• Երեւանյան բուրգեր-ուղեցույց. փնտրում ենք կատարյալ համը

  Վերջին տարիներին բուրգերները դարձել են Երեւանի խոհարարական մշակույթի անբաժանելի մասը՝ առաջարկելով հյութալի ու լայն տեսականի՝ համային նախասիրությունների մեծ ընտրությամբ…

• Իննա Սահակյանը կմիանա Անսիի միջազգային անիմացիոն ֆիլմերի փառատոնի ժյուրիի կազմին

  Հայ ռեժիսոր Իննա Սահակյանն այս տարի կմիանա Ֆրանսիայի Անսիի միջազգային անիմացիոն կինոփառատոնի ժյուրիին, հայտնում է Armenian Film Society-ին…

• Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել

  Մենք փորձել ենք այս անգամ բացահայտել, թե որն է ամուսնանալու լավագույն տարիքը եւ ինչպես են մարդիկ վերաբերվում դավաճանություններին․․․

• Կաննի կինոփառատոնը ներկայացրել է մասնակիցների կազմը

  Կաննի կինոփառատոնը ներկայացրել է մասնակիցների կազմը. Կաննի 77-րդ կինոփառատոնին կմասնակցեն մի քանի խորհրդանշական ռեժիսորներ․․․

• Գիտնականն ու հայտնի կոմպոզիտորը պարզել է, թե ինչպես է հնչում պաստան

  Երբեւէ մտածե՞լ եք, թե ինչպես է հնչում ձեր սիրելի պաստան…

• Գուշակիր գույնը, ստացիր ծաղկեփունջ. մեկ օր՝ Մայիս Վարդանյանի հետ

  Երբ ուզում եմ ջերմություն եւ ժպիտ, դիտում եմ բլոգեր Մայիս Վարդանյանի տեսանյութերը․․․

• «Հայերը պետք է հասկանան՝ մենք փոքր ազգ ենք. պետք է միասին լինենք: Երբ միասնական ենք, մեզ չեն կարող կոտրել». Սաթի Սպիվակովա

  Բեմից իջնելուն պես հայտնի հաղորդավարուհին սիրով հանդիպեց հանդիսատեսի հետ, լուսանկարվեց ու նաեւ պատասխանեց լրագրողներին հետաքրքրող հարցերին…

• Yerevan Cocktail Week՝ գարնան գլխավոր խնջույքը

  Yerevan Cocktail Week-ը լավ հարթակ է տաղանդավոր բարմենների համար, ասում է Yerevan Cocktail Week-ի հիմնադիր եւ կազմակերպիչ, աշխարհահռչակ բարմեն եւ միքսոլոգ Գեղամ Ղազարյանը…

Երեկ` սեպտեմբերի 29-ին, «Արմենիա» միջազգային երաժշտական փառատոնով, մեկնարկեց Հայաստանի պետական սիմֆոնիկ նվագախմբի 16-րդ համերգաշրջանը։ փառատոնի բացման երեկոյին Հայաստանի պետական սիմֆոնիկ նվագախմբի հետ ելույթ ունեցավ ջութակահար, միջազգային մրցույթների դափնեկիր Մարկ Բուշկովը։ Ծրագրում հնչեցին Սերգեյ Պրոկոֆեւ՝ քայլերգ «Սեր առ երեք նարինջները» օպերայից, Պրոկոֆեւի Ջութակի թիվ 1 կոնցերտը եւ Մոդեստ Մուսորգսկու «Պատկերներ ցուցահանդեսից» ստեղծագործությունը՝ Մորիս Ռավելի նվագախմբային փոխադրմամբ։

Մարկ Բուշկովն արդեն երրորդ անգամ է ելույթ ունենում Հայաստանում. նրա խոսքով` Հայաստանի պետական սիմֆոնիկ նվագախմբի հետ աշխատելը միշտ ոգեւորիչ է. «Անչափ ուրախ եմ, որ կրկին նվագախմբի, հատկապես, իմ լավ ընկերոջ` տաղանդավոր դիրիժոր Սերգեյ Սմբատյանի հետ աշխատելու հնարավորություն ունեմ: Նվագախմբի բոլոր երաժիշտներն էլ անչափ պրոֆեսիոնալ են իրենց գործում, ու տպավորիչ համագործակցություն ենք ունենում` թե համերգից առաջ, թե հետո, թե փորձերի ընթացքում»,-նկատեց Բուշկովը` խոստովանելով, որ, առհասարակ, հայկական դասական երաժշտության հանդեպ մեծ սեր ու հետաքրքրություն է տածում. «Սիրում եմ հայկական երաժշտությունը` Խաչատրյան, Բաբաջանյան: Նրանց երկուսի ստեղծագործություններից էլ նվագել եմ»,- հավելեց նա:

Անդրադառնալով դասական երաժշտության զարգացման գործում փառատոնի կարեւորությանը` երաժիշտը նշեց. «Կարծում եմ` այս փառատոնը դասական երաժշտության զարգացման մեջ մեծ դեր է խաղում: Հիշում եմ` երբ 4 տարի առաջ առաջին անգամ նվագեցի փառատոնի շրջանակում, մի շարք երիտասարդ դեմքերի բացահայտեցի: Շատերին գրավում է հենց այն փաստը, որ նվագախումբը եւս երիտասարդ է, եւ այն գործը, որը նրանք կատարում են, զիլ է: Հաճելի է, որ մեր երաժշտությունը գալիս են ունկնդրելու երիտասարդները, ուսանողները»:

Սերգեյ Սմբատյանն էլ իր հերթին նկատեց` այս տարվա փառատոնը, արտիստների ընդգրկվածությունից ելնելով, հիրավի միջազգային է: Նա չթաքցրեց, որ կազմակերպչական աշխատանքները դժվար են տրվել, սակայն արդյունքը խոստումնալից է: «Շատ ուրախ եմ, որ այս փառատոնը ստացվեց, որովհետեւ փառատոնային մշակույթի կարեւոր հատկանիշներից մեկն այն է, որ դրա ժամանակահատվածում կարող են իրականացվել բազում այլ ծրագրեր, եւ մեզ մոտ դա ստացվեց: Շատ դժվար տարի էր նախորդը, բայց այս տարի մենք սպասում ենք մեր հանդիսատեսին` հույս ունենալով, որ փառատոնը մեծ ոգեւորությամբ կընդունվի»,-նշեց նա`խոսելով նաեւ կորոնավիրուսի պատճառով ստեղծված դժվարությունների ու դրանց հաղթահարման մասին.

 «Covid-ն աշխարհում չի ավարտվել, Հայաստանում` եւս, պարզապես պետք է ճիշտ հաղորդակցություն ստեղծել, որպեսզի Covid-ի առկայության պայմաններում էլ կարողանանք ապրել, աշխատել, եւ մենք չենք պատկերացնում, որ կարող ենք լինել ոչ ավելի ինտենսիվ, քան` առաջ: Իհարկե, հիմա փառատոն կազմակերպելը շատ ավելի դժվար է, բայց մենք փորձում ենք հաղթահարել այդ դժվարությունները: Համերգաշրջանը շատ առատ է. այն, ինչ տեղի չի ունեցել 2020-ին, փորձել ենք ամեն ինչ ծրագրել այս տարվա մեջ»: «Արմենիա» միջազգային փառատոնը հիմնադրվել է 2017 թվականին՝ Հայաստանի պետական սիմֆոնիկ նվագախմբի գեղարվեստական ղեկավար եւ գլխավոր դիրիժոր Սերգեյ Սմբատյանի եւ Մշակույթի աջակցման եվրոպական հիմնադրամի նախագահ Կոնստանտին Իշխանովի համատեղ ջանքերով:

Երեւանում ամեն տարի անցկացվող այս փառատոնի շրջանակում հայ հանդիսատեսը հնարավորություն է ունենում ունկնդրելու համաշխարհային հեղինակություն վայելող մեծանուն երաժիշտների կատարումները, որոնց համերգներին հաճախելն աշխարհի հեղինակավոր դահլիճներում ոչ բոլոր երաժշտասերներին է  հասանելի: Մեծանուն արտիստների կողքին «Արմենիա» միջազգային փառատոնը հնարավորություն է ընձեռում նաեւ շատ նորահայտ երիտասարդ երաժիշտների ելույթ ունենալու լայն հանդիսատեսի առջեւ, եւ իրենց տեղը գրավելու կատարողական արվեստի ասպարեզում: Փառատոնը կտեւի մինչեւ հոկտեմբերի 29-ը:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում