Զարմանալի է, բայց սա երկար ժամանակ հետո առաջին բլոկբաստերն է, որը հիմնված չէ որևէ ֆրանշիզայի վրա, չի հանդիսանում գրքի կամ կոմիքսի էկրանավորում, շարունակություն կամ ռեբութ:
Ֆիլմը պատմում է բանկի մի աշխատակցի մասին, որի մոտ ամեն ինչ ընթանում է այնպես, ինչպես հարկն է, մինչեւ այն պահը, երբ նա պարզում է, որ իր աշխարհը հսկայական տեսախաղերի մի մասն է, իսկ ինքն ընդամենը երկրորդական կերպար է: Արդյո՞ք նա կունենա այնքան խիզախություն, որպեսզի փոխի իր կոդը, գրավի գեղեցկուհու ուշադրությունը եւ, վերջապես, փրկի աշխարհը: Կարճ ասած՝ նա կդառնա՞ գլխավոր հերոս։
Որքան էլ զարմանալի է, «Գլխավոր հերոսը» սպասվածից ավելի լավ ֆիլմ է ստացվել: Բավականին պարզ պատմությունը երբեմն բացահայտվում է անսպասելի կողմերից՝ չարդարացնելով մեր ակնկալիքները։ Սյուժեն լի է մանր տարրերով, որոնք օգնում են այս ֆիլմը դուրս բերել կոնվեյերային բլոկբաստերի աստիճանից:
Իր հայեցակարգով ֆիլմը հիշեցնում է «Տրումանի շոուն», բայց տեսախաղերի մթնոլորտում, որտեղ հերոսի կյանքի միօրինակությունը հանգեցնում է այն գիտակցությանը, որ նա կարող է ավելին անել։ Բավական ակնհայտ անլյուզիա մեր իրականությունում, որն ընդգծում է այն գաղափարը, որ մեզանից յուրաքանչյուրը կարող է անել ամեն ինչ։
Վիզուալ առոումով ֆիլմը շատ վառ է ստացվել, դինամիկ. հերոսներն անընդհատ շարժման մեջ են: Դա պայմանավորված է այն հանգամանքով, որ իրադարձությունները տեղի են ունենում խաղում, որտեղ նրանց հետ ինչ ասես պատահում է...
Շատ հետաքրքիր է դիտվում նաեւ այն ամենը, ինչը տեղի է ունենում իրական աշխարհում. այն ունի իր սեփական ինտրիգներն ու հերոսներ, որոնք փորձում են օգնել խաղի հերոսներին։
Ռեժիսոր Շոն Լևին առաջին անգամ չէ, որ ղեկավարում է բարձրաբյուջետային կատակերգությունների նկարահանման գործընթացը, և արժե խոստովանել, որ բեմադրիչը կարողանում է ամենատարբեր տարիքային լսարանների համար հաճելի կինո նկարահանել։
Կցանկանայի դերասաններից առանձնացնել Ռայան Ռեյնոլդսին: Նա սկզբում միամիտ տղայի դեր էր խաղում, բայց սյուժեի զարգացմանը զուգընթաց՝ մենք տեսնում ենք, թե ինչպես է նրա հերոսը դառնում իսկապես «գլխավորը»: Նա փորձ է ձեռք բերում, բայց միեւնույն ժամանակ մնում է նույն անկաշկանդ եւ զվարճալի կերպարը:
Ֆիլմի միակ թերությունը դրա «անտագոնիստ»-ն է Թայքա Վայտիտիի կատարմամբ: Այն ստվարաթղթե է ստացվել: Ոչ մի կերպ չեմ մեղադրում Վայտիտիին. դա սցենարիստի թերությունն է:
Արդյունքում՝ «Գլխավոր հերոսը» հիանալի և բարի արկածային ֆիլմ է՝ ներառելով իր մեջ հոյակապ բարոյականության տարրեր: Ֆիլմն այն մասին է, որ կյանքում ինչ-որ բան փոխելու ցանկություն ունենալու դեպքում պետք է ռիսկի դիմել, այլ ոչ թե լողալ հոսանքի ուղղությամբ։
P.S.
Դիտելուց հետո ակամայից հիշեցի «Հարրի Փոթերի»-ի հերոս Ալբուս Դամբլդորի հետևյալ խոսքը. «Մարդուն բնորոշում են ոչ թե նրանում ամրագրված որակները, այլ միայն նրա ընտրությունը»։
Հաճելի դիտում
Նորայր Նազարյան
Հետևեք NEWS.am STYLE-ին Facebook-ում, Twitter-ում և Instagram-ում
23:13, 24 ապրիլի
«Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան22:17, 24 ապրիլի
Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին21:30, 24 ապրիլի
«Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն20:48, 24 ապրիլի
«Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ19:46, 24 ապրիլի
«Այս ողբերգությունը նրա կյանքի անբաժան մասն է եղել»․ Քրիստինա Ազնավուրը արխիվային լուսանկարներ է հրապարակել Շառլ Ազնավուրի՝ Հայաստան կատարած այցից16:33, 24 ապրիլի
«Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան15:04, 24 ապրիլի
«Երբ մենք հիշում ենք Հայոց ցեղասպանությունը, մենք երդվում ենք երբեք չմոռանալ պատմության դասերը»․ լիբանանահայ դիզայներ Գրիգոր Ջաբոտյան14:29, 24 ապրիլի
Լույս է տեսել Հաքան Սեքինելգինի «Հայոց ցեղասպանությունը եւ Թուրքիան. հանրային հիշողություն եւ ինստիտուցիոնալացված ժխտում» գիրքը13:03, 24 ապրիլի
«Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)12:01, 24 ապրիլի
Մարգարիտա Սիմոնյանը պատմել է Հայոց ցեղասպանությունից փրկված իր նախնիների պատմությունը11:12, 24 ապրիլի
«24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան10:04, 24 ապրիլի
Աշխարհը՝ Հայոց ցեղասպանության մասին. հայտնի մարդկանց հայտարարությունները՝ ողբերգության 109-րդ տարելիցի կապակցությամբ