• «24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան

  «Ինձ ասում են մոռացի՜ր, մի հիշիր ու մի պահանջիր աշխարհից պատմությանդ ճշմարտությունն ու ճակատագրիդ ողբերգական էջերը, ասում են,անցիր, մի հիշիր...»…

• Նանուլը նշում է 14-ամյակը. երգչուհու տոնական ֆոտոշարքը

  Հայկական շոուբիզնեսի ամենահայտնի փոքրիկ արտիստուհիներից մեկը՝ պարուհի-երգչուհի Նանուլը, այսօր՝ ապրիլի 23-ին, նշում է ծննդյան 14-ամյակը...

• Կոմպոզիտոր Շառլ Ազնավուր․ շանսոնյեի հարյուրամյակի առթիվ

  Շառլ Ազնավուրի ծննդյան հարյուրամյակին ընդառաջ NEWS.am STYLE-ը պատրաստել է նյութերի շարք՝ նվիրված հայտնի շանսոնյեի կյանքին ու գործունեությանը․․․

• Գեւորգ Մկրտչյանի եւ Քրիստինա Հովհաննիսյանի հարսանեկան առաջին տանգոն՝ Էրիկի կատարման ներքո (VIDEO)

  Այս պահին տեղի է ունենում դերասան, երգիչ Գեւորգ Մկրտչյանի եւ բլոգեր, դերասանուհի Քրիստինա Հովհաննիսյանի հարսանյաց արարողությունը․․․

• Գեւորգ Մկրտչյանը և Քրիստինա Հովհաննիսյանը պսակադրվեցին

  Սուրբ Գայանե եկեղեցում այսօր պսակադրվեցին երգիչ Գևորգ Մկրտչյանը և Քրիստինա Հովհաննիսյանը: Նորապսակներն իրար հավերժ սիրելու խոստում տվեցին...

• «Լադանիվա»-ից Ժակլինն ու Լուին Հայաստանում են. երգչուհու ծննդյան տարեդարձը, նրա կերպարով տիկնիկն ու ի՞նչ է լինելու «Եվրատեսիլի» բեմում

  «Լադանիվա» խմբի անդամները՝ Ժակլին Բաղդասարյանը եւ Լուի Թոմասը, Հայաստանում են, որտեղ անցել են նախաեվրատեսիլյան պատրաստություններին…

• Ինչպես դիտել հայկական արտադրության բացառիկ ֆիլմերը Armflix- ում

  «Armflix»  հարթակը, որը փոխել է հայկական կինոարտադրության որակը շուկայում, նախորդ շաբաթ նախաձեռնեց «Տանդեմ» քրեական դրամայի փակ ցուցադրությունը «Մոսկվա» կինոթատրոնում, որը նկարհանվել է հատուկ Armflix- ի համար...

• Իլոնա Նուրբեկյանը Փարիզում հանդիպել է Մոնիկա Բելուչիին (ֆոտո)

  Բլոգեր Իլոնա Նուրբեկյանը, որը հանրությանն առավել հայտնի է «Ոսկե դպրոց» սիթքոմից, հանդիպել է Մոնիկա Բելուչիին…

«Դեպի ճամբար» սիթքոմի երկրորդ եթերաշրջանում հեռուստադիտողը նրան բացահայտեց նորովի, քանի որ այդ կերպարը աբողջովին տարբերվում էր նախորդից` «Փափուկ խաղալիք» սիթքոմի Մանեից: NEWS.am STYLE-ը զրուցել է դերասանուհի Իլոնա Մկրտչյանի հետ. դերասանուհին պատմել է, թե ինչու չի նկարահանվում սերիալային ձեւաչափում՝ նախընտրելով սիթքոմները, ինչպիսի դերերով է ցանկանում ներկայանալ հետագայում եւ ինչպես ու որտեղ է անցկացնում ամառային հանգիստը:

Օվսաննայի կերպարը, մինչեւ վերջին սերիաները, հեռուստադիտողի համար «մութ» էր. նրան ընկալում էին՝ որպես, պարզապես, գայթակղիչ աղջկա, որը փորձում էր խելքահան անել ամուսնացած տղամարդուն՝ օգտագործելով նրա գումարները, սակայն հետագայում պարզվեց, որ աղջիկը դրական կերպար է, եւ ճամբարում եղած ժամանակահատվածում փորձում էր «ուշքի բերել» սիթքոմի կնամոլ հերոսին:

«Օվսաննան, կարծում եմ, իրականում շատ պարզ ու հասարակ կերպար է, ինչը բացահայտվեց վերջին սերիաներից մեկում. նա հատուկ առաքելություն ուներ ճամբարում, ու կարծում եմ` իմ դերն այդ սիթքոմում կերպարային առումով ավարտված է, եթե անգամ լինի շարունակություն»,-անդրադառնալով իր հերոսուհուն՝ նշեց Իլոնան ու հավելեց, որ այդ դերից հետո իրեն սկսել են ավելի շատ ճանաչել.

«Դրսում ավելի շատ մարդիկ են ճանաչում ինձ` որպես Օվսաննա, որովհետեւ Մանեի կերպարում ունեի փոփոխություններ, որոնք առօրյա կյանքում իմ կերպարին այնքան էլ բնորոշ չեն»:

Դերասանուհու մասնակցությամբ երկու հեռուստատեսային նախագծերն էլ սիթքոմի ժանրում են, թեեւ Իլոնան նշում է՝ սերիալներում նկարահանվելու առաջարկների պակաս չունի.

«Շատ կան առաջարկներ սերիալներում նկարահանվելու, ընդ որում` տարբեր հեռուստաալիքներից, կան նաեւ գլխավոր դերով հանդես գալու առաջարկներ, սակայն այժմ ինձ միայն սիթքոմային նախագծերում եմ պատկերացնում, քանի որ սերիալային նկարահանումներն այլ բնույթի են` հաշվի առնելով երկարատեւ ժամկետները: Հետագայում կցանկանայի ինձ տեսնել նաեւ դրամայում, քանի որ կարծում եմ` այդ ժանրում կարող եմ ավելի լավ հանդես գալ, սակայն դեռ չունեմ այնպիսի առաջարկ, որի ե´ւ կերպարը, ե´ւ սցենարը կհավանեմ»:

Այս շրջանում Իլոնան հանգիստն է վայելում Եգիպտոսում: Խոսելով հանգստանալու իր նախընտրած տարբերակի մասին՝ դերասանուհին նշեց.

«Օրերս շատ լավ են անցնում Եգիպտոսում, քանի որ դրանք վայելում եմ ընտանիքիս անդամների ու ընկերներիս հետ: Ինքս կնախընտրեի նկարահանվելը, եթե կանգնած լինեի հանգստի եւ աշխատանքի ընտրության առջեւ, քանի որ աշխատելիս մեծ բավականություն եմ ստանում ու հենց այդպես եմ հանգստանում, իսկ գլոբալ առումով` նախընտրում եմ ծովափնյա հանգստի տարբերակը՝ ինչպես այս պահին»:

Թեեւ նոր նախագծերում դեռեւս ներառված չէ, բայց վերադառնալուն պես Իլոնան պատրաստվում է անցնել ակտիվ գործունեության՝ կունենա ֆոտոշարք եւ հետեւորդներին կներկայանա նոր տեսահոլովակում:

Սյունե Առաքելյան

Լուսանկարները՝ Իլոնա Մկրտչյանի Instagram-ից

Հետևեք NEWS.am STYLE-ին Facebook-ում, Twitter-ում և Instagram-ում