Հադրութցի 15-ամյա պատանիներ Ժասմին Հայրապետյանի ու Բորիս Վանյանի ստեղծած «Սուպեր Նռանե» քվեստը, որը Ժասմինի համանուն գրաքաշարի մոտվներով է, դեռեւս մի քանի ամիս է, ինչ գործում է, սակայն արդեն հասցրել է հյուրընկալել մի շարք փոքրիկների, որոնք ոգեշնչված են հայրենիքը չար ուժերից փրկելու գաղափարով: Այսօր «Սուպեր Նռանե»-ում հերթական քվեստը կազմակերվեց Արմավիրի մարզի Գետաշեն համայնքի միջնակարգ դպրոցի 4-րդ դասարանի աշակերտների համար, որոնք իրենց հետ բերել էին իրենց իսկ աճեցրած հյուրասիրությունն ու բարձր տրամադրությունը: Երեխաները բերքն աճեցնում են հենց դպրոցի այգում՝ սեփական ջանքերով: Նրանց տնկած ծառերն ունեն նաեւ անվանումներ եւ անձնագրեր: 12-րդ դասարանն ավարտելուց հետո աշակերտներն իրենց ծառերի խնամքը փոխանցում են առաջինդասարանցիներին:
Նռանեի պատմությանը դպրոցի աշակերտները ծանոթացել են դասղեկի՝ Վիկտորիա Արշակյանի շնորհիվ, երբ վերջինը նրանց ներկայացրել է գիրքն ու այնտեղ տեղ գտած ասելիքը.
«Տիկին Արշակյանն իր դասարանցիների համար «Սուպեր Նռանե» գիրքը ձեռք բերեց, երեխաները կարդացին, նաեւ իմացան քվեստի մասին ու ոգեւորված որոշում կայացրին մասնակցելու: Սա նաեւ հայրենասիրական խաղ է, գիրքն էլ՝ հայրենասիրության մոտիվներով, իրենք էլ են բացառիկ հայրենասիրական դպրոց: Նրանք ունեն իրենց ծննդավայրը, պահում ու պահպանում են այն. այս տեսանկյունից մենք շատ ընդհանուր բաներ ունենք»,-NEWS.am STYLE-ի հետ զրույցում նշեց Ժասմինի մայրը՝ գրող, սցենարիստ Արփի Վանյանը:
Անդրադառնալով երեխաների տպավորություններին ու գրիքի վերաբերյալ արձագանքին՝ դասղեկը՝ Վիկտորիա Արշակյանը, նշեց.
«Երեխաները տպավորված են գրքի հայրենասիրական գաղափարներով, այնտեղի խորհրդանիշներով, այն գաղափարով, որ մենք սիրով ու գիտելիքով կհաղթահարենք ամեն դժվարություն, ինչը նաեւ մեր դպրոցն է սերմանում երեխաների մեջ: Նրանք դրան հասնելու բոլոր քայլերը տեսան այս գրքի մեջ: Նրանք նաեւ շատ էին ցանկանում հանդիպել Ժասմինին՝ տեսնելու, թե ով է այդ հետաքրքիր պատմության հեղինակը»:
«Սուպեր Նռանե»-ն ունի 3 հատոր: Առաջին գիրքը Ժասմինը գրել է 2018-ին՝ 11 տարեկանում, երկրորդը՝ 2020-ին՝ համավարակի ժամանակ, իսկ երրորդը՝ պատերազմի շրջանում: Վերջինում հերոսուհին իր հանգիստն է վայելում Շուշիում, եւ հանկարծ չար ուժերը հարձակվում են Շուշիի վրա ու սկսվում է պատերազմը: Նա փորձում է հասկանալ՝ ինչու այդպես ստացվեց, ու գալիս է եզրակացության, որ մարդիկ կորցրել են կարեւոր արժեքները:
Քվեստի անցկացման կարգին ու աշակերտների տրամադրությանը կարող եք հետեւել NEWS.am STYLE-ի ֆոտոռեպորտաժում:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
22:24, 19 ապրիլի
Մալդիվների ամենաթանկ հանգստավայրի ներսում21:17, 19 ապրիլի
Թրեւիս Բարքերը շնորհավորել է Քորթնի Քարդաշյանին՝ հրապարակելով նրա լուսանկարը, որում նա զուգարանում է20:21, 19 ապրիլի
Jacquemus-ը նոր շունչ է հաղորդում ամառային հարսանիքներին19:47, 19 ապրիլի
Ինչպե՞ս է Բրիտանիայի ամենահարուստ մարդուն հաջողվում ստվերում մնալ. նույնիսկ նրա ադմինիստրատորը չի լսել նրա մասին18:27, 19 ապրիլի
Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել16:17, 19 ապրիլի
«Հարյուր տարվա մենություն». Netflix-ը ներկայացրել է Գաբրիել Գարսիա Մարկեսի գլուխգործոցի կինոադապտացիայի թիզերը15:38, 19 ապրիլի
Կբացվի քանդակագործ Մկրտիչ Մազմանյանի ցուցահանդեսը՝ նվիրված Շառլ Ազնավուրին15:12, 19 ապրիլի
«Breaking Bad»-ի աստղ Ջանկառլո Էսպոզիտոն ցանկացել է մարդասպանի վարձել՝ սեփական սպանությունը կազմակերպելու համար14:42, 19 ապրիլի
Հարսնացուն ցնցված է. նա հարսանիքին ստացել է «ամենազզվելի նվերը»13:56, 19 ապրիլի
Քորթնի Քարդաշյանը պաշտպանել է Քիմին, որին երկրպագուները մեղադրում են դիտավորյալ «անհաջող» լուսանկար հրապարակելու մեջ13:14, 19 ապրիլի
Անզուգական Մոնիկա Բելուչին ասում է, որ «համակերպվել է ծերության հետ»12:22, 19 ապրիլի
Բեն Աֆլեքի դուստրը «քամինգ աութ» է արել. Ֆինն իրեն ոչ տղամարդ է համարում, ոչ՝ կին