Ֆիլմի գործողությունները ծավալվում են առաջին մասի իրադարձություններից ավելի քան մեկ տարի անց: Լրագրող Էդի Բրոքը փորձում է հարմարվել կյանքին ՝ հանդես գալով որպես այլմոլորակային սիմբիոտ Վենոմի տիրակալ, որն օժտում է նրան գերմարդկային ունակություններով: Բրոքը փորձում է վերակենդանացնել իր կարիերան և հարցազրույց է վերցնում սերիական մարդասպան Կլետուս Կասադիից, որը պատահաբար դառնում է սիմբիոտ Կարնաժի տիրակալը և չհաջողված մահապատժից հետո փախչում է բանտից:
Անհրաժեշտ է իմանալ, որ ֆիլմը բավականին հաճույքով է դիտվում: Այն պայծառ է, ուրախ, գեղեցիկ և դինամիկ։
«Վենոմում» շատ են կատակները, հումորները ՝ ինչպես իրավիճակային, այնպես էլ երկխոսական։ Էդի Բրոքը և սիմբիոտը գրեթե ոչ մի վայրկյան չեն դադարում պարզաբանել իրենց հարաբերությունները,որոնք հիշեցնում են ամուսնական զույգի հարաբերություններ: Վենոմն ուզում է ուտել մարդկանց գլուխները, իսկ Էդին ցանկանում է, որ այլմոլորակայինը չփչացնի իր կյանքը։ Զույգն անընդհատ վիճում է, ինչ-որ պահի Վենոմը նույնիսկ հիստերիայի է հասնում եւ փախչում տնից: Ընդհանուր առմամբ, ֆիլմը վերջնականապես վերածվել է կատակերգության։
Ֆիլմը ձգձգված չէ։ Թվում է՝ Sony-ին կրկին սահմանում է հանդիսատեսի համար ֆիլմի կատարյալ ժամանակաչափ։ Միջին կոմիքսային պատմության համար 90 րոպեն ավելի քան բավարար է։
Նոր «Վենոմի» բյուջեն մնացել է նույնքան համեստ (110 մլն դոլար), բայց այդ գումարով այժմ հաջողվել է միանգամից երկու հրեշ ստեղծել։
«Վենոմ 2»-ի ռեժիսորը Էնդի Սերքիսն է: Ի դեպ, նա ծագումով հայ է։ Նրա ռեժիսուրան գրեթե անթերի է, ինչը չենք կարող ասել սցենարի մասին։
Ինչպես առաջին մասը, այնպես էլ երկրորդը լի է դատարկությամբ և ենթադրություններով:
Օրինակ, Կարնաժ անունով երկրորդ սիմբիոտի ի հայտ գալը, որը բնակություն է հաստատում հանցագործ Կլետուս Կասեդու մարմնում, շատ թույլ է ներկայացված:
Նույնը կարելի է ասել Էդիի նախկին ընկերուհու ներկայիս ընկերոջ մասին: Թե ինչու է նա պետք այս պատմության մեջ, միանգամայն անհասկանալի է։
Բայց այդ բոլոր թերությունները պարզապես հօդս են ցնդում Թոմ Հարդիի և Վուդի Հարելսոնի փայլուն դուետի շնորհիվ։
Թոմ Հարդին այստեղ կատարյալ է։ Նա շատ բնական է, զգում է իր տեղը, եւ, ակնհայտորեն, այդ գործընթացից մեծ բավականություն է ստանում:
Իսկ Վուդի Հարելսոնը ունի զարմանալի հատկություն. նա պարզապես կհայտնվի մի դրվագում, եւ ցանկացած ֆիլմ կդառնա ավելի հաջողված։
Արդյունքում. եթե ֆիլմն ընկալում եք որպես 80-ականների թեթև կատակերգական բոևիկ, ապա այն հիանալի կատարում է իր գործառույթը: Ֆիլմի դիտումն իսկապես զվարճալի է:
Հաճելի դիտում
Նորայր Նազարյան
Հետևեք NEWS.am STYLE-ին Facebook-ում, Twitter-ում և Instagram-ում
19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում14:55, 25 ապրիլի
Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով14:36, 25 ապրիլի
Իրինա Շեյքը նոր տղամարդ է փնտրում13:15, 25 ապրիլի
Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)12:41, 25 ապրիլի
Քիմ Քարդաշյանը խոստովանել է, որ իր մասին որոշ լուրեր իրականում համապատասխանում են իրականությանը12:10, 25 ապրիլի
Քանյե Ուեսթը մտածում է մեծահասակների համար Yeezy Porn հարթակ ստեղծելու մասին11:30, 25 ապրիլի
Ջո Մանգանիելոն խոսել է Հայոց ցեղասպանությունից փրկված իր մեծ տատի մասին11:00, 25 ապրիլի
«Սրտի վալետ». նոր հումորային սիթքոմի մանրամասները. BACKSTAGE10:40, 25 ապրիլի
Քրիստի Թարլինգթոնի մերկ լուսանկարներն օգտագործվել են նրա որդուն ծաղրելու եւ հալածելու համար