• Ոտքի կոշտուկներից ազատվելու խյուսեր

  Առաջարկում ենք կիրառել հետեւյալ խյուսերը․․․

• Սպիտակաձավարով պատրաստված մարմնի սկրաբեր

  Ձեր ուշադրությանն ենք ներկայացնում մարմնի սկրաբերի մի քանի բաղադրատոմս․․․

• Սնուցիր, խոնավեցրու, խնամիր․ ինչպես ճիշտ խնամել մաշկը 30 տարեկանից հետո

  Մաշկի վիճակը կախված է բազմաթիվ գործոններից․․․

• Դիմակներ՝ ավոկադոյով պատրաստված

  Այս դիմակը կօգնի խթանել մազերի աճը, ինչպես նաեւ ունակ է կանգնեցնել մազաթափությունը...

• Սկրաբեր՝ մարմնի համար

  Այս սկրաբերը կօգնեն ազատվել մաշկի մահացած բջիջներից...

• Խնձորի քացախ՝ ցելյուլիտից ազատվելու հիանալի միջոց

  Կարելի է խնձորի քացախով պատրաստված հետեւյալ խառնուրդով մերսումներ կատարել․․․

• Ինչով է նուշի յուղն օգտակար մաշկի եւ մազերի խնամքի համար

  Այն խոնավեցնում է, հանգստացնում եւ միեւնույն ժամանակ վերացնում կարմրությունը...

• Տնային պայմաններում պատրաստված դիմակներ, որոնք կօգնեն արագ կարգի բերել ձեզ

  Շոշափելի արդյունք․․․

Կոսմետիկ միջոցների համար խանութ գնալով՝ բախվում ենք խնդրի, որ յուրաքանչյուր տուփի վրա գրված է, թե որ տիպի մաշկի համար է այս կամ այն միջոցը: Առաջին հերթին որոշեք ձեր մաշկի տեսակը, նոր միայն քսուք ընտրեք:

Ճիշտ քսուք ընտրելու համար նախ պետք է պարզել, թե ինչ տեսակի մաշկ ունեք. չոր, յուղոտ, նորմալ, թե՝ խառը: Միայն դրանից հետո կարող ենք անցնել կրեմի ընտրությանը:

Չոր մաշկին անհրաժեշտ է գերպաշտպանություն, հատկապես ձմռանը: Ընտրեք սնուցող եւ պաշտպանիչ միջոցներ, որոնց վրա գրված կլինի «չոր եւ զգայուն մաշկի համար»: Դրանց մեջ հիպերալերգեններ չկան, որոնք կարող են գրգռել ձեր մաշկը եւ բացասական ազդեցություն ունենալ դրա տեսքի եւ առողջության վրա:

Յուղոտ մաշկի համար քսուք ընտրելիս հետեւեք, որ այն յուղեր չպարունակի: Առանց այդ էլ ձեր մաշկն ավելորդ յուղ է արտադրում, իսկ յուղեր պարունակող կրեմը կփակի ծակոտիները եւ կնպաստի բորբոքվելուն ու բշտիկների առաջացմանը:

Խառը մաշկի դեպքում չի կարելի յուղոտ քսուք օգտագործել Т-աձեւ հատվածի վրա, իսկ նորմալ մաշկի պարագայում կարող եք վերցնել «նորմալ մաշկի համար» գրությամբ ցանկացած քսուք:

Ընդհանրապես ընտրությունը շատ անհատական է: Ճիշտ խորհորդներ կարելի է տալ միայն ձեր մաշկի առանձնահատկություններն ուսումնասիրելուց հետո: Այդ պատճառով ես խորհուրդ եմ տալիս դիմել մասնագետի:

Ամեն դեպքում, եթե այս տարբերակը ձեզ հարմար չէ, ապա կարող եք վստահել խանութի վաճառողուհուն կամ գնալ դեղատուն, որը, իմ կարծիքով, ավելի անվտանգ է: Դեղատան աշխատակիցները բժշկական կրթություն ունեն, իսկ եթե այնտեղ կոսմետիկ միջոցներ վաճառում են (ինչպես շատ դեղատներում), նրանց պարտականությունն է նաեւ անվճար խորհրդատվություն տրամադրել եւ օգնել կրեմի ընտրության հարցում:

Եվ վերջում՝ եւս մեկ խորհուրդ: Եթե ձմռան համար մաշկի խնամքի միջոց եք ընտրում, հետեւեք, որ այն ձիթապտղի կամ նուշի յուղ պարունակի: Դրանք շատ լավ սնուցում են մաշկը եւ պաշտպանիչ շերտ են առաջացնում: Եթե բաղադրության մեջ կա լանոլին, մի շտապեք գնել այն: Այս նյութը շատ լավ փափկեցնում է մաշկը, սակայն կարող է մազակալում առաջացնել: Նման հարցերում ավելի լավ է ռիսկի չդիմել:

Հետևեք NEWS.am STYLE-ին Facebook-ում, Twitter-ում և Instagram-ում