Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

«Դաստիարակվել եմ հայկական ոգով». «20 փաստ» Անահիտ Ադամյանի մասին

16:07, 20 մայիսի

Հայ Արիանա Գրանդե՝ այսպես նրան անվանեցին ռուսական «Ну-ка, все вместе!» հայտնի երաժշտական մրցույթի ժյուրիի անդամներն՝ արտահայտելով իրենց հիացմունքը 17-ամյա հայուհու մելիզմների եւ նրբագեղության նկատմամբ: Անահիտ Ադամյանին սկզբում շատերը ճանաչեցին՝ որպես ՀՀ ժողովրդական արտիստ Աշոտ Ղազարյանի թոռնուհու, իսկ տարիների ընթացքում՝ ոգեւորությամբ սկսեցին հետեւել նրա երաժշտական հաջողություններին, քանի որ միջազգային ցանկացած հարթակում փոքրամարմին երգչուհին պատվով է պահում Հայաստանի անունը:

Անահիտի ամենահավատարիմ հետեւորդներն արդեն հասցրել են նրա մասին իմանալ, գրեթե, ամեն ինչ, քանի որ երգչուհին իր Instagram-ի էջում, որտեղ ունի ավելի, քան մեկ միլիոն հետեւորդ, սիրով պատասխանում է բոլորի հարցերին՝ անկախ բովանդակությունից:

NEWS.am STYLE«20 փաստ հայտնիների մասին» խորագրում այդ հարցերին ավելացրել ենք նաեւ մեզ հետաքրքրող մի քանիսը, որոնք, միգուցե, օգնեն ավելին բացահայտել Անահիտ Ադամյանի մասին:

Անահիտ, ինչպե՞ս ես սկսում առավոտդ:

Առավոտս սկսում եմ, ինչպես՝ բոլոր դպրոցակաները՝ արթնանում եմ, նախաճաշում ու գնում դպրոց:

Երգ, որը վերջին շրջանում պտտվում է գլխումդ:

Չեմ կարող կոնկրետ երգ առանձնացնել, որովհետեւ, առհասարակ, շատ երգեր եմ լսում ու ամեն վայրկյան տարբեր բաներ են գալիս մտքիս:

Եղբորդ հետ հաճա՞խ եք վիճում. ինչի՞ց կարող են ծագել ձեր վեճերը:

Շատ հաճախ չենք վիճում, բայց երբեմն լինում է, որ միմյանց չենք հասկանում, օրինակ, երբ մտադրվում ենք միասին որեւէ բան երգել, ինքը մի երգ է ցանկանում կատարել, ես՝ մեկ այլ, ու այդ ժամանակ որոշ վեճեր ենք ունենում, բայց դա շատ շուտ հարթվում է:

Ամենամտերիմ մարդը, ում կարող ես վստահել ցանկացած գաղտնիք:

Իրականում ես շատ բաց մարդ եմ ու, կարելի է ասել, չունեմ այնպիսի գաղտնիքներ, որոնք կարող են իմանալ միայն հաշված մարդիկ, բայց երբ ընտրում եմ, թե ում պատմել մտքինս, կիսվում եմ մայրիկիս, տատիկիս, քույրիկիս ու ամենեմտերիմ ընկերուհիներիս հետ:

Պապիկիդ՝ Աշոտ Ղազարյանի նախագծերին հետեւո՞ւմ ես. Ո՞րն ես ամենից շատ սիրում:

Իհարկե, պապիկիս նախագծերին պարտադիր հետեւում եմ: Բոլորն էլ լավն են, նորերից ոչ մեկը չեմ կարող առանձնացնել, բայց ինձ համար ամենասիրելին մնում է «Մեր բակը»՝ իր բոլոր մասերով:

Հայ երգիչներից ո՞ւմ երգերն ես լսում:

Անկեղծ ասած՝ շատ չեմ լսում հայ երգիչների երգերը, բայց կառանձնացնեմ Ռազմիկ Ամյանի, Էրիկ Կարապետյանի, Արամ mp3-ի, Սիրուշոյի երգերը, նաեւ՝ կան մի քանի հայ ռեփերներ, որոնց լսում եմ:

Քեզ ամենահաճախ տրվող հարցը…

Երեւի ամենից շատ հարցնում են, թե քանի տարեկան եմ, ինչպես եմ անում իմ մելիզմները, ընկեր ունեմ, թե ոչ…

Հարց, որը չես սիրում, երբ տալիս են:

Շատ հաճախ են տալիս այնպիսի հարցեր, որոնք, միգուցե, դուրս այնքան էլ չգան, բայց չկա մի այնպիսի հարց, որը այնքան չսիրեմ, որ այս պահին կարողանամ հիշել:

Ինչպե՞ս կբնութագրես քեզ երեք բառով:

Համարձակ, նվիրվող եւ ինքնավստահ:

Ամենակարեւոր բանը, որ ստացար «Ну-ка, все вместеնախագծից:

Շատ դրական լիցքեր եմ ստացել այդ նախագծից: Երբ երգում էի, հանդիսատեսին տալիս էի իմ ամբողջ էներգիան, ու այն ստացա փոխադարձ: Ինձ թվում է՝ բոլոր երգիչների համար ամենակրեւորը դա է:

Բնավորությանդ ամենաակնհայտ հայկական գծերը:

Չեմ կարող ասել, թե ինչ հայկական գծեր ունեմ բնավորությանս մեջ, բայց, միանշանակ, դաստիարակվել եմ հայկական ոգով:

Որո՞նք են քո ֆոբիաները:

Անտանելի շատ եմ վախենում ցանկացած միջատից:

Ինչպիսի՞ն ես պատկերացնում երաժշտական ապագադ:

Մեծ բեմերի վրա (ժպտում է):

Քեզ ամենից շատ ի՞նչն է նեղացնում:

Դժվարանում եմ նշել, բայց երեւի՝ դավաճանությունն ու սուտը մոտ մարդկանց կողմից:

Վերջին անգամ ե՞րբ ես շատ ուրախացել, եւ ինչի՞ համար:

Երբ «Ну-ка, все вместе!»-ի եզրափակչի իմ ելույթի ժամանակ Սերգեյ Լազարեւը ոտքի կանգնեց ու գովեստի խոսքեր ասաց իմ երգելու ընթացքում:

Վերջին անգամ ինչի՞ց ես տխրել:

Իրականում հիմա տխուր եմ, քանի որ ավարտում եմ դպրոցս ու գիտակցում, որ էլ չեմ գնալու այնտեղ, էլ չեմ նստելու այդ սեղանների շուրջ դասընկերներիս հետ: Այդ միտքն ինձ շատ է նեղում:

Բացի երգից՝ ի՞նչ հոբբի ունես:

Երգը համարում եմ իմ առաջնային աշխատանքը, իսկ որպես հոբբի՝ կարող եմ նշել դիմահարդարումը, որն իմ ամենասիրելի զբաղմունքն է երգից հետո:

Օտարազգի ընկերներիդ հայերեն բառեր սովորեցնո՞ւմ ես:

Հիմնականում դասարանցիներիս եմ սովորեցնում տարբեր հայկական բառեր: Մի վրացի դասընկեր ունեմ, որը միշտ ինչ-որ տարօրինակ բառեր է ուզում իմանալ հայերենով, օրինակ՝ «զուգարանի թուղթ», «խայտառակ», ու ամենահետաքրքիրն այն է, որ նա հիշում է դրանք ու օգտագործում առօրյայում (ծիծաղում է):

Ինչպե՞ս ես սիրում անցկացնել ազատ ժամանակդ:

Սիրում եմ այն անցկացնել ընկերներիս հետ. գնում ենք զբոսնելու, ֆիլմեր դիտելու: Երբ տանն եմ, սիրում եմ կրկին ֆիլմեր դիտել: Իմ սիրած ժանրը մելոդրաման է: Ինչպես նշել եմ, սիրում եմ նաեւ դիմահարդարմամբ զբաղվել:

Ի՞նչ երազանքներ ունես այսօր:

Այս պահին միակ երազանքս քննություններս լավ հանձնելն ու համալսարան ընդունվելն է:

Սյունե Առաքելյան

Լուսանկարները՝ Անահիտ Ադամյանի Instagram-ից


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել