Այսօր` Սեպտեմբերի 27-ին, ՀՀ Նկարիչների Միությունում տեղի ունեցավ «1080 ԺԱՄ» խորագրով ֆոտոպատմության ցուցադրության մեկնարկը: Այն նվիրված է Արցախյան պատերազմի բոլոր մասնակիցներին ու անմահացած հերոսներին:
Ֆոտոպատմության հեղինակը 44-օրյա պատերազմի մասնակից Միքայել Նազարենկոն է, որը հենց իր պաշտպանական դիրքերից ամեն օր մեկ ակնթարթ անմահացնելով` ստեղծել է «1080 ԺԱՄ»-ը։ Ցուցահանդեսին ներկայացված է 55 աշխատանք. հեղինակի խոսքով` ներառված են իր կողմից ֆիքսած լավագույն կադրերը.
«Ես այս լուսանկարները մեկնաբանում եմ, որպես պատերազմի խաղաղ կողմը. կարծում եմ` անգամ ամենադաժան բանի մեջ չնչին խաղաղություն կա, ես էլ փորձում էի ներկայացնել այդ «հանգիստ» ժամանակը: Այս ցուցահանդեսն ինձ համար կարեւոր նշանակություն ունի, քանի որ այս լուսանկարներով մենք կարող ենք տեսնել զինվորի, զինծառայողի առօրյան, այդ լարված վիճակը. նաեւ նրանց, ովքեր, գուցե, նախկինում սովոր չեն եղել այդպիսի իրավիճակի, բայց ստիպված սովորում են ու այնտեղ սկսում ապրել այլ առօրյայով` ապրել ու ապրեցնել, ապրել ու փորձել կատարել իրենց առաքելությունը»,-անդրադառնալով իր աշխատանքներին` նշեց լուսանկարիչը:
45 օր լինելով պատերզմի կիզակետում, տեսնելով կյանքի ամենադաժան կողմը` Միքայելը չի ժխտում` այսօր էլ հեշտ չէ նայել իր կադրերին, բայց դրանց արժեքն էլ չկարեւորել չէր կարող. «Բնականաբար, սա մի մեծ վերք է, մի մեծ ցավ` բոլորիս համար... Սակայն այս ամենին զուգահեռ կյանքը շարունակվում է, ու մենք պետք է մեր ցավի հետ մեկտեղ փորձենք կատարելագործվել: Ինձ համար շատ ծանր է, բոլորիս համար է այս թեման ծանր, բայց ասում են` լացը լաց է բերում. պիտի շարժվենք առաջ»:
Եռօրյա ցուցահանդեսի շրջանակում առաջին անգամ ցուցադրվեց նաեւ «1080 ԺԱՄ» խորագրով փաստավավերագրական ֆիլմը, որի կադրերի գերակշիռ մասը նկարահանվել է պատերազմի ընթացքում՝ առաջնագծում։ Ֆիլմը նաեւ ներառում է հետպատերազմական շրջանում նկարահանված հարցազրույցներ պատերազմի մասնակիցների հետ: Ցուցահանդեսը կտեւի մինչեւ սեպտեմբերի 29-ը: Մուտքն ազատ է։
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում14:55, 25 ապրիլի
Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով14:36, 25 ապրիլի
Իրինա Շեյքը նոր տղամարդ է փնտրում13:15, 25 ապրիլի
Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)12:41, 25 ապրիլի
Քիմ Քարդաշյանը խոստովանել է, որ իր մասին որոշ լուրեր իրականում համապատասխանում են իրականությանը12:10, 25 ապրիլի
Քանյե Ուեսթը մտածում է մեծահասակների համար Yeezy Porn հարթակ ստեղծելու մասին11:30, 25 ապրիլի
Ջո Մանգանիելոն խոսել է Հայոց ցեղասպանությունից փրկված իր մեծ տատի մասին11:00, 25 ապրիլի
«Սրտի վալետ». նոր հումորային սիթքոմի մանրամասները. BACKSTAGE10:40, 25 ապրիլի
Քրիստի Թարլինգթոնի մերկ լուսանկարներն օգտագործվել են նրա որդուն ծաղրելու եւ հալածելու համար10:11, 25 ապրիլի
Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները09:00, 25 ապրիլի
ԱՊՐԻԼԻ 25-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ