Գեւորգ Մկրտչյանի եւ Քրիստինա Հովհաննիսյանի առաջին տանգոն

Գեևորգ Մկրտչյանը և Քրիստինա Հովհաննիսյանը պսակադրվեցին

Աներեւակայելի էմոցիաներ. Համասյանի համերգը Խուստուփ լեռան լանջին

Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել

MOCT 5. Անդերգրաունդ կյանքը Հայաստանում

«Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

Անդրեյ Մակարեւիչ. «Ինտերնետը շատ շուտ է հասել մարդկությանը»

Գուշակիր գույնը, ստացիր ծաղկեփունջ. մեկ օր՝ Մայիս Վարդանյանի հետ

Տիհանա Vibes Դավիթ Մանոյանի հետ. Իվետա Մուկուչյանի հետ տեսահոլովակի, Կասպերի եւ այլ թեմաների մասին

Տիհանա Vibes. ZatikArtFest-ի գույներն ու մարդիկ

Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

«Ես չգիտեմ՝ շոու-բիզնեսն ինչ բան է. մարդկային հարաբերություններն ամենակարեւորն են». նոր ֆոտոշարք ու «20 փաստ» Նազիկ Բաղդասարյանի մասին

15:05, 26 օգոստոսի

Դերասանուհի Նազիկ Բաղդասարյանը նոր ֆոտոշարք ունի, որն իրականացրել է լուսանկարչուհի Միլեն Մանուկյանի հետ: Նազիկը լուսանկարները տրամադրել է NEWS.am STYLE-ին, իսկ մենք առիթը բաց չենք թողել ու մեր «20 փաստ» խորագրի շրջանակում 20 հարց ենք ուղղել դերասանուհուն՝ նրա մասին ավելին բացահայտելու ակնկալիքով:

Նազիկ, ինչպե՞ս է սկսվում օրդ:

Օրս սկսվում է մեկ բաժակ սուրճով, ու դրան հաջորդում են վազքս, տնային գործերը, երեխային դպրոց ճանապարհելը, թատրոնն ու այդպես…

Առավոտյա՞ն մարդ ես քեզ համարում, թե՞ գիշերային:

Ես օրվա ամենասիրելի հատվածը համարում եմ առավոտը՝ շատ վաղ առավոտը, երբ ամեն բան խաղաղ է ... Չկան ձայներ, մեքենաներ, կա մաքուր օդ ու լռություն... Իսկ գիշերները չեմ սիրում քնել: Միշտ ասում եմ, որ քնելը մեր կյանքից ժամանակ է տանում, որ այդ ժամանակը կարելի է ավելի ռացիոնալ բաշխել ու ավելի կարեւոր գործ անել...

Քո հոբբին:

Առաջին բանը, որ գալիս է մտքիս, երգելն է, բայց երգելս ապրելակերպ է դարձել, այնպես որ՝ երեւի՝ լուսանկարվելը:

Բառ կամ արտահայտություն, որը քեզ հետ են ասոցացնում:

«Խաղաղություն», «մեղմություն»` բառեր, որոնք միշտ հետս են, ընկերներս կփաստեն:

Ինչպե՞ս են քեզ դիմում մտերիմ մարդիկ:

Դիմում են Նազ, կամ՝ Նազո:

Շոու-բիզնեսում ամենամոտ ընկերներդ:

Ես չգիտեմ՝ շոու-բիզնեսն ինչ բան է, ինձ համար մարդկային հարաբերություններն ամենակարեւորն են: Կարճ ասած՝ բիզնեսը՝ բիզնես, ընկերությունը՝ ընկերություն:

Քո ամենասիրելի դերդ:

Ես անկեղծ եմ ասում՝ սիրում եմ իմ բոլոր դերերը, եթե չսիրեմ, չի ստացվի ոչինչ, բայց կան դերեր, որոնք երբեք չեն մոռացվում ու մտնում են մաշկիդ տակ: Մի քանի տարի առաջ խաղացի մի դեր, որը դարձավ իմ ամենասիրելին: Խոսքս Ֆրանսուազ Սագանի  «Բարեւ թախիծ» ներկայացման  գլխավոր հերոսուհու՝ Սեսիլի մասին է: Այս դերն իմ մեջ շատ բան փոխեց, ու ապրում է իմ ներսում մինչ այսօր:

Դեր, որը ցանկանում ես ունենալ քո խաղացանկում:

Դեր, որը նման չի լինի իմ նախորդ դերերին, որը նման չի լինի ինձ՝ Նազիկին: Որը էլի կփոխի ներաշխարհս ու կդարձնի մի փոքր ուրիշ:

Ֆիլմ, որը կարող ես անդադար դիտել:

Երեւի՝ ամենասիրուն ֆիլմերից մեկը՝ «Կյանքը հիասքանչ է»:

Քեզ ո՞ր գրքի կամ ֆիլմի հերոսուհու հետ ես նույնացնում:

Տարբեր ժամանակներ տարբեր զգացողություններ են բերում կյանքում՝ Լարս Ֆոնտրիերի «Մելանխոլիա»-ից  մինչեւ Չելենտանոյի «Կամակոր տղամարդու սանձահարումը»:

Վերջին շրջանում ո՞ր երգն է պտտվում գլխումդ:

Վերջին շրջանում երգեցի Black Pumas խմբի «Colors» երգը, ու մինչ այսօր հաճախ երգում եմ՝ թե´ մտքում, թե´ բարձրաձայն ... Սիրուն երգ է, ինչ խոսք:

Համաշխարհային աստղ, որին կցանկանայիր հանդիպել:

Միանշանակ՝ Բեյոնսե: Ես այս կնոջը սիրում եմ  դեռ շատ փոքրուց: Նրանից կարելի է անվերջ սովորել, ու կարելի է անվերջ հիանալ նրանով:

Ըստ քեզ՝ քո դրական եւ բացասական կողմերը:

Ե´վ դրական ,ե´վ բացասական կողմերս նույնն են (ժպտում է): Լսե՞լ եք նման բան... Ես ահավոր նվիրվող եմ ու դյուրահավատ. դա կարող է եւ լավ մարդկային հատկանիշ լինել, եւ վատ, քանի որ այդ հատկանիշների պատճառով շատ եմ տուժել ու հասկացել, որ այն նաեւ բացասական գիծ է մեր օրերում:

Սխալ, որի համար փոշմանում ես:

Մերժել եմ այնպիսի առաջարկներ, որ չարժեր... Երեւի՝  այդ պահին ճիշտ եմ համարել մերժելը, բայց կան բաներ, որոնք հիմա սխալ են թվում:

Հիշաչա՞ր ես, թե՞ ներողամիտ:

Սարսափելի ներողամիտ եմ, մեկ րոպե հետո կարող եմ մոռանալ ինձ հասցրած վիրավորանքը, բայց կան բաներ, որ խոցել են ու չեն մոռացվում: Ամեն դեպքում, ներողամիտ եմ:

Կյանքիդ ամենահիշարժան օրը:

Երեխայիս ծնունդը. այդ օրը երբեք հնարավոր չէ մոռանալ:

Օր, որը կցանկանայիր ջնջել կյանքիցդ:

Հայրիկիս մահը…

Ի՞նչ երբեք չես անի:

Երբեք չեմ դավաճանի սիրելի մարդկանց:

Իրականացված երազանքդ…

Ես երգում եմ, դա կյանքիս ամենամեծ երազանքն է եղել:

Այս պահի ամենամեծ երազանքդ:

Էլի երգել, անդադար երգել... Ինչքան էլ երգեմ, ինձ համար նորից երգելու հնարավորությունը մնում է երազանք:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով

TV SHOWS PHOTO VIDEO


@NEWSam_STYLE

  • Արխիվ
Որոնել