր երկրում ես պատկերացնում ապագադ:
Չէի ուզի Հայաստանից բացի մեկ այլ տեղ պատկերացնել, բայց չգիտես` հանգամանքների բերումով որտեղ կհայտնվես:
Ինչի՞ մասին նորություններին ես ամենից շատ հետեւում նյուզֆիդումդ:
Միայն հետեւում եմ ռուսական շոու-բիզնեսի մասին նորություններին:
Ամենածիծաղելի բամբասանքը, որը քո մասին լսել ես:
Ամեն տեսահոլովակից հետո` սիրավեպ տվյալ տեսահոլովակի հերոսուհու հետ:
Ճանաչված մարդկանցից ո՞ւմ հետ կցանկանայիր ընթրել:
Մոնիկա Բելուչիի:
Ամենաչսիրածդ հարցը, որ տալիս են վերջին շրջանում:
«Բաժանվե՞լ եք...»:
Սյունե Առաքելյան
Լուսանկարները` Գեւորգ Մկրտչյանի Instagram-ից
Հետևեք NEWS.am STYLE-ին Facebook-ում, Twitter-ում և Instagram-ում
23:37, 17 ապրիլի
Պոռնոդերասանները պատմել են իրենց «ծանր աշխատանքի» մասին22:34, 17 ապրիլի
Աշխարհում սերմնահեղուկի ամենամեծ բանկը, որտեղ ամսական կարող եք վաստակել 420 ֆունտ, կենտրոն է բացել Մեծ Բրիտանիայում21:13, 17 ապրիլի
Ամերիկացի հայտնի ռեստորատորը Ջեֆ Բեզոսի նշանածին «բացարձակ տհաճ» է համարում20:23, 17 ապրիլի
Wine Story. Մինչեւ 5000 դրամ արժողությամբ գինի՝ Մալբեկի համաշխարհային օրվա համար19:37, 17 ապրիլի
Maserati GranCabrio-ն աշխարհում ամենաարագ էլեկտրոմոբիլն է16:11, 17 ապրիլի
Ավստրալիայում ամենաթանկ ամուսնալուծությունն ավարտվել է կնոջ հաղթանակով. նա դավաճան ամուսնուց կստանա 180 միլիոն դոլար եւ անշարժ գույք15:28, 17 ապրիլի
Ուինսթոն Չերչիլի դիմանկարը, որը դուր չէր գալիս բրիտանացի առաջնորդին, աճուրդի կհանվի14:13, 17 ապրիլի
Ջոնի Դեփը ցանկանում է ձեռք բերել 4 միլիոն դոլար արժողությամբ միջնադարյան ամրոցը13:19, 17 ապրիլի
Բլեյք Լայվլին իր վերջին ֆիլմի նկարահանման հրապարակում՝ 1920-ականների գանգստերի դերում12:55, 17 ապրիլի
Ջենիֆեր Լոպեսն ապացուցում է, որ 20 տարվա ընթացքում չի ծերացել12:03, 17 ապրիլի
Ռուսական կուլտային «ԴԴՏ» ռոք խումբը համերգով հանդես կգա Երեւանում11:28, 17 ապրիլի
Քիմ եւ Քլոե Քարդաշյանները նշել են իրենց հանգուցյալ հոր՝ Ռոբերտ Քարդաշյանի պատվին բացված բժշկական կենտրոնի հինգերորդ տարեդարձը