• Նանուլը նշում է 14-ամյակը. երգչուհու տոնական ֆոտոշարքը

  Հայկական շոուբիզնեսի ամենահայտնի փոքրիկ արտիստուհիներից մեկը՝ պարուհի-երգչուհի Նանուլը, այսօր՝ ապրիլի 23-ին, նշում է ծննդյան 14-ամյակը...

• Կոմպոզիտոր Շառլ Ազնավուր․ շանսոնյեի հարյուրամյակի առթիվ

  Շառլ Ազնավուրի ծննդյան հարյուրամյակին ընդառաջ NEWS.am STYLE-ը պատրաստել է նյութերի շարք՝ նվիրված հայտնի շանսոնյեի կյանքին ու գործունեությանը․․․

• Գեւորգ Մկրտչյանի եւ Քրիստինա Հովհաննիսյանի հարսանեկան առաջին տանգոն՝ Էրիկի կատարման ներքո (VIDEO)

  Այս պահին տեղի է ունենում դերասան, երգիչ Գեւորգ Մկրտչյանի եւ բլոգեր, դերասանուհի Քրիստինա Հովհաննիսյանի հարսանյաց արարողությունը․․․

• Գեւորգ Մկրտչյանը և Քրիստինա Հովհաննիսյանը պսակադրվեցին

  Սուրբ Գայանե եկեղեցում այսօր պսակադրվեցին երգիչ Գևորգ Մկրտչյանը և Քրիստինա Հովհաննիսյանը: Նորապսակներն իրար հավերժ սիրելու խոստում տվեցին...

• «Լադանիվա»-ից Ժակլինն ու Լուին Հայաստանում են. երգչուհու ծննդյան տարեդարձը, նրա կերպարով տիկնիկն ու ի՞նչ է լինելու «Եվրատեսիլի» բեմում

  «Լադանիվա» խմբի անդամները՝ Ժակլին Բաղդասարյանը եւ Լուի Թոմասը, Հայաստանում են, որտեղ անցել են նախաեվրատեսիլյան պատրաստություններին…

• Ինչպես դիտել հայկական արտադրության բացառիկ ֆիլմերը Armflix- ում

  «Armflix»  հարթակը, որը փոխել է հայկական կինոարտադրության որակը շուկայում, նախորդ շաբաթ նախաձեռնեց «Տանդեմ» քրեական դրամայի փակ ցուցադրությունը «Մոսկվա» կինոթատրոնում, որը նկարհանվել է հատուկ Armflix- ի համար...

• Իլոնա Նուրբեկյանը Փարիզում հանդիպել է Մոնիկա Բելուչիին (ֆոտո)

  Բլոգեր Իլոնա Նուրբեկյանը, որը հանրությանն առավել հայտնի է «Ոսկե դպրոց» սիթքոմից, հանդիպել է Մոնիկա Բելուչիին…

• «Սկսել եմ սիրո մասին երգեր գրել. շատ նոր է ինձ համար». yellowheart.-ը՝ նոր երգացանկի, համերգների ու բենդով հանդես գալու մասին

  NEWS.am STYLE-ի հետ զրույցում պատմել է նոր ձեւաչափով հանդես գալու ու ստեղծագործական նոր ոգեշնչման մասին, որի թեման սերն է...

Այսօր ամենահայտնի հայ եւ ոչ միայն հայ երգիչ, երգչուհիների հետ համագործակցող Էմմանուել Հակոբյանը, ում շատերը գիտեն Eman մականվամբ, տարիներ առաջ Վրաստանի Նաուխրեբի գյուղից տեղափոխվեց Հայաստան, որպեսզի իրականացնի իր ամենամեծ երազանքը։

NEWS.am STYLE-ի հետ զրույցում Էմմանուելը պատմեց, որ դեռ մանկուց իրեն սկսել են հետաքրքրել երաժշտությունը և երաժշտական գործիքները։

«Նույնիսկ իմ խաղերն էին տարբերվում մյուս երեխաների խաղերից, քանի որ տան եղած իրերը օգտագործում էի` որպես երաժշտական գործիքներ»,-հիշեց Eman-ը՝ նշելով, որ ապրելով եւ սովորելով Վրաստանի փոքրիկ գյուղերից մեկում՝ իր առջեւ նպատակ էր դրել  գալ Հայաստան, կայանալ որպես երաժիշտ այստեղ եւ աշխատել հայ հասարակության համար։

17 տարեկանում Հայաստան տեղափոխվելուց հետո Էմմանուել Հակոբյանը ստիպված է եղել շատ դժվարություններ հաղթահարել.

«Ճիշտ է, թեեւ այսօր ես կարող եմ հստակ ասել, որ կայացած եմ իմ գործում, բայց մինչ այս կետին հասնելը, շատ դժվարություններ եւ հիասթափություններ են եղել իմ ճանապարհին։ Այն  ժամանակ, երբ նոր էի սկսում, գումար չունեի անգամ ամենաէժան երաժշտական գործիքը գնելու համար, իսկ սեփական ստուդիա հիմնելը անիրական երազանքի պես բան էր ինձ թվում»,-անկեղծացավ նա:

«Երբ նոր էի ամուսնացել կնոջս՝ պարուսույց Մարիամ Հակոբյանի հետ, ընտանեկան ծախսերը փորձում էի հոգալ մեր տան պատշգամբում սարքած ստուդիայի միջոցով, եթե դա, իհարկե, կարելի էր անվանել այդպես (ժպտում է), ունեի ընդամենը մեկ երաժշտական գործիք՝ սինթեզ եւ շատ հին համակարգիչ։ Ավել բան ունենալու համար պարզապես գումար չունեի։ Սկզբնական փուլում սկսեցի ձայնագրություններ անել, որոնցից ստացված գումարը ծախսում էի ե´ւ ընտանիքիս վրա, ե´ւ փորձում ինչ-որ կերպ նոր գործիք ձեռք բերել։ Չեմ կարող նկարագարել իմ եւ կնոջս ոգեւորությունը, երբ կամաց-կամաց այդ գումարները իրար վրա դնելով՝ ամեն անգամ նոր երաժշտական գործիք կամ երաժշտական որեւէ ձայն էի գնում, դա պարզապես մեզ համար մեծ երազանքի հասնելու առաջին քայլերն էին։ Կինս ինձ միշտ է թեւեր տվել, անգամ այն ժամանակ, երբ թվում էր, թե իրականն ուղղակի անիրական է»,- ասաց Էմմանուելը։

«Չնայած իմ ունեցած «համեստ» հնարավորություններին՝ որակյալ եւ ճաշակով աշխատանք էի անում, բայց, միեւնույնն է, մարդկանց մոտ առաջանում էր թյուր կարծիք՝ եթե տանն ես աշխատում, ուրեմն պրոֆեսիոնալ չես։ Սա էլ հաջորդ խնդիրն էր, որը շտապ պետք է լուծեի»,-հավելեց նա:

Ժամանակի ընթացքում հիմնելով եւ ունենալով իր երաժշտական ստուդիան՝ Eman studio-ն, այսօր Էմմանուել Հակոբյանին իրենց երգերի գործիքավորումներն են վստահում  ամենահայտնի հայ արտիստները՝ Սիրուշոն, Միհրան Ծառուկյանը, Նարեկ Մեծ Հայքը, Մարտին Մկրտչյանը, Արմենչիկը, Ռազմիկ Ամյանը, Գեւորգ Սիրեկանյանը, Գոռ Եփրեմյանը, Գայա Արզումանյանը եւ այլք:

«Հայ հայտնիների հետ իմ համագործակցությունը սկսվեց Նարեկ Մեծ Հայքի «Շոգ ա» աշխատանքով։ Այն իսկապես մեծ հաջողություն գրանցեց եւ դարձավ մինչ այս բոլոր ժամանակների ամռան հետ կապված հիթերից մեկը։ Բավական պատասխանատու էր Սիրուշոյի հետ համագործակցությունը, որը եղավ «Zoma Zoma» երգի շրջանակններում։ Իմ տարբերակով գործիքավորելով երգի երաժշտությունը՝ Սիրուշոն այն ընդգրկեց իր «Armat» ձայնասկավառակում։ Առհասարակ, բոլոր հայտնիների հետ համագործակցություններն եմ համարում հաջողություն, քանի որ ամփոփելով իմ անցած ուղին՝ հասկանում եմ՝ ամեն ինչ իզուր չէր և արժեր հաղթահարել այն բոլոր խոչընդոտները, որոնք հանդիպեցին իմ ճանապարհին եւ որոնք ինձ դարձրին այն, ինչ այսօր կամ»,-նշեց նա:

Հետևեք NEWS.am STYLE-ին Facebook-ում, Twitter-ում և Instagram-ում