• Նանուլը նշում է 14-ամյակը. երգչուհու տոնական ֆոտոշարքը

  Հայկական շոուբիզնեսի ամենահայտնի փոքրիկ արտիստուհիներից մեկը՝ պարուհի-երգչուհի Նանուլը, այսօր՝ ապրիլի 23-ին, նշում է ծննդյան 14-ամյակը...

• Կոմպոզիտոր Շառլ Ազնավուր․ շանսոնյեի հարյուրամյակի առթիվ

  Շառլ Ազնավուրի ծննդյան հարյուրամյակին ընդառաջ NEWS.am STYLE-ը պատրաստել է նյութերի շարք՝ նվիրված հայտնի շանսոնյեի կյանքին ու գործունեությանը․․․

• Գեւորգ Մկրտչյանի եւ Քրիստինա Հովհաննիսյանի հարսանեկան առաջին տանգոն՝ Էրիկի կատարման ներքո (VIDEO)

  Այս պահին տեղի է ունենում դերասան, երգիչ Գեւորգ Մկրտչյանի եւ բլոգեր, դերասանուհի Քրիստինա Հովհաննիսյանի հարսանյաց արարողությունը․․․

• Գեւորգ Մկրտչյանը և Քրիստինա Հովհաննիսյանը պսակադրվեցին

  Սուրբ Գայանե եկեղեցում այսօր պսակադրվեցին երգիչ Գևորգ Մկրտչյանը և Քրիստինա Հովհաննիսյանը: Նորապսակներն իրար հավերժ սիրելու խոստում տվեցին...

• «Լադանիվա»-ից Ժակլինն ու Լուին Հայաստանում են. երգչուհու ծննդյան տարեդարձը, նրա կերպարով տիկնիկն ու ի՞նչ է լինելու «Եվրատեսիլի» բեմում

  «Լադանիվա» խմբի անդամները՝ Ժակլին Բաղդասարյանը եւ Լուի Թոմասը, Հայաստանում են, որտեղ անցել են նախաեվրատեսիլյան պատրաստություններին…

• Ինչպես դիտել հայկական արտադրության բացառիկ ֆիլմերը Armflix- ում

  «Armflix»  հարթակը, որը փոխել է հայկական կինոարտադրության որակը շուկայում, նախորդ շաբաթ նախաձեռնեց «Տանդեմ» քրեական դրամայի փակ ցուցադրությունը «Մոսկվա» կինոթատրոնում, որը նկարհանվել է հատուկ Armflix- ի համար...

• Իլոնա Նուրբեկյանը Փարիզում հանդիպել է Մոնիկա Բելուչիին (ֆոտո)

  Բլոգեր Իլոնա Նուրբեկյանը, որը հանրությանն առավել հայտնի է «Ոսկե դպրոց» սիթքոմից, հանդիպել է Մոնիկա Բելուչիին…

• «Սկսել եմ սիրո մասին երգեր գրել. շատ նոր է ինձ համար». yellowheart.-ը՝ նոր երգացանկի, համերգների ու բենդով հանդես գալու մասին

  NEWS.am STYLE-ի հետ զրույցում պատմել է նոր ձեւաչափով հանդես գալու ու ստեղծագործական նոր ոգեշնչման մասին, որի թեման սերն է...

Սեպտեմբերի 22-ին Կ. Ստանիսլավսկու անվան դրամատիկական թատրոնում տեղի կունենա «Հրեշը լուսնի վրա» ներկայացման առաջնախաղը: Պիեսի հիմքում Հայոց ցեղասպանությունից փրկված երկու հերոսների պատմությունն է. նրանց մարմնավորում են Մկրտիչ Արզումանյանն ու Թամարա Գեւորգյանը: Դերասանուհին իր հետ պատահած ավտովթարից հետո առաջին անգամ կլինի բեմում: Թամարայի խոսքով՝ պատասխանատվությունը մեծ է նաեւ այն առումով, որ սա առաջին նախագիծն է, որի շրջանակում հանդես է գալիս ոչ միայն որպես գլխավոր դերակատար, այլեւ՝ պրոդյուսեր:

NEWS.am STYLE-ի հետ զրույցում դերասանուհին բացահայտել է ներկայացման մասին մի շարք մանրամասներ, խոսել այս փուլում իր դժվարությունների ու գործընկերների աջակցության մասին:

«Ռիչարդ Կալինոսկու պիեսը ցեղասպանությունից փրկված երկու հերոսների ու նրանց կյանքում մնացած հետքի մասին է. այն հիմնված է իրական փաստերի վրա: Ես մարմնավորում եմ գլխավոր հերոսուհուն՝ Սեդային: Սա նաեւ իմ առաջին պրոդյուսերական աշխատանքն է: Ներկայացումը դրամա  ժանրում է, ու հիմնական խնդիրը պտտվում է Սեդայի ու Արամի՝ իմ եւ Մկրտիչ Արզումանյանի կերպարների շուրջ: Շատ հուզված ու ոգեւորված եմ սպասում այս պրեմիերային»,-նշեց նա:

Թամարան ներկայացման մտահաղացումն ունեցել է մինչ վթարը, իսկ դրանից հետո հասկացել, որ այս միտքը կիսատ չպետք է թողնել.

«Չհրաժարվեցինք գաղափարից, ու որքան էլ կրկնակի էին դժվարությունները, քանի որ ես առողջական խնդիրներ ունեմ, ու դժվար էր նաեւ այն առումով, որ սա իմ առաջին պրոդյուսերական նախագիծն է, դրանք մեզ չկանգնեցրին, ու հրաշալի թիմի ու նրանց աջակցության շնորհիվ նախագիծը կյանքի կոչվեց: Ես շատ շնորհակալ եմ իմ գործընկերներին, որովհետեւ նրանք շատ ըմբռնումով են մոտեցել ամեն ինչին՝ սկսած ֆիզիկապես ինձ օգնելուց՝ սանդուղքով բարձրանալ-իջնել եւ այլն, վերջացրած սովորական կենցաղային խնդիրներով, որոնք ամեն վայրկյան ստիպված են եղել լուծել: Մկրտիչի ու ռեժիսորի՝ Կարոյի գլխավորությամբ՝ ես շնորհակալ եմ բոլորին, մեր ամբողջ թիմին»:

Անդրադառնալով իր ինքնազգացողությանն ու հոգեբանական դժվարություններին՝ Թամարան նշեց, որ այդ բարդությունը հաղթահարել է սիրելի աշխատանքի շնորհիվ.

«Ֆիզիկական դժվարություններ կան, բայց չէի ասի, որ հոգեբանական առումով էլ է դժվար: Եթե դեպքը տեղի է ունեցել, ոչ թե պետք է նստել ու ընկճվել, այլ՝ մտածել՝ ինչպես իրավիճակից դուրս գալ: Շատ բարդ է իրականում, բայց ունենք այն, ինչ ունենք, իսկ լավագույն բուժումն աշխատանքն է, հատկապես՝ սիրած աշխատանքը»,-հավելեց նա:

Դերասանուհին առանձնահատուկ ջերմությամբ է խոսում գործընկերների մասին, որոնց հետ մեկ բեմում կանգնելը պատիվ է համարում.

«Մկրտիչ Արզումանյանը շատ պրոֆեսիոնալ է թե´ բեմում, թե´ բեմից դուրս, ու շատ ուրախ եմ, որ աշխատում եմ նրա հետ: Շատ ուրախ եմ, որ աշխատում եմ պարոն Գաբրիելյանի հետ: Հուսով եմ՝ մի օր իմ բեմելու քանակն էլ կհավասարվի նրա բեմելու քանակին (ժպտում է): Ուզում եմ նաեւ խոսել Ալեքսանդր Արզումանյանի մասին, որը շատ տաղանդավոր ու աշխատասեր տղա է, ու ամեն անգամ նոր բանով է զարմացնում: Մեր պաստառներից մի քանիսի դիզայնը հենց ինքն է արել, բազմակողմանի զարգացած անձնավորություն է: Ի դեպ, մեր գլխավոր պոստեռի հեղինակը Մուշեղ Գարուկյանն է, որը սիրով կատարեց իր աշխատանքն, ու նրան անչափ շնորհակալ ենք: Այս ամենին, երբ գումարում ես նաեւ ռեժիսոր Կարո Բալյանի հետաքրքիր մտածելակերպը, ստացվում է աննկարագրելի ստեղծագործական մթնոլորտ»,-նշեց նա:

«Հրեշը լուսնի վրա» պիեսի հեղինակը Ռիչարդ Կալինոսկին է, ներկայացման ռեժիսորը Կարո Բալյանն է, բեմանկարիչը՝ Արեգ Միրիջանյանը: Գործող հերոսներին մարմնավորում են Մկրտիչ Արզումանյանը, Թամարա Գեւորգյանը, Գրիգոր Գաբրիելյանն ու Ալեքսանդր Արզումանյանը: Ներկայացումը հնարվոր կլինի դիտել նաեւ առաջնախաղի հաջորդ օրը՝ սեպտեմբերի 23-ին:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում