• Նանուլը նշում է 14-ամյակը. երգչուհու տոնական ֆոտոշարքը

  Հայկական շոուբիզնեսի ամենահայտնի փոքրիկ արտիստուհիներից մեկը՝ պարուհի-երգչուհի Նանուլը, այսօր՝ ապրիլի 23-ին, նշում է ծննդյան 14-ամյակը...

• Կոմպոզիտոր Շառլ Ազնավուր․ շանսոնյեի հարյուրամյակի առթիվ

  Շառլ Ազնավուրի ծննդյան հարյուրամյակին ընդառաջ NEWS.am STYLE-ը պատրաստել է նյութերի շարք՝ նվիրված հայտնի շանսոնյեի կյանքին ու գործունեությանը․․․

• Գեւորգ Մկրտչյանի եւ Քրիստինա Հովհաննիսյանի հարսանեկան առաջին տանգոն՝ Էրիկի կատարման ներքո (VIDEO)

  Այս պահին տեղի է ունենում դերասան, երգիչ Գեւորգ Մկրտչյանի եւ բլոգեր, դերասանուհի Քրիստինա Հովհաննիսյանի հարսանյաց արարողությունը․․․

• Գեւորգ Մկրտչյանը և Քրիստինա Հովհաննիսյանը պսակադրվեցին

  Սուրբ Գայանե եկեղեցում այսօր պսակադրվեցին երգիչ Գևորգ Մկրտչյանը և Քրիստինա Հովհաննիսյանը: Նորապսակներն իրար հավերժ սիրելու խոստում տվեցին...

• «Լադանիվա»-ից Ժակլինն ու Լուին Հայաստանում են. երգչուհու ծննդյան տարեդարձը, նրա կերպարով տիկնիկն ու ի՞նչ է լինելու «Եվրատեսիլի» բեմում

  «Լադանիվա» խմբի անդամները՝ Ժակլին Բաղդասարյանը եւ Լուի Թոմասը, Հայաստանում են, որտեղ անցել են նախաեվրատեսիլյան պատրաստություններին…

• Ինչպես դիտել հայկական արտադրության բացառիկ ֆիլմերը Armflix- ում

  «Armflix»  հարթակը, որը փոխել է հայկական կինոարտադրության որակը շուկայում, նախորդ շաբաթ նախաձեռնեց «Տանդեմ» քրեական դրամայի փակ ցուցադրությունը «Մոսկվա» կինոթատրոնում, որը նկարհանվել է հատուկ Armflix- ի համար...

• Իլոնա Նուրբեկյանը Փարիզում հանդիպել է Մոնիկա Բելուչիին (ֆոտո)

  Բլոգեր Իլոնա Նուրբեկյանը, որը հանրությանն առավել հայտնի է «Ոսկե դպրոց» սիթքոմից, հանդիպել է Մոնիկա Բելուչիին…

• «Սկսել եմ սիրո մասին երգեր գրել. շատ նոր է ինձ համար». yellowheart.-ը՝ նոր երգացանկի, համերգների ու բենդով հանդես գալու մասին

  NEWS.am STYLE-ի հետ զրույցում պատմել է նոր ձեւաչափով հանդես գալու ու ստեղծագործական նոր ոգեշնչման մասին, որի թեման սերն է...

«Կյանքի կարուսել» նախագծից շատերին հայտնի Գ. Սունդուկյանի անվան Ազգային Ակադեմիական թատրոնի երիտասարդ դերասանուհի Ծովինար Մարտիրոսյանը պատմել է NEWS.am STYLE-ին սերիալում եւ թատրոնում իր աշխատանքի առանձնահատկություններից, ինչպես նաեւ կիսվել է մարդկային երջանկության մասին իր սեփական ընկալմամբ: 

Ծովինար, Դուք հանդես եք գալիս հայտնի «Կյանքի կարուսել» հեռուստասերիալում եւ միաժամանակ՝ Մայր թատրոնում: Դյուրի՞ն է այս երկուսը համատեղելը, եւ ի՞նչ ազդեցություն են նրանք ունենում միմյանց վրա: Օգնու՞մ են, թե՞ խանգարում:

Ես հիմա հանդես եմ գալիս միայն թատրոնում: «Կյանքի կարուսել» նախագիծը հիանալի հնարավորություն է խելացի դերասանի համար՝ ինքնահաստատվելու եւ բացահայտվելու տեսակետից: Թատրոնն իրապես ուրիշ աշխարհ է, եւ ինձ համար երբեք դժվար չի եղել համատեղել թատրոնն ու սերիալը: Դրանք տարբեր բաներ են եւ երբեք չեն կարող խանգարել միմյանց: Հակառակը, մեկը մյուսին լրացնում են լավ իմաստով:

Ինչպե՞ս եք ընդհանրապես վերաբերվում սերիալի գաղափարին: Ձեր կարծիքով, ինչպիսի՞ փորձ է այն դերասանի համար, եւ ի՞նչ նշանակություն ունի հեռուստադիտողի համար:

Ժողովուրդը, ցավոք, թատրոն այդքան շատ չի հաճախում, եւ հիմա դերասաններից շատերին ճանաչում է սերիալներից: Հանդիսատեսը գալիս է թատրոն սերիալի հերոսներին տեսնելու համար, եւ, բարեբախտաբար, բեմում հանդիպում է իրական արվեստագետին: Ես շատ եմ խոսել այդ թեմայի շուրջ: Սերիալն իրականում քաղքենիական դրամա է, եւ դրան պետք է վերաբերվել ինչպես ժամանցին: Սերիալը դերասանին անընդհատ պահում է աշխատանքային ռիթմի մեջ: Այն որեւէ հատուկ նշանակություն չպետք է ունենա հեռուստադիտողի համար, իսկ ոմանք բացասական կերպարներին անիծելով ման են գալիս…

Այսօր թատրոնում ի՞նչ դերերով եք հանդես գալիս:

Թատրոնում վերջերս հանձնեցինք Վիգեն Ստեփանյանի «Մադագասկար» հեքիաթ-ներկայացումը, որտեղ մարմնավորել եմ Ջենիկ տատի կերպարը: Ըստ իս, հրաշալի գունավոր եւ հետաքրքիր ներկայացում է: Կոչ եմ անում բոլոր փոքրիկներին գալ Սունդուկյանի անվան թատրոն եւ անպայման դիտել ներկայացումը: Կարծում եմ՝ մեծերի համար էլ հետաքրքիր կլինի, որովհետեւ կերպարներին մարմնավորում են հայտնի դերասաններ:

«Կյանքի կարուսելում» միշտ ճարպիկ, հումորով, հնարամիտ կանանց կերպարներ եք մարմնավորում: Ձեր կարծիքով, դերասանը պարտադիր պետք ի՞նքն էլ օժտված լինի բնավորության նման գծերով, թե ամեն ինչ տաղանդն է որոշում, եւ դերասանը կարող է ցանկացած բնավորության եւ խառնվածքի տեր մարդ լինել:

Ես ինքս լավատես եւ երջանիկ կին եմ ինձ համարում: Եվ շնորհակալ եմ Աստծուց, որ այդպիսին եմ: Ես շատ խնդիրներ կարող եմ լուծել հեշտ ու հանգիստ, հումորով, հավատով եւ լավատեսությամբ: Իմ կյանքը երբեք հանդարտ չի եղել: Դա իմ բնավորությունից է: Շնորհակալ եմ, որ կողքիս Նարեկի նման ընկեր, ամուսին ունեմ, որդի Անրիիս, եւ դեռ շատ լավ բաներ են լինելու հետագայում: Դերասան ես, թե ոչ՝ կարեւոր չէ: Մարդը պետք է առաջին հերթին օժտված լինի բարությամբ, սիրով եւ ազնվությամբ: Ինձ համար տաղանդավոր մարդն այդպիսին է:

Վերջերս թատրոնում հանդիսատեսների թիվը մեծացե՞լ է, թե՞ պակասել:

Մեր թատրոնը երբեք հանդիսատեսի պակաս չի զգացել, որովհետեւ մեր թատրոնում լավ եւ որակյալ ներկայացումներ կան: Դե, դերասանների մասին էլ չեմ խոսում…

Զրուցեց Լիլիթ Պետրոսյանը

Հետևեք NEWS.am STYLE-ին Facebook-ում, Twitter-ում և Instagram-ում