Marvel- ի կինոտիեզերքում նոր փուլ է սկսվել. այժմ դա իսկապես նկատելի է:
ֆիլմը պատմում է մարտարվեստի վարպետ Շան-Չիի մասին, որին վիճակված է դիմակայել իր իսկ անցյալի ուրվականներին, հատկապես այն ժամանակ, երբ նա ներքաշվում է «10 օղակներ» միավորման սարդոստայնում։
Սա Marvel- ի կինոտիեզերքում ասիական ծագում ունեցող առաջին հերոսն է, և, բնականաբար, Marvel-ը փորձել է ոչ մի կերպ չվիրավորել մեկուկես միլիարդանոց չինական շուկան, քանզի ֆիլմն առաջին հերթին ուղղված է դեպի այն:
Կարելի է ասել, որ ստուդիան կարողացել է ստեղծել իր առաջին հեքիաթը՝ լեգենդներով, կախարդությամբ եւ ազգային կոլորիտով: Մեզ համար սա հիանալի ճամփորդություն է դեպի էկզոտիկ մշակույթ։ Եւ թեկուզ Շան-Չիի հայրենիքը գեղարվեստորեն հորինված մի վայր է, բայց այն միանշանակ Չինաստանն է։
Ստեղծագործական խումբն այնքան է ցանկացել չինացի հանդիսատեսին դուր գալ, որ ֆիլմի ներկայացումը նրանք համադրել են չինական կինոյի ժանրի՝ Ուսյա-ի (չինական ֆենտեզի, արկածային Ժանր) հետ:
Որպես այդպիսին՝ սյուժեն տիպիկ Marvel է, այսինքն ՝ ավարտը շատ կանխատեսելի է, միայն թե այս անգամ համեմված է չինական էսթետիկայով՝ սիրո և ընտանիքի կարևորության մասին գեղեցիկ դրամա, ֆլեշբեքեր և love story:
Սակայն այս տիպիկ սյուժեն հագեցնում են կոլորիտային կերպարները՝ ինչպես հիմնական, այնպես էլ երկրորդական։
Ընդհանրապես կերպարներն իրենց ներկայացնում են անկաշկանդ, զվարճալի, հումորով և քմծիծաղով։
Նույնիսկ ֆիլմի սիրային գիծն է ոչ սովորական. այն ավելի շատ ընկերական է, քան սիրային:
Եվ պետք է արժանին մատուցել գլխավոր չարագործին, որն այստեղ ունի լավ մոտիվացիա։
Շնորհիվ արևելյան կոլորիտի՝ ֆիլմը վիզուալ առումով նորաձև տեսք ունի, և այն բավականին պատշաճ է դիտվում:
Սաունդթրեքն անցողիկ է՝ մի զույգ արեւելյան երանգներ եւ վերջ, բայց երգերի ընտրությունը կուրախացնի հանդիսատեսին։
Ինչպես Marvel-ի բոլոր ֆիլմերում, այս ֆիլմում էլ հումորը տեղին է, ծիծաղելի եւ զվարճալի:
Դե իսկ վերջում ամենահամեղն է: Մարտերը:
Մարտի տեսարանները ֆիլմում բավականին շատ են: Բոլորը ձեռնամարտեր են, եւ նրանցից յուրաքանչյուրը պարզապես շքեղ է։
Մենամարտերը շատ երկար են, բարդ, բազմամակարդակ. զգացվում է Բրյուս Լիի, Ջեքի Չանի, Ջեթ Լիի և ուրիշների ֆիլմերի ժառանգությունը:
Ստեղծողներն այդ ժառանգությունը վերցրել են որպես հիմք եւ ժամանակակից տարբերակով ներկայացրել են հանդիսատեսին։
Ֆիլմի օպերատոր Բիլ Փոփը ոչինչ չի խնայել, որպեսզի լիովին ցույց տա արեւելյան մարտարվեստի գեղեցկությունը։ Եթե հիմա ձեզ այդ անունը ոչինչ չի ասում, պարզապես հիշեք պաշտամունքային «Մատրիցան» եւ Նեոյի մարտերը. Փոփը նաև այդ ֆիլմի օպերատորն էր: Այդպիսի աշխատանքը հանդիսատեսին հնարավորություն է տալիս վայելել մարտերը:
Արդյունքում, Marvel ստուդիան շարունակում է փորձարկումներ կատարել ինչպես ժանրերի, այնպես էլ տրամադրությունների հետ։ Եվ ամենակարևորն այն է, որ դա նրա մոտ ստացվում է։
Այս անգամ մեզ ներկայացվեցին ժիր ու գեղեցիկ բեմադրած մարտեր, էպիկական վերջնական պայքար եւ հոյակապ օպերատորական աշխատանք, որոնց արդյունքում էլ ստեղծվեց լավ ասիական մարտաֆիլմ:
Հաճելի դիտում
Նորայր Նազարյան
Հետևեք NEWS.am STYLE-ին Facebook-ում, Twitter-ում և Instagram-ում
16:33, 24 ապրիլի
«Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան15:04, 24 ապրիլի
«Երբ մենք հիշում ենք Հայոց ցեղասպանությունը, մենք երդվում ենք երբեք չմոռանալ պատմության դասերը»․ լիբանանահայ դիզայներ Գրիգոր Ջաբոտյան14:29, 24 ապրիլի
Լույս է տեսել Հաքան Սեքինելգինի «Հայոց ցեղասպանությունը եւ Թուրքիան. հանրային հիշողություն եւ ինստիտուցիոնալացված ժխտում» գիրքը13:03, 24 ապրիլի
«Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)12:01, 24 ապրիլի
Մարգարիտա Սիմոնյանը պատմել է Հայոց ցեղասպանությունից փրկված իր նախնիների պատմությունը11:12, 24 ապրիլի
«24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան10:04, 24 ապրիլի
Աշխարհը՝ Հայոց ցեղասպանության մասին. հայտնի մարդկանց հայտարարությունները՝ ողբերգության 109-րդ տարելիցի կապակցությամբ23:10, 23 ապրիլի
Rolex-ի հազվագյուտ ժամացույցը աճուրդում վաճառվել է ռեկորդային՝ 3,5 միլիոն դոլարով22:26, 23 ապրիլի
Գրավիչ կանայք տղամարդկանց ոգեշնչում են ասել ճշմարտությունը, իսկ կանանց՝ ստել21:19, 23 ապրիլի
Ֆարել Ուիլյամի առաջին թվային իրը՝ Louis Vuitton-ի հավաքածուից, արժե ավելի քան 8000 դոլար20:19, 23 ապրիլի
Նանուլը նշում է 14-ամյակը. երգչուհու տոնական ֆոտոշարքը19:25, 23 ապրիլի
Կոմպոզիտոր Շառլ Ազնավուր․ շանսոնյեի հարյուրամյակի առթիվ