• Լիլի Սարգսյանի կտրուկ ոճափոխությունը (ֆոտո)

  Հմայիչ կերպար․․․

• «Համահունչ զույգ»․ Էմմա Սապունջյանի եւ սիրելիի լուսանկարը

  Ջերմ գրկախառնություն․․․

• Ոճային աքսեսուար․ Աստղիկ Սաֆարյանի լուսանկարը

  Երգչուհին սեւ հագուստ է ընտրել․․․

• «Աշխարհի երջանիկն եմ, որ իմ թռիչքների ու ժպիտի հեղինակը դու ես»․ Հասմիկ Խոջյանն՝ ամուսնու հետ

  Դերասանուհին ջերմ շնորհավորել է սիրելիի ծննդյան օրը․․․

• Ոճային մայրիկ․ Մարտա Կիրակոսյանի լուքը

  Երգչուհին վառ վերնաշապիկ է ընտրել․․․

• Գեղեցիկ բնապատկեր, սպորտային լուք․ Սիրուն Մինասի լուսանկարը

  Երիտասարդ մայրիկը նոր լուսանկար է տեղադրել․․․

• «Ընտանիք»․ Գրիգոր Դանիելյանը՝ կնոջ ու որդիների հետ

  Կադրեր ընտանեկան հանգստից․․․

• «Երբ դժվարությունները գալիս են քեզ ընդառաջ, ժպիտով դիմավորիր»․ Թամարա Գեւորգյան

  Դերասանուհին նոր ֆոտոշարք ունի․․․

Հայ աստղերը` Էմմին, Սոֆի Մխեյանը, իրավաբան եւ երգիչ Վրեժ Կիրակոսյանը, ինչպես նաեւ դերասան Սոս Ջանիբեկյանը, բարկացած են իրենց աղանդավոր լինելու վերաբերյալ ապատեղեկատվության տարածման կապակցությամբ:

Այդ մասին հայ աստղերը հայտնել են այսօր` հոկտեմբերի 4-ին կայացած ասուլիսի ժամանակ: 

Նշենք, որ երեկ` հոկտեմբերի 3-ին,  Միացյալ Երիտասարդական Լիգա անվանմամբ կազմակերպությունը հայտարարություն է հրապարակել, որում նշվել են կոնկրետ հայտնի մարդկանց անուններ, որոնք, ըստ այդ կազմակերպության, հնարավոր է, աղանդավոր են: Մի շարք լրատվամիջոցներ հրապարակել են այդ հայտարարությունը առանց հերքման, ինչը նույնպես դարձել է աստղերի բարկության պատճառը:

«Կարծում եմ, որ սա կոնկրետ իրավունքների ոտնահարում է, եւ դրա համար մենք որոշել ենք բարձրաձայն խոսել այդ թեմայի մասին: Ես արդեն, կարծես թե, 2-րդ կամ 3-րդ անգամ եմ հայտնվում կիզակետում, եւ ինձ շատ ավելի բարկացրեց այն փաստը, որ այդ նյութը, որը հայտնվեց համացանցում, հայտնվեց հենց իմ գլխավոր լուսանկարով: Եւ այդ ինձ իսկապես շատ է բարկացնում, եւ դրա համար շատ ավելի լուրջ ենք ուզել վերաբերվել այս հարցին, եւ իմ կողքին նստած են իրավաբաններ, ովքեր շատ լուրջ կզբաղվեն այդ հարցով»,-  հայտնել է  Սոֆի Մխեյանը:

Իր հերթին Էմմին նկատել է, որ վերջին ժամանակահատվածում բլոգերների կողմից շատ է լինում այսպիսի սխալ վերաբերմունք արտիստների կամ ոչ արտիստների նկատմամբ:

«Ի վերջո, կարելի է հասկանալ, որ մենք այդ անունը ձեռք ենք բերել մեր քրտնաջան աշխատանքով, այլ ոչ թե բլոգերների հաշվին: Ինչու են նրանք ուզում մեր հաշվին դառնալ հայտնի բլոգեր», - նշել է երգչուհին:

Նա նաեւ հայտնել է, որ պատկանում է Հայ Առաքելական եկեղեցուն եւ հաճախ եկեղեցի է այցելում, ընթերցում է Աստվածաշունչը, իսկ նրա կողմից առավել սիրված եկեղեցին է Էջմիածնում գտնվող Սուրբ Գայանեն:

Իսկ երգիչ եւ իրավաբան Վրեժ Կիրակոսյանը այդ ապատեղեկատվությունը տարածողներից հերքում է պահանջել, եւ նշել է, որ այն պետք է լինի առանձին աստղերից յուրաքանչյուրի համար:

Իր հերթին դերասան Սոս Ջանիբեկյանը հայտարարել է, որ աղանդներին չի վերաբերվում ոչ լավ, ոչ էլ վատ, բայց եթե նույնիսկ գրեին, որ նա սեւամորթ է, թեեւ նա շատ հարգում է սեւամորթներին, նա նույնպես կբարկանար, քանի որ այդ ամենը ապատեղեկատվությունը:

Նա նշել է, որ պատրաստ է ներել Միացյալ Երիտասարդական Լիգայի անդամներին, քանի որ նրանք երիտասարդ են եւ անխելք քայլ են կատարել, եթե նրանք հրապարակավ հերքեն այդ տեղեկությունները եւ ներողություն խնդրեն:

Արտիստները հայտնել են, որ դիմել են “AM” իրավաբանական կազմակերպությանը, որ շատ լուրջ կզբաղվի այդ խնդրով, եւ այդ ուղղությամբ աստղերի հետագա քայլերը քննարկման փուլում են գտնվում:

Տեքստը` Լիլիթ Պետրոսյանի

Լուսանկարները` Արսեն Սարգսյանի

Հետևեք NEWS.am STYLE-ին Facebook-ում, Twitter-ում և Instagram-ում