• Բրեդ Փիթից բաժանվելուց հետո․ Ջենիֆեր Էնիսթոնը պատմել է հոգեբանի օգնության մասին

  Զգացի, որ կործանվում եմ․․․

• Ջոդի Ֆոսթերը «Իսկական դետեկտիվ» սերիալի չորրորդ եթերաշրջանում կկատարի գլխավոր դերը

  Նա նաեւ հանդես կգա որպես նախագծի գլխավոր պրոդյուսեր․․․

• Երեք տղամարդ Քեւին Սփեյսիին մեղադրել է ոտնձգությունների համար

  Սփեյսիի դեմ սեռական ոտնձգության մեղադրանքներն առաջին անգամ հնչել են 2017թ․-ի հոկտեմբերին․․․

• Հոգեբանական խնդիրների պատճառով «Բրիջերթոնների» աստղը հիվանդանոցում է հայտնվել

  Նա շնորհակալություն է հայտնել ընտանիքին, Netflix-ն, որ «փրկել» են իրեն․․․

• Մահացել է «Փառավոր տղաներ» ֆիլմի աստղ Ռեյ Լիոտան

  Մահվան պատճառի մասին չի հաղորդվում․․․

• Թողարկվել է Ռոուեն Ատկինսոնի մասնակցությամբ «Մարդն ընդդեմ մեղվի» կատակերգական սերիալի թրեյլերը

  Պրեմիերան Netflix-ով տեղի կունենա հունիսի 24-ին․․․

• «Արյուն ու մեղր»․ նոր կադրեր են հրապարակվել Վինի Թուխի եւ դրա ընկերների մասին սարսափ ֆիլմից

  Գլխավոր հերոսները զբաղված կլինեն մարդկանց որսով․․․

• Տարերքը՝ կինո․ Ֆրունզե Դովլաթյանը կդառնար 95 տարեկան

  «Բարև, ես եմ» ֆիլմը ֆիլմով Դովլաթյանը հայ կինոն ներկայացրեց Կաննի կինոփառատոնում․․․

Ֆիլմը պատմում է գենետիկորեն զարգացած գերմարդկանց ռասայի մասին, որոնք գաղտնի ապրում են Երկրի վրա: Նրանք ծնվել են 5 միլիոն տարի առաջ՝ հանդիսանալով հզոր Ցելեստիալների փորձերի արդյունքը։ Օժտված լինելով անհավանական գերուժերով՝  «Հավերժները» հազարամյակներ շարունակ թաքնվում էին մարդկանցից՝ գաղտնի պաշտպանելով նրանց   հրեշավոր Դեվիանտներից։ Սակայն վերջին իրադարձություններն ու Թանոսի գործողությունները նրանց ստիպել են ի հայտ գալ:

«Հավերժները» ամենամասշտաբային պատմությունն է, որն ընդգրկում է բազմաթիվ գալակտիկաների հսկայական տարածություններ, որտեղ շոշափվում է նաև Երկրի առաջացման թեման։ Այսինքն՝ ֆիլմում ցուցադրվում է ինչ-որ աստվածային զորություն, որը, պարզվում է, աշխարհի արարման աղբյուրն է՝ ընդհանրապես, և մարդկության ստեղծման աղբյուրը՝ մասնավորապես։

Եվ ամեն ինչ լավ կլիներ, միայն թե  այս ֆիլմը չափազանց դժվար է անվանել էպիկական տեսարան՝ այն դիտարկելով վիզուալ տեսանկյունից, քանի որ պատմությունը ցուցադրվում է հատուկ մինիմալիզմի շրջանակներում, որտեղ գրեթե բոլոր գործողությունները տեղի են ունենում կա՛մ սահմանափակ տարածքում, կա՛մ ամայի միջավայրում: 

Էքշնի տեսարանները ձանձրալի և երկրորդական տեսք ունեն. ասես դա ոչ թե երկու հարյուր միլիոն բյուջեով բլոկբաստեր է, այլ ցածր բյուջեով ֆիլմ, որը պետք է ինչ-որ կերպ օպտիմալացներ նկարահանումները։

Մեկ այլ թերություն է հերոսների տպավորիչ թիվը մեկ քառակուսի մետրի վրա, որտեղ հեղինակներն իրականում ստիպված են եղել «զոհաբերել» ոմանց՝ մյուսների մասին ավելի մանրամասն պատմելու համար:

Դժվար է ասել, թե ինչու է ռեժիսոր Քլոե Չժաոն մասնակցել կոմիքսի նկարահանումներին:

Նա ռացիոնալիզմով աչքի չի ընկնում, բլոկբաստեր նկարահանելու փորձ չի ունեցել։ Նա ունի իր ոճը, որը համապատասխանում է արտհաուս կինոյին: Բայց այստեղ նրա ոճին բնորոշ տարրերը ձանձրալի, հիմար ու անտեղի տեսք ունեն։

Ֆիլմում, իհարկե, կան հատուկ էֆեկտներ։ Սակայն դրանք համեստ, կարծրատիպային, միապաղաղ տեսք ունեն. կարծես 200 միլիոնը քիչ էր։ Տպավորություն է, որ  եթե ռեժիսորի կամքը լիներ, ընդհանրապես հատուկ էֆեկտներ չէր օգտագործի։

Դեվիանտների սյուժետային գիծը բացարձակ ձախողում ունեցավ: Թե ինչու է այն ընդհանրապես անհրաժեշտ ֆիլմին,  անհասկանալի է, ավելին, այն խախտում է նկարի տրամաբանությունը, նաև երկարաձգում է ֆիլմի տևողությունը:

Դերասաններից միայն Ջոլին ու Սալման գոհացրին։ Նրանք շատ կարճ ժամանակում կարողացան գոնե ինչ-որ կերպ հստակ բացատրել հանդիսատեսին իրենց կերպարների էությունը։

Լորեն Ռադլոֆը իրեն շատ դրական է դրսևորել խուլ-համր Մակկարիի (իրական կյանքում դերասանուհին  խուլ և համր է) դերում։ Նա, չասելով և  ոչ մի բառ, կարողացավ հանդիսատեսին գրավել ու պահել իր յուրաքանչյուր տեսարանում։

Արդյունքում՝ պոտենցիալ լավ գիտաֆանտաստիկ ֆիլմը լցված էր անիմաստությամբ, անտրամաբանականությամբ և հիմարությամբ։ Քլոեին բացարձակապես չհաջողվեց ցույց տալ այն, ինչ անհրաժեշտ էր, բայց տարվեց նրանով, ինչ ուզում էր ցույց տալ հենց ինքը։

DC-ի վերջին անհաջողությունը «Հրաշք Կինը 1984»-ի տեսքով պետք է առարկայական դաս լիներ Marvel-ի համար, որ ստուդիական նախագծերում ռեժիսորին բացարձակ ազատություն տալ պետք չէ: Ինչպես տեսնում ենք, Marvel-ը դա անտեսեց ու իրեն կրակի մեջ գցեց:

Հաճելի դիտում

Նորայր Նազարյան

Հետևեք NEWS.am STYLE-ին Facebook-ում, Twitter-ում և Instagram-ում