• Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով

  Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով…

• Բարոյականության «պահապանները» թող շրջանցեն. էրոտիկ ֆիլմերի ընտրանի

  Եթե «էրոտիկ ֆիլմ» արտահայտությունը լսելով ձեր մտքին միանգամից գալիս են «Նիմֆոմանուհին» եւ «Մոխրագույնի 50 երանգները», ապա շնորհավորում ենք՝ դուք ոչինչ չգիտեք ժանրի մասին…

• «Հարյուր տարվա մենություն». Netflix-ը ներկայացրել է Գաբրիել Գարսիա Մարկեսի գլուխգործոցի կինոադապտացիայի թիզերը

  Netflix-ը թողարկել է «Հարյուր տարվա մենություն» սերիալի նոր թիզերը…

• Սթիվեն Սփիլբերգը ֆիլմ է նկարահանում ՉԹՕ-ի մասին

  Սթիվեն Սփիլբերգը պատրաստվում է վերադառնալ գիտաֆանտաստիկայի աշխարհ․․․

• Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել Լեոնարդո ԴիԿապրիոյի եւ Ջենիֆեր Լոուրենսի մասնակցությամբ

  Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել` Լեոնարդո ԴիԿապրիոյի եւ Ջենիֆեր Լոուրենսի գլխավոր դերակատարմամբ․․․

• Հենրի Քավիլի եւ Մարգո Ռոբիի մասնակցությամբ Ջեյմս Բոնդի մասին ֆիլմի կեղծ թրեյլերը YouTube-ում հասել է 2 միլիոն դիտումի

  Ջեյմս Բոնդի մասին ֆիլմի թրեյլերը՝ Հենրի Քավիլի եւ Մարգո Ռոբիի մասնակցությամբ, YouTube-ում հավաքել է 2 միլիոն դիտում, սակայն պարզվել է, որ այն կեղծ է․․․

• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

• «Քաղցր բամբակ»՝ Netflix»-ից. Գայ Ռիչիի «Ջենտլմենները»

  «Ջենտլմենները» սերիալ է՝ հիմնված Գայ Ռիչիի համանուն քրեական կատակերգության վրա, եւ նվիրված է լոնդոնյան քրեական աշխարհին…

NEWS.am STYLE-ը ձեզ է ներկայացնում կինեմատոգրաֆի ողջ պատմության ընթացքում ամենավատ ֆիլմերի թոփ տասնյակը:

10-րդ տեղ. «Այդքան տարբեր երկվորյակներ»

2011թ․-ին թողարկված ֆիլմ՝ Ադամ Սենդլերի գլխավորությամբ, որը վերջնական  թաղեց երբեմնի մեգահաջողակ կոմիկ-դերասանի կարիերան (Սենդլերը միայն վերջերս կարողացավ դուրս գալ ստեղծագործական ճգնաժամից)։

Ֆիլմը պատմում է այն մասին, թե ինչպես է գլխավոր հերոս Ջեքին Երախտագիտության օրը հյուր գալիս  նրա երկվորյակ քույր Ջիլը։

Ֆիլմն այնքան վատն էր, որ «Ոսկե ազնվամորի» հակամրցանակաբաշխության բոլոր 10 անվանակարգերում հաղթող է ճանաչվել:

Մինչև հիմա տանջում է միայն մեկ հարց. աբսուրդի այդ բալագանում ի՞նչ էր կորցրել Ալ Պաչինոն։

9-րդ տեղ. «Դիմակի Որդին»

2005 թվականին արտադրված այս ֆիլմը «Դիմակ» կատակերգության շարունակությունն է, որտեղ փայլում էր Ջիմ Քերին։

Մեկ տասնամյակ անց լեգենդար Լոկի Դիմակն ընկնում է ծաղրանկարիչ Թիմ Էյվերիի ձեռքը, որի նորածին որդին գերբնական ուժեր ունի։ Խնդիրներն առաջանում են, երբ ինքը՝ Լոկին՝ չարության աստվածը, սկսում է կախարդական Դիմակի որոնումը։

Դերասանների սխալ ներկայացումներով լի տոտալ ֆիասկո, ֆրանշիզան ճիշտ կիրառելու համար երևակայության բացակայություն. այս ամենը, փաստորեն, հանգեցրեց նման ձախողման:

«Դիմակը» կատակերգությունը հիմնված էր սև հումորի, հեգնական սցենարի, ինչպես նաև Ջիմ Քերիի խելահեղ տաղանդի և խարիզմայի վրա։ Իսկ այստեղ որոշեցին նկարահանել ընտանեկան կատակերգություն՝ այն  համեմելով  մի պտղունց սյուրռեալիզմով, բայց չհաշվարկեցին, որ դա չի հետաքրքրի ո՛չ  երեխաներին, ո՛չ մեծերին:

Իսկ հրեշավոր գրաֆիկայի և անիմացիայի մասին  նախընտրում եմ լռել: Միայն կավելացնեմ, որ այս ֆիլմի թողարկումից մի քանի տարի առաջ թողարկվել էր «Մատանիների տիրակալը», որը մինչ այսօր գրաֆիկական առումով ոչ մի կերպ չի զիջում ժամանակակից բլոկբաստերներին։

8-րդ տեղ. «Ճակատամարտի վայրը՝ Երկիր»

2000թ.թողարկված այս ֆիլմը Ռոն Հաբարդի (Սայենթոլոգիայի եկեղեցու հիմնադիր) գիտաֆանտաստիկ վեպի էկրանավորումն է՝ Ջոն Տրավոլտայի գլխավոր դերակատարմամբ։

Ֆիլմը պատմում է հեռավոր ապագայի մասին։ Սայկլոսների այլմոլորակայինների ռասան ստրկացնում է մարդկանց և իրենց հեռավոր աշխարհի համար Երկիրը հումք դարձնում: Բայց մի օր, տիրանալով այլմոլորակայինների զենքերին և տեխնոլոգիաներին, մարդիկ ընդվզում են։

Ամենաթանկարժեք (իր ժամանակի) ֆիլմերից մեկը, որը չարաչար ձախողվեց կինովարձույթում։ 

Այն «Ոսկե ազնվամորու» ռեկորդակիրն էր մինչ «Այդքան տարբեր երկվորյակներ» ֆիլմը։ Վատ սցենար, օպերատրական աշխատանք, վիզուալ և դերասանական խաղ. սրանք են ֆիասկոյի պատճառներից  մի քանիսը:

Ֆիլմը մինչ օրս «հպարտորեն» կրում է բոլոր ժամանակների ամենաթերի գիտաֆանտաստիկ ֆիլմի տիտղոսը։

7-րդ տեղ. «Հովարդ Բադ»

Այդ հիմա է, որ  MARVEL-ի բրենդը անպարտելի է, բայց 1986 թվականին Marvel կոմիքսների հերոս Հովարդ Բադի էկրանավորումն  աղետ էր «Աստղային պատերազմների» հոր՝ Ջորջ Լուկասի համար, որը այս «գլուխգործոցի» պրոդյուսերն էր:

Ֆիլմը ներկայացնում է, թե ինչպես է գիտնականների փորձերի շնորհիվ Հովարդ անունով մարդանման բադը տելեպորտացվում Երկիր մոլորակ։

Ֆիլմը լավ սև կատակերգություն դառնալու հնարավորություն ուներ, ինչպիսին ապագայում դարձավ «Երրորդ հավելյալը»։ Այնուամենայնիվ, պատկերը ձախողվեց. պարզ չէր, թե ում համար է նկարահանվել այս ժապավենը՝ երեխաների՞, թե՞ մեծահասակների համար:

6-րդ տեղ. «Կոտրել բլոգերներին»

2016 թվականի ֆիլմը պատմում է, թե ինչպես են բլոգերներ Իվանգաjին, Մարյանա Ռոնը և Սաշա Սփիլբերգը կոտրվել անհայտ վիրուսի կողմից և վերածվել իրենց անիմացիոն կրկնօրինակների։

Ֆիլմը ֆինանսավորել է «Կինո հիմնադրամը», որը հետագայում ժապավենը պիտի կոչեր անհաջող փորձ։

Ֆիլմը ոչ մի բանի մասին է, լիովին անիմաստ է, չունի  որևէ առողջ սցենար և արտադրություն:

Դիտելու փոխարեն խորհուրդ ենք տալիս ներառել այս «հնարամիտ» ստեղծագործության Badcomedian-ի ակնարկը:

Շարունակելի…

Նորայր Նազարյան

Հետևեք NEWS.am STYLE-ին Facebook-ում, Twitter-ում և Instagram-ում