• Նանուլը նշում է 14-ամյակը. երգչուհու տոնական ֆոտոշարքը

  Հայկական շոուբիզնեսի ամենահայտնի փոքրիկ արտիստուհիներից մեկը՝ պարուհի-երգչուհի Նանուլը, այսօր՝ ապրիլի 23-ին, նշում է ծննդյան 14-ամյակը...

• Կոմպոզիտոր Շառլ Ազնավուր․ շանսոնյեի հարյուրամյակի առթիվ

  Շառլ Ազնավուրի ծննդյան հարյուրամյակին ընդառաջ NEWS.am STYLE-ը պատրաստել է նյութերի շարք՝ նվիրված հայտնի շանսոնյեի կյանքին ու գործունեությանը․․․

• Գեւորգ Մկրտչյանի եւ Քրիստինա Հովհաննիսյանի հարսանեկան առաջին տանգոն՝ Էրիկի կատարման ներքո (VIDEO)

  Այս պահին տեղի է ունենում դերասան, երգիչ Գեւորգ Մկրտչյանի եւ բլոգեր, դերասանուհի Քրիստինա Հովհաննիսյանի հարսանյաց արարողությունը․․․

• Գեւորգ Մկրտչյանը և Քրիստինա Հովհաննիսյանը պսակադրվեցին

  Սուրբ Գայանե եկեղեցում այսօր պսակադրվեցին երգիչ Գևորգ Մկրտչյանը և Քրիստինա Հովհաննիսյանը: Նորապսակներն իրար հավերժ սիրելու խոստում տվեցին...

• «Լադանիվա»-ից Ժակլինն ու Լուին Հայաստանում են. երգչուհու ծննդյան տարեդարձը, նրա կերպարով տիկնիկն ու ի՞նչ է լինելու «Եվրատեսիլի» բեմում

  «Լադանիվա» խմբի անդամները՝ Ժակլին Բաղդասարյանը եւ Լուի Թոմասը, Հայաստանում են, որտեղ անցել են նախաեվրատեսիլյան պատրաստություններին…

• Ինչպես դիտել հայկական արտադրության բացառիկ ֆիլմերը Armflix- ում

  «Armflix»  հարթակը, որը փոխել է հայկական կինոարտադրության որակը շուկայում, նախորդ շաբաթ նախաձեռնեց «Տանդեմ» քրեական դրամայի փակ ցուցադրությունը «Մոսկվա» կինոթատրոնում, որը նկարհանվել է հատուկ Armflix- ի համար...

• Բարոյականության «պահապանները» թող շրջանցեն. էրոտիկ ֆիլմերի ընտրանի

  Եթե «էրոտիկ ֆիլմ» արտահայտությունը լսելով ձեր մտքին միանգամից գալիս են «Նիմֆոմանուհին» եւ «Մոխրագույնի 50 երանգները», ապա շնորհավորում ենք՝ դուք ոչինչ չգիտեք ժանրի մասին…

• Իլոնա Նուրբեկյանը Փարիզում հանդիպել է Մոնիկա Բելուչիին (ֆոտո)

  Բլոգեր Իլոնա Նուրբեկյանը, որը հանրությանն առավել հայտնի է «Ոսկե դպրոց» սիթքոմից, հանդիպել է Մոնիկա Բելուչիին…

Երբեք չանտեսել գիտելիքի կարեւորությունը, հավատալ սեփական ուժերին ու ոգեշնչել դիմացինին. այս միտքն է ամփոփված ռեժիսոր Հարություն Խալաֆյանի «Մի անգամ դպրոցում» մանկապատանեկան ֆիլմում, որի պրեմիերան կայացավ երեկ՝ ապրիլի 29-ին: Կինոնկարը, որը հագեցած է երեւակայական պատմությամբ, ունի ուսուցողական բնույթ. այն ուղղորդում է դպրոցականներին սովորել եւ ամենատարբեր խնդիրների լուծումները փնտրել գրքերում՝ «զրուցելով» գլխավոր հերոսների հետ: Իսկ ֆիլմի հերոսը Տիգրանն է. նա դպրոցական պատանի է, որը սկզբում անտեսում էր ուսման կարեւորությունը՝ ընկերների հետ նախընտրելով այլ կերպ անցկացնել ժամանցը: Սակայն դպրոցական սիրահարվածությունն, իսկ ավելի ուշ՝ նաեւ հարազատ դպրոցին սպառնացող վտանգը, ստիպում են Տիգրանին սթափվել, վերանայել իր սկզբունքներն ու համախմբել դասարանցիներին կարեւոր գաղափարի՝ դպրոցի փակումը կանխելու շուրջ:

Տիգրանին մարմնավորում է Արթուր Բեկջանյանը: 25-ամյա դերասանի համար16-ամյա աշակերտին մարմնավորելն արդեն իսկ բարդ գործ էր.

«Դժվարություններից մեկն այն էր, որ 25 տարեկանում պետք է մարմնավորեի 16-ամյա դպրոցականի, բայց նկարահանման առաջին օրից մինչեւ վերջինն անցել են շատ հիշարժան: Ակնկալում եմ, որ այս ֆիլմը զարկ կտա ընթերցանությանը, քանի որ կարծում եմ՝ այն ուսուցողական է, դաստիարակչական: Լավ նախագիծ ենք ստացել»,-ֆիլմի ցուցադրությունից հետո նշեց դերասանը:

Մանկապատենական ֆիլմի ամենատպավորիչ հերոսներից են գրքերը. այո՝ խոսող գրքերը, որոնցից է, օրինակ,  «Դոն Կիխոտ»-ը: Սերվանտեսի հերոսին ֆիմում մարմնավորում է Մկրտիչ Արզումանյանը, որը խոստովանեց, որ միշտ ցանկացել է խաղալ տվյալ կերպարին.

«Շատ վաղուց երազել եմ խաղալ այդ կերպարը, եւ կարող եմ ասել, որ վերջապես բախտ վիճակվեց: Կերպարը հրաշալի է, այն ունի մի շարժիչ ուժ: Առհասարակ, ցանկացած կերպար ունի իր շարժիչ ուժը, Դոն Կիխոտինն, ըստ իս, իր միտքն է»,-նշեց դերասանը, որը նաեւ անդրադարձավ պրեմիերայի նախօրեին անցկացված շարադրությունների մրցանակաբաշխությանը, որի հաղթողները դասարանցիներով կարողացան ներկա գտնվել ֆիլմի պրեմիերային ու առաջինը դիտել այն.

«Երեխաների համար շատ սովորելու բաներ կան այս ֆիլմում: Նախ՝ նշեմ, որ այս ամենը շատ գրագետ է կազմակերպված: Երեկ ամփոփեցինք նաեւ «Իսկական հերոսը» թեմայով շարադրությունների մրցույթը, որի ժյուրիի կազմում էի: Նշեմ, որ շատ հետաքրքիր շարադրություններ կային, հաղթողները ստացան իրենց պարգեւներն ու դարձան իրենց դպրոցի հերոսները»:

Անդրադառնալով ֆիլմի գլխավոր մտքին՝ ընթերցանության կարեւորությանը, դերասանը հավելեց.

«Ես սիրում եմ անընդհատ ասել, որ կարդալն անհրաժեշտ է մարդու ձեւավորման համար, առանց դրա ոչնչի չես կարող հասնել, եւ որքան մեծանում ես, այդ ամենն ավելի կարեւոր է դառնում: Ֆիլմը նաեւ ընկերության, միմյանց օգնելու մասին է: Մի խոսքով, այն շատ դրական գծեր ունի, եւ հուսով եմ՝ մարդկանց դուր կգա ու երկար կցուցադրվի կինոթատրոններում»:

Դալիթա Ավանեսյանը մարմնավորում է Անիին՝ դասարանի ամենախելացի եւ ուսումնատենչ աշակերտուհուն: Նրա խոսքով՝ նոր դերից շատ բաներ է սովորել.

«Սովորեցի, որ պետք է հավատալ սեփական ուժերին եւ հավատալ նաեւ մտերիմ ընկերներիդ, որովհետեւ այդ ընկերությունը միշտ դժվար պահերին օգնում է, իսկ հերոսներին կարող ենք գտնել գրքերում, կարեւորը գտնել ճիշտ մեկին, ու փորձել նրանից օրինակ վերցնել»:

Ֆիլմի առանցքային կերպարներից է Վազգեն պապը, որը սկզբում երեխաների ահ ուր սարսափն էր, սակայն սցենարային հետագա զարգացումները ցույց են տալիս, որ նա իրականում բոլորովին էլ խենթ չէ, չնայած՝ այդպիսին կարող է թվալ առաջին հայացքից: Նրան մարմնավորող դերասան Արա Սարգսյանն ասաց, որ կերպարի մասին իմանալուց հետո հասկացել է, որ հենց այդ հերոսին պետք է մարմնավորի.

«Երբ պատմեցին կերպարի մասին, ասացի՝ սա իմն է: Շատ հաճելի էին նկարահանումները, դա երեւի գալիս էր նաեւ նկարահանող խմբից, իսկ երեխաները շատ լավն էին... Մեծ բավականություն եմ ստացել նրանց հետ նկարահանումներից, սցենարն էլ իր գաղափարով ինձ շատ էր հետաքրքրել: Սա մի հետաքրքիր տարբերակ է, թե ինչպես կարելի է նոր սերնդին վերադարձնել դեպի գիրքը: Ինձ մոտ հեշտ է ստացվում երեխաների հետ աշխատելը, եւ այս աշխատանքը հաճույքով եմ արել»,-նշեց նա:

Ֆիլմում կան այլ հետաքրքիր կերպարներ, որոնց մարմնավորում են Ռաֆայել Երանոսյանը, Նաիրա Շահիրյանը, Արփի Գաբրիելյանը, Վահագն Գալստյանը, Գրիգոր Դանիելյանը, Մարիամ Դավթյանը, Ալեքսանդր Արզումանյանը, Ստեփան Հովհաննիսյանը, Սերժ Առաքելյանը, Սամվել Թոփալյանը եւ այլք:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում