Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

«Օտար երկրում անհրաժեշտ է միշտ խոսել մեր մշակույթի մասին». նկարչուհի Լուսինե Սահակյանը՝ Իսրայելում հայկական բրենդի շապիկների տարածման ու իրեն ոգեշնչող պապիկի մասին

18:25, 27 հոկտեմբերի

Նկարչուհի Լուսինե Սահակյանն արդեն 11 տարի է՝ ապրում է Իսրայելում՝ Հայֆա քաղաքում: Չնայած հայրենիքից երկարատեւ բացակայությանը՝ Հայաստանը Լուսինեի աշատանքներում եւ մտքում միշտ ներկա է: Նկարչուհին մայրիկի՝ Ժաննա Ղամբարյանի հետ այնտեղ հիմնել է Janlussidecor բրենդը, որը ներկայացնում է հայկական զարդանախշերով հագուստ:

NEWS.am STYLE-ը Լուսինե Սահակյանի հետ զրուցել է իր գործունեության ու Հայաստանից հեռու արմատներին հավատարիմ մնալու մասին:

Լուսինեն հայտնի քանդակագործ, գեղանկարիչ Սահակ Սահակյանյի թոռնուհին է. ասում է՝ իր գործունեության վրա պապիկի արվեստը մեծ հետք է թողել:

«Նկարիչների ընտանիքում մեծանալով՝ ես մանկուց եմ ստեղծագործել: Հայրս եւ մայրս ինձ միշտ ոգեշնչել են իրենց աշխատանքներով, սակայն ինձ վրա ամենամեծ ազդեցությունն ունեցել է պապիկս՝ Սահակ Սահակյանը: Նա Հայաստանը ներկայացրել է ավելի, քան 29 երկրում՝ նվաճելով 3-4 ոսկե մեդալ: Նա միակն է, որ քանդակել է «Սասունցի Դավիթ» թեմայով տասնյակ աշխատանքներ, եւ նրա գործունեությունն, իսկապես, ոգեշնչող է»,-պատմում է Լուսինեն՝ հավելելով, որ հայրիկի հետ առաջիկա նպատակներից է Երեւանում Սահակ Սահակյանի աշխատանքներին նվիրված թանգարան բացելը:

«Ես ամեն տարի պարտադիր գալիս եմ Երեւան, եւ նպատակ ունենք մշտական բնակություն հաստատել այդտեղ, քանի որ Երեւանում ունենք հոգեւոր մեծ ժառանգություն՝ պապիկիս աշխատանքները: Հայրիկիս հետ մտադիր ենք բացել թանգարան, որտեղ էլ դրանք ներկայացված կլինեն: Թանգարանը, գրեթե, պատրաստ է, մնում է միայն, որ այն պաշտոնապես ճանաչվի, որպես թանգարան եւ բացվի: Ստեփանավանում պապիկիս նվիրված թանգարան արդեն կա, եւ հույս ունենք, որ մեր պետության աջակցությամբ կկարողանանք բացել նաեւ Երեւանում: Այն կգործի Շենգավիթ վարչական շրջանում, եւ կնպաստի նաեւ այդ շրջանի մշակութային զարգացմանը՝ կոտրելով Երրորդ մասի մասին կարծրատիպերը»:

Անդրադառնալով Janlussidecor  բրենդին՝ Լուսինեն նշեց.

«Մայրս նկարչուհի եւ հագուստի մոդելավորող է, բրենդի մտահաղացումը նրանն է, ես օգնում եմ դիզայներական լուծումներով: Մեր լոգոն նռան տեսքով է, դա եւս մայրիկիս մտահաղացումն էր: Փորձեցինք այն մտցնել հագուստի դիզայնի մեջ, եւ այդ լուծումը սիրվեց մարդկանց կողմից: Ի դեպ, Իսրայելում, նույնպես, նուռը խորհրդանշական պտուղ է, այդպիսով՝ մեր բրենդը սիրվեց նաեւ այստեղ»:

Նկարչուհին չի կարողանում անտարբեր մնալ Հայաստանում կատարվող իրադարձություններին: Այս նպատակով Janlussidecor բրենդը հաճախ է հանդես գալիս բարեգործական նախաձեռնություններով.

«Երեւանում մայրս շապիկներ նվիրաբերեց առողջական խնդիրներ ունեցող մի շարք երեխաների, իսկ պատերազմի օրերին վաճառված շապիկների հասույթի մեծ մասը մենք տրամադրեցինք զոհված զինվորների ընտանիքներից մի քանիսին»:

Լուսինեն կարեւորում է իր աշխատանքներում հայրենիքի շեշտադրությունը, ասում է՝ հատկապես օտար երկրում անհրաժեշտ է մշտապես խոսել Հայաստանի ու մեր մշակույթի մասին՝ փորձելով դա փոխանցել օտարության մեջ գտնվող մեր հայրենակիցներին եւ ծանոթացնել տեղացիներին:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել