• Aerosmith-ը չեղարկել է շոուները․ Սթիվեն Թայլերը վերականգնողական կենտրոնում է

  Aerosmith-ի անդամներն ափսոսանք են հայտնել․․․

• Օլգա Բուզովան ցանկանում է Հայաստանը ներկայացնել «Եվրատեսիլում»

  Նա այդ մասին հայտնել է լրագրողներին «Voice» ամսագրի շնորհանդեսի ընթացքում․․․

• Լեոնիդ Ագուտինին մեղադրել են Վարումին «Ձայնը» նախագծի մասնակիցների հետ դավաճանելու համար

  Նման հայտարարություն է արել բլոգեր Ալյոնա Ժիգալովան․․․

• Artik & Asti դուետի նախկին մենակատարը տաս օրում նիհարել է վեց կիլոգրամով

  Չկրկնել տանը․․․

• Երեքամյա դադարից հետո․ Սերգեյ Շնուրովը հայտարարել է, որ «Լենինգրադ» խումբը բեմ է վերադառնում

  Երաժիշտը դեռ չի մտածել, թե ինչ կլինի հետագայում խմբի հետ․․․

• Հայտնի երգահան, դաշնակահար Գայ Մանուկյանը նվագում է «Զարթնիր, Լաո»-ն (վիդեո)

  Համերգը կայացել է Փարիզի «Օլիմպիա» համերգասրահում․․․

• «Խոստումներով պինդ կապեց մարդկանց աչքերը, իսկ իրականում ներսից բացեց երկրի դարպասներն ու նվիրեց թշնամուն»․ Նազենի Հովհաննիսյան

  «Փաստերը գոռում են ներկայիս ողբերգական ընթացքի մասին․․․»

• Սառա Ջեսիկա Փարքեր, Զենդայա եւ այլք․ Time-ը նշել է 2022-ի 100 ամենաազդեցիկ մարդկանց անունները

  Զենդայան նկարահանվել է Valentino-ի զգեստով․․․

«Հայաստանի փոքրիկ երգիչներ» մանկական ֆիլհարմոնիան ԿԳՄՍ նախարարության հետ համատեղ «Թիկունքը՝ մշակույթ, սահմանը՝ կենտրոն» ծրագրի շրջանակում՝ «Երգով ու սիրով» խորագրի ներքո մայիսի 29-ից հունիսի 5-ը Սյունիքում ու Արցախում անցկացրել է երգչախմբային փառատոն, որին մասնակցել են Ստեփանակերտի, Մարտունու, Սիսիանի, Գորիսի, Կապանի, Քաջարանի, Մեղրիի ու հարակից՝ Խնձորեսկ եւ Շինուհայր գյուղերի գործող երգչախմբերի երեխաները:

7 օր տեւած փառատոնը նվիրվել է բոլոր տարիների հերոս հայ նահատակների հիշատակին, վերջին պատերազմում անմահացած, անհետ կորած, գերեւարված լույս-տղաներին։

«Այս միջոցառումը վերջին շրջանի այն բացառիկ, եզակի դեպքերից է, որը կոչ է արժանապատվության, կոչ է չհանձնվելու, որը կոչ է քաղաքացիական գիտակցության»,-այսօր՝ հունիսի 12-ին կայացած մամուլի ասուլիսին նշեց ՀՀ կրթության, գիտության, մշակույթի եւ սպորտի նախարարի տեղակալ Արա Խզմալյանը: «Այս ամենն իրականացավ շնորհիվ մաեստրո Հեքեքյանի եւ նրա երգչախմբի: Այն, ինչ տեղի ունեցավ քաղաքացիության ամենաբարձր դրսեւորումներից մեկն է: Մենք ապրում ենք տեղեկատվական թունավորված մթնոլորտում, որտեղ սովորական մարդը չի կարողանում կողմնորոշվել, թե ինչի հետեւից գնալ եւ ինչը բռնել՝ որպես արժեք: Եվ այն, ինչ տեղի ունեցավ, հենց այդ ուղերձն է, այդ կողմնորոշիչն է, այս փորձությունն ու դժվար ժամանակաշրջանն արժանապատիվ եւ ստեղծագործաբար անցնելու գրավականն է ու հրամայականը»,-ընդգծեց նա:

Արա Խզմալյանի խոսքով՝ այսօր, քան երբեւէ մշակույթն ունի հսկայական քաղաքացիական գործառույթ:

«Ուզում եմ նաեւ ուշադրություն դարձնել մի փաստի վրա, որ այցը տեղի ունեցավ մեր երկրի համար շատ անկայուն շրջանում, երբ ադրբեջանական զորքերը հայտնվեցին մեր սահմաններից ներս, եւ ես, որպես նաեւ պատասխանատու, փորձ արեցի հետաձգել միջոցառումը, բայց պատանիներն են ընդվզել եւ պահանջել գնալ ու ելույթ ունենալ: Ես շատ եմ ուզում, որ այս փառատոնը դառնա ամենամյա, որովհետեւ այս փառատոնով մենք արցախցիներին ու սահմանամերձ համայնքներում ապրող մեր հայրենակիցներին հերթական անգամ հիշեցրինք, որ իրենք մենակ չեն: Մշակույթը ցույց տվեց, որ ամենակենսունակ գործիքակազմն է: Հավատանք, որ այս բարդ պատմաքաղաքական վիճակից մենք դուրս ենք գալու արժանապավորեն, եւ առանց մշակույթի ես չեմ պատկերացնում ելքը»,-հավելեց Արա Խզմակյանը:

«Հայաստանի փոքրիկ երգիչներ» երգչախմբի գեղարվեստական ղեկավար ու գլխավոր դիրիժոր Տիգրան Հեքեքյանը նշեց, որ Սյունիքն ու Արցախը միշտ են եղել իր ուշադրության կենտրոնում, եւ, հատկապես, պատերազմից հետո հասկացել է, որ այնտեղի բնակչության առաջ իր «պարտքը պետք է կատարի».

«Դեռեւս այն ժամանակաշրջանից, երբ առաջին փառատոնն այնտեղ անցկացրի, ծանոթացա այս հողին, ջրին, մարդկանց, ու առավել գիտակցեցի Հայաստանի այս երկու շրջանների կարեւորությունը: Պատերազմից հետո ամբողջ միտքս, հոգիս, էությունս իրենց հետ էր: Հասկացա, որ իրենց պետք է ուժ ու կորով փոխանցել, եւ մեր առաջին այցից հետո համոզվեցի, որ ճիշտ ուղու վրա ենք»,-իր խոսքում ընդգծեց նա:

Հեքեքյանը խոստովանեց, որ շատերն էին իրեն նախազգուշացնում ռիսկի չդիմել ու չայցելել Սյունիք եւ Արցախ, սակայն թե´ դիրիժորը, թե´ երգչախմբի «փոքրիկ զինվորները» հստակ էին վճռել՝ փառատոնը պետք է կայանար.

«Այստեղ մարդիկ անընդհատ ասում էին՝ վտանգավոր է, մի գնացեք, եւ ես մեծ հոգեբանական պատնեշներ էի հաղթահարում, որովհետեւ երեխաներ էի տանում ինձ հետ, պատասխանատվությունը գիտակցում էի, բայց ես այդ ճանապարհներն արդեն անցել էի ու գիտեի, որ դա պետք է լինի: Ծնողը չի կարող դժվարության մեջ գտնվող իր զավակին չմոտենալ՝ վախենալով վտանգներից: Ես անում էի այն, ինչը ոչ թե առաքելություն էր, այլ՝ պարտք: Ուրախ եմ ու հպարտ, որ ինձ հետ եկան իմ «փոքրիկ զինվորները»: Բոլորս հասկացանք ու տեսանք՝ ինչ կարեւոր էր մեր այնտեղ հայտնվելը: Մենք պարտավոր ենք այնտեղի բնակչությանը ձեռք մեկնել: Անգամ պատրաստ եմ  գնալ աշխատել, ապրել, որպեսզի ոգեւորեմ այդ մարդկանց»,-իր խոսքում նշեց Տիգրան Հեքեքյանը:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում