Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

«Երկու դերասան հրաժարվել էր այս դերից». նոր գույներ, հնչողություն ու հետաքրքիր պատմություններ. «Մեծ պատմություն փոքր քաղաքում»-ը՝ կրկին մեծ էկրաններին (ֆոտո)

14:05, 24 օգոստոսի

Սեպտեմբերի 15-ից կրկին մեծ էկրաններին կլինի ռեժիսոր Գոռ Կիրակոսյանի՝  «Մեծ պատմություն փոքր քաղաքում» հայտնի ու սիրված ֆիլմը, բայց՝ արդեն վերամշակված տարբերակով: Պրեմիերայի օրը պատահական չի ընտրված. ուղիղ 15 տարի առաջ հենց սեպտեմբերի 15-ին է ֆիլմն առաջին անգամ ներկայացվել հանրությանը:

NEWS.am STYLE-ի հետ զրույցում Գոռ Կիրակոսյանը մանրամասնել է, թե ինչ նոր լուծումներով է ֆիլմը հայտնվելու կինոթատրոններում.

«Մենք հետարտադրությունը 0-ից ենք կատարել, վերցրել ենք այն, ինչ նկարահանել էինք դիջիթալ «կասետների» վրա եւ նորից աշխատել դրա վրա: Ոչինչ չենք փոխել, ֆիլմը նույնն է, այն պարզապես  իդեալական համապատասխանում է այսօրվա չափանիշներին: 0-ից արել ենք գունամշակումը, 0-ից ձայնային աշխատանքներն ենք կատարվել: Այն խնդիրները, որոնք 15 տարի առաջ չէինք կարող լուծել, որովհետեւ չունեինք նման տեխնիկա, այսօր լուծել ենք: Այսօրվա գիտելիքներով և տեխնիկայով մենք ֆիլմը բերել են այն տեսքին, որի մասին երազում էի: Որպես 15 տարվա ֆիլմ՝ այն իսկապես շատ թարմ տեսք ունի»:

«Մեծ պատմություն փոքր քաղաքում» ֆիլմը Գոռի դիպլոմային աշխատանքն էր: Ռեժիսորը խոստովանեց, որ այն երկար ժամանակ չէր դիտել.

«Լավ հիշողություններ վերապրեցի, կային դրվագներ, որոնք մոռացել էի: Աշխատելիս տեսնում էի շատ դրվագներ, որոնցից, իսկապես, ծիծաղում էի: Ի դեպ, այս ամենով սկսեցի զբաղվել նախորդ տարի, երբ համավարակը նոր էր սկսել եւ այլ աշխատանքներ չէինք կարող իրականացնել: Մոտ 5-6 ամիս աշխատել էինք դրա շուրջ, որպեսզի ստանանք իմ ուզած արդյունքը»:

Անդրադառնալով ֆիլմի՝ տարիների ընթացքում գրանցած հաջողությանն ու մինչ օրս արդիական լինելուն՝ Գոռն ընդգծեց.

««Մեծ պատմություն փոքր քաղաքում»-ը համարվում է կոլորիտային, քանի որ սցենար գրելիս մենք փորձել ենք բոլոր հումորները սցենարին հարմարեցնել, որպեսզի որեւէ հումոր չլինի ժամանակի թելադրանքով պայմանավորված: Ընդհանրապես, ես իմ ֆիլմերում այդ ամենին շատ մեծ ուշադրություն եմ դարձնում, որպեսզի այնպես չլինի, որ լինեն իրադարձային հումորներ, որոնք հենց այդ պահին են միայն արդիական: Կարծում եմ, որ հենց դրանով էլ բացատրվում է մեր ֆիլմի հաջողությունը: Մարդիկ կարողանում են նայել այն եւ չձանձրանալ: Կարծում ենք, որ այն մարդիկ, ովքեր արդեն դիտել են ֆիլմը, նորից կգան, քանի որ նոստալգիա կապրեն, ինչպես նաեւ կա մի նոր սերունդ, որին ֆիլմն անծանոթ է»:

Ֆիլմի ամենահետաքրքիր հերոսին մարմնավորում է ՀՀ ժողովրդական արտիստ Հրանտ Թոխատյանը: Ռեժիսորը վերհիշեց, թե ինչպես է «համոզել» սիրված դերասանին նկարահանվել իր ֆիլմում, այն էլ՝ այն դեպքում, երբ վերջինը զբաղված էր մեկ այլ հայտնի նախագծի նկարահանումներով:

«Երբ ես դեռ փոքր էի եւ երազում էի ֆիլմ նկարահանելու մասին, միշտ Հրանտ Թոխատյանին ասում էի, որ նա պետք է նկարահանվի իմ առաջին ֆիլմում: Նա էլ խոսք էր տվել, որ կանի դա: Հետո, երբ արդեն ունեցա սցենարը,  նրան առաջարկեցի Համլետի կերպարը, որին ֆիլմում մարմնավորում է Վահանգն Սիմոնյանը, սակայն Հրանտն առաջարկեց լինել ֆիլմի ձայնը, պատմել բոլոր գործողությունների մասին: Հետո նա առաջարկեց մարմնավորել ֆիլմի հանգուցյալին: Հրանտն այդ շրջանում նկարահանվում էր «Մեր բակը 3» ֆիլմում, շատ զբաղված էր, նրան թվում էր, թե դագաղում պառկելը շատ աշխատատար չի լինի, կգա, կպառկի ու կզբաղվի իր մյուս աշխատանքներով: Պարզվեց, որ չէր պատկերացրել, որ իր նկարահանման օրերը շատ  են ու բավական տանջալի կլինեն: Նա պառկած էր դագաղում, սակայն ստիպված էր շունչը պահել, քանի որ պառկած մարդու որովայնից երեւում է, որ նա շնչում է: Ինչպես նաեւ դադարների ժամանակ չէի թույլատրում, որ դուրս գա դագաղից, քանի որ կկեղտոտեր հագուստը եւ կոշիկները: Իսկապես, շատ բարդ էր, ավելին՝ նա դագաղում պառկած էր կոստյումով, իսկ մենք նկարահանում էինք օգոստոս ամսին, պատկերացրեք, թե որքան շոգ էր: Իհարկե, շատ է տանջվել, սակայն հիշվող դեր է: Ես իսկապես շատ շնորհակալ եմ, որ համաձայնել է խաղալ, ավելին՝ ինքն էլ առաջարկել է այս դերը: Մոտ երկու դերասան հրաժարվել էր այս դերից, կարծում եմ, որ չէին վստահել, քանի որ սկսնակ եմ, սակայն Հրանտը ճանաչում էր ինձ, գիտեր իմ երազանքների մասին»:

Գոռի խոսքով՝ ֆիլմի հետ կապված շատ զվարճալի պատմություններ կան, մասնավորապես՝ դագաղ գնելու պատմությունը:

«Պետք է երկու դագաղ գնեինք, մեկը՝ էժան, մյուսը՝ թանկ: Նար-Դոս փողոցում դագաղ էինք գնում, հարցրի՝ թե ի՞նչ արժի դագաղը, ասացին, որ 150 դոլար է, ինչին ի պատասխան նշեցի, որ անմիջապես կողքը 100 դոլարով եմ տեսել, սակայն շատ զվարճալի պատասխան ստացա. «Տեսե՞լ ես էդ դագաղը, մեջը մի հատ ձեռքերդ ձգես, կքանդվի»: Սա իսկապես իմ ամենասիրելի զվարճալի պատմություններից է»,-ամփոփեց Գոռը:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել