Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

Այսօր ծնվել է ԽՍՀՄ եւ ՀՀ ժողովրդական արտիստ Խորեն Աբրահամյանը. նա կդառնար 91 տարեկան

14:18, 1 ապրիլի

Խորհրդային թատրոնի եւ կինոյի ամենաճանաչված դերասաններից մեկը, ԽՍՀՄ եւ ՀՀ ժողովրդական արտիստ, Պետական մրցանակների եւ կինոփառատոնների դափնեկիր Խորեն Աբրահամյանն այսօր՝ ապրիլի 1-ին, կդառնար 91 տարեկան: Ի դեպ, պատմում են, որ երբ դերասանը ծնվել է, նրա հայրը ոգեւորությամբ լուրը հայտնել է հարազատներին, բայց նրան այդ օրը քչերն են հավատացել՝ կարծելով, թե դա ապրիլմեկյան կատակ էր, բայց այդ օրն, իրապես, ծնվեց նա՝ դերասան, որին վիճակված էր լինել հայկական բեմի եւ էկրանի ամենանշանավոր դեմքերից մեկը:

Խորեն Աբրահամյանը կրթությունը ստացել է թատերական իստիտուտում, որն ավարտելուց հետո աշխատանքի է անցել Գ. Սունդուկյանի անվան դրամատիկական թատրոնում: Այնտեղ դերասանը խաղացել է Ռոմեո, Պեպո, Օթելլո, Արա Գեղեցիկ, Արշակ թագավոր եւ այլն: Նույն թատրոնում նա բեմադրել է նաեւ Նաիրի Զարյանի «Հացավան», Վիլյամ Շեքսպիրի «Ջոն արքա», Պերճ Զեյթունցյանի «Անավարտ մենախոսություն», Պաոլո Ջակոմետիի «Ոճրագործի ընտանիքը» եւ այլ ստեղծագործությունների հիման վրա ներկայացումներ:

Դերասանի մասնակցությամբ շատ ֆիլմեր են դարձել սիրված, բայց հատկապես առանձնանում են «Առաջին սիրո երգը», «Մենք ենք մեր սարերը», «Սարոյան եղբայրները» ֆիլմերը, որոնք մեծ ճանաչում են վայելում տարբեր տարիքի կինոսերների շրջանում:

Ֆիլմասերներին եւ կինոյի ոլորտի մասնագետներին գրավում է ոչ միայն Խորեն Աբրահամյանի պրոֆեսիոնալ ու համոզիչ խաղը, այլեւ նրա ձայնային տեմբրը: Ռուս հայտնի դերասան Ինոկենտիյ Սմոկտունովսկին, որը հայտնի է «Համլետ» ֆիլմում գլխավոր դերակատարմամբ, լսելով իր հերոսի հայկական հնչունավորումը Աբրահամյանի կատարմամբ, մի առիթով խոստովանել է՝ «Նա ինձանից լավ է խաղում»:

Խորեն Աբրահամյանը մահացել է 2004 թ-ի դեկտեմբերի 10-ին, թաղված է Կոմիտասի անվան պանթեոնում:

Աբրահամյանի մասնակցությամբ հայտնի են նաեւ «Արարատյան դաշտի աղջիկը», «Փեսատես», «Հասցեատիրոջ որոնումները», «Լուսաբացից առաջ», «Փլուզում», «Փառքի օղակներ», «Դժվար անցում» եւ այլ ֆիլմեր:

Աղբյուրը՝ Encyclopedia.am, Golosarmenii.am

Լուսանկարները՝ Խորեն Աբրահամյան ֆեյսբուքյան էջից


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել