MOCT 5. Անդերգրաունդ կյանքը Հայաստանում

«Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

Անդրեյ Մակարեւիչ. «Ինտերնետը շատ շուտ է հասել մարդկությանը»

Գուշակիր գույնը, ստացիր ծաղկեփունջ. մեկ օր՝ Մայիս Վարդանյանի հետ

Տիհանա Vibes Դավիթ Մանոյանի հետ. Իվետա Մուկուչյանի հետ տեսահոլովակի, Կասպերի եւ այլ թեմաների մասին

Տիհանա Vibes. ZatikArtFest-ի գույներն ու մարդիկ

Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

«Հասկացա, որ ես պետք է իմ հայտնիությունն օգտագործեմ կարեւոր թեմաների մասին խոսելու նպատակով». Դավիթ Միրոյանը՝ պրոդյուսերի եւ հիփ-հոփ արտիստի իր գործունեության մասին

14:05, 25 հունիսի

Հայաստանում հիփ-հոփ երաժշտությունը ավելի ու ավելի է տարածվում, այս ժանրի հնաբնակների կողքին այսօր հայտնվում են նոր արտիստներ, որոնք գրավում են լսարանի ուշադրությունն ու YouTube հարթակը։ Հայաստանում այսօր արդեն պոպուլյար երաժշտական ուղղության հիմքերում կանգնած են մի քանի արտիստներ, ովքեր արեւմուտքում հայտնի այս ուղղությունը բերեցին մեր երկիր, ներկայացրին հայ լսարանին ու դրեցին հայկական հիփ-հոփ երաժշտության հիմքը։ Երաժշտասերների շրջանում հայտնի ռեփեր Դավոն (Դավիթ Միրոյան) այս եզակի արտիստների շարքում էր։ Լինելով նաեւ պրոդյուսեր՝ Դավիթը ինքն էր որոշում, թե ինչ ձեւաչափում պետք է լինի իր՝ արտիստի կերպարն ու նրա մատուցած երաժշտությունը։ Թե այդ տարիներին ու թե հիմա Դավիթը երաժշտական այս նախագիծն օգտագործում է մի շարք կարեւոր սոցիալական խնդիրներ բարձրաձայնելու համար։

«Երբ Դավո նախագիծը հաջողություն ունեցավ ու սիրվեց, ես հասկացա, որ ես պետք է իմ հայտնիությունն օգտագործեմ կարեւոր թեմաների մասին խոսելու, հասարակությանը հուզող հարցեր քննարկելու եւ ինչ-որ հարցերի շուրջ էլ ինֆորմացնելու նպատակով։ Ինձ լսում են հատկապես երիտասարդներ, իմ երգերի միջոցով խոսելով հաշմանդամություն ունեցող մարդկանց հավասար իրավունքների կարեւորության, բռնության դեմ պայքարելու անհրաժեշտության, պատասխանատվության, բարոյական արժեքների եւ այլ կարեւոր թեմաների մասին՝ ես ինձ լավ եմ զգում, որովհետեւ հասկանում եմ, որ այս բոլոր հարցերի կարեւորությունը հասցնում եմ ինձ հետեւող մարդկանց, նրանց շրջանում պրոպագանդում եմ այդ արժեքները»,-NEWS.am STYLE-ի հետ զրույցում նշեց արտիստը:

Դավիթն արդեն մոտ 15 տարի է՝ պրոդյուսերական գործունեություն է ծավալում՝ թե մեդիայի, թե շոու բիզնեսի ոլորտում, ակտիվ համագործակցում է պետական կառավարման օղակների, նախարարությունների, պետական կառույցների հետ, երկար տարիներ աշխատել է Հանրային հեռուստաընկերությունում ու զբաղեցրել կարեւոր պաշտոններ, եւ ինչպես ինքն է նշում՝ այս բոլոր հնարավորություններն օգտագործել է ավելի մասշտաբային մակարդակում կարեւոր սոցիալական հարցեր բարձրաձայնելու ու ինչ-որ խնդիրներ լուծելու համար։

«Ինձ համար կարեւոր է օգտակարության գործոնն այն նախագծի, որի վրա ես աշխատելու եմ։ Ինձ համար շատ կարեւոր է այն, որ Աշխատանքի ու սոցիալական հարցերի նախարարության հետ համագործակցելուց հետո, օրինակ, ես ստացա արձագանք այն մասին, որ նախագծից հետո առավել ակտիվացել է կապը նախարարության եւ քաղաքացիների միջեւ, քաղաքացիների իրազեկվածության մակարդակը բարձրացել է։ Ինձ համար կարեւոր է այն, որ Հանրային հեռուստաընկերությունում աշխատելու եւ հեռուստաընկերության գլխավոր պրոդյուսերը լինելու տարիներին մեր եթերում հայտնվեց նոր նախագիծ, որը հայապահպանության ու աշխարհում Հայաստանն ու հայկական մշակույթը ճանաչելի դարձնելու շեշտադրումն ունի։ Ինձ համար կարեւոր է, որ Առողջապահության նախարարության հետ իրականացրած նախագիծը մարդկանց շրջանում տարածեց առողջ ապրելակերպի գաղափարը։ Ինձ համար կարեւոր է, որ Հայ համերգ նախագծի վրա աշխատելիս ես նպաստեցի հայկական երաժշտության ժառանգության պահպանմանը եւ այդպես շարունակ։ Այսինքն՝ ինձ համար կարեւոր է նպատակը, որին ծառայում է իմ գործը»։

Անդրադառնալով պետական օղակների հետ աշատանքին ու նրանց կողմից վստահության արժանանալուն՝ Դավիթն ընդգծեց՝ պատասանատվությունը մեծ է՝ չնայած տարիների փորձին ու դրա շնորհիվ ձեռք բերված ինքնավստահությանը.

«Պատասխանատվությունը շատ մեծ է, որովհետեւ պետական օղակների հետ աշխատելու դեպքում դու իրականացնում ես ոչ միայն մեծ, այլեւ՝ պետական մասշտաբով կարեւոր նախագիծ։ Իհարկե, տարիներն ու փորձը ավելացնում են մասնագիտական ինքնավստահությունը, բայց ամեն անգամ պատասխանատվության մեծ զգացում կա»,-հավելեց նա:

Որոշ ժամանակ առաջ Դավիթը, որպես պրոդյուսեր, երաժշտական ինդուստրիայում ներկայացրեց նոր արտիստի. խոսքը երիտասարդ երգիչ Raff-ի մասին է:

«Ես շատ երկար էի ուսումնասիրում, թե ինչ արտասահմանյան կատարողների են լսում այսօրվա երիտասարդները, նկատեցի, որ այդ երաժշտության հայկական այլընտրանքը չկա, այս դաշտը բաց է մեր երգարվեստում։ Ես հայտարարեցի օնլայն մրցույթ՝ փնտրելով երիտասարդ ու տաղանդավոր երգիչների։ Բազմաթիվ հայտերից ընտրեցի երիտասարդ մի տղայի, որը հայտնի չէր, չուներ մասնագիտական փորձ, բայց ուներ գեղեցիկ ձայն ու շատ համապատասխան էր երաժշտական այն ոճին, որը ուզում էի ներկայացնել լսարանին։ Իմ կողմից պրոդյուսերական մեծ աշխատանք տարվեց, ինչի արդյունքում հետաքրքրությունը մեծացավ Raff-ի նկատմամբ ոչ միայն լսարանի, այլեւ լրատվամիջոցների ու այլ արտիստների շրջանում։ Մենք ստեղծեցինք ու ձայնագրեցինք երգեր, որոնց պրեմիերաները արեցինք մեծ ռադիոկայանների եթերով, Raff-ի երգերը հավաքեցին բազմաթիվ լսումներ YouTube-ում, նրա սոցիալական էջերն ակտիվացան, նրան սկսեցին ճանաչել, երգել նրա երգերը, տարածել դրանք։ Մենք ստացանք այլ արտիստների հետ համագործակցության առաջարկներ։ Ես կարծում եմ, որ հաջողվեց ժամանակակից հայ երգարվեստ բերել նոր գույն, նոր դեմք»,-նշեց նա:

Պրոդյուսերական ու ստեղծագործական աշատանքներից զատ՝ Դավիթը դասավանդել է  Երևանի պետական համալսարանում, իսկ այսօր, պարբերաբար կրթական, փորձի փոխանակման հանդիպումներ է ունենում երիտասարդների հետ, ովքեր ուզում են դառնալ պրոդյուսեր։ Հեռուստատեսությունում աշխատելու տարիներին էլ շատ երիտասարդների է գործնական գիտելիքներ տվել հեռուստատեսային պրոդյուսինգի շրջանակում։ «Նոր սերունդը ուրախացնում ու ոգեւորում է»,-ասում է Դավիթը, որը համոզված է՝  պետք է շարունակել երիտասարդների հետ փորձով կիսվել ու նրանց համար ռեալիզացվելու նոր հնարավորություններ ստեղծել:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով

TV SHOWS PHOTO VIDEO


@NEWSam_STYLE

  • Արխիվ
Որոնել