NEWS.am STYLE-ը ձեզ է ներկայացնում մարտաֆիլմ, դրամա եւ կրիմինալ ժանրի սերիալ՝ «Բրիգադա»:
Այն թողարկվում էր Ռոսիա հեռուստաալիքով 2002 թվականի սեպտեմբերի 23-ից հոկտեմբերի 17-ը: Բաղկացած է 15 սերիայից:
Հեղինակն է Ալեքսեյ Սիդորովը:
Գլխավոր դերերում հանդես են եկել Սերգեյ Բեզռուկովը, Դմիտրի Դյուժևը, Պավել Մայկովը, Վլադիմիր Վդովիչենկովը, Եկատերինա Գուսևան, Անդրեյ Պանինը։
Սա մանկության չորս ընկերների՝ Սաշա Բելիի, Կոսմոսի, Փչոլի եւ Ֆիլի պատմությունն է, ովքեր մեծացել են նույն բակում։ Ընկերները որոշեցին մի փոքր հավելյալ գումար վաստակել, սակայն չպլանավորված սպանությունն ակնթարթորեն խառնեց ամեն ինչ՝ վտանգի ենթարկելով նրանց կյանքը:
Այժմ տղաները ճանապարհ են բացում հանցավոր աշխարհում եւ, բախտի կամքով, դառնում են ամենահամախմբված ու ազդեցիկ կրիմինալ խմբերից մեկը։
Սերիալն արտացոլում է Ռուսաստանի պատմական իրադարձությունները 1989-2000 թվականներին։ Մի դժվարին ժամանակաշրջան, երբ ամենուր փոփոխություններ էին կատարվում, աշխատավարձ չէր վճարվում, ծաղկում էին հանցագործությունը եւ կոռուպցիան, Չեչնիայում պատերազմ է սկսվում:
Այս բարդ ժամանակներում ոմանք ստիպված էին գոյատեւել, ուստի շատերը, այդ թվում՝ պետությունը, խախտեցին օրենքը։
«Բրիգադան» պատմում է տղամարդկային ընկերության, սիրո, հանցավոր կյանքի, համակարգին դեմ կանգնած մարդու, կյանքի դառը ճշմարտության, հավատարմության եւ վրեժխնդրության եւ այն մասին, թե ինչին է հանգեցնում կրիմինալ կյանքը։
Սերիալի ռեժիսոր եւ սցենարիստ Ալեքսեյ Սիդորովը ցանկացել է երիտասարդ տղաներին ցույց տալ, որ կյանքում ոչինչ պարզապես չի տրվում։ Եվ ամեն ինչի համար վաղ թե ուշ ամեն ոք պատասխան է տալիս:
Եվ նա դա այնքան լավ արեց, որ նույնիսկ երկու տասնամյակ անց «Բրիգադան» դեռ ապշեցուցիչ ու ակտուալ տեսք ունի, ինչն ավելի կարևոր է։
Չնայած նրան, որ հերոսները սպանում են, թմրադեղեր են վաճառում եւ,ընդհանրապես, ըստ էության, դրական կերպարներ չեն, դու կարեկցում ես նրանց։ Այս կարեկցանքի առյուծի բաժինը դերասանների վաստակն է։
Սերիալը հիանալի ցուցադրում էր տարբեր հերոսների կերպարներ։
Սերգեյ Բեզրուկովը մարմնավորեց կամային, ամուր եւ արդար Սաշա Բելին։
Վլադիմիր Վդովիչենկովը ներկայացրեց հանգիստ, հավատարիմ եւ ողջամիտ Ֆիլին։
Դմիտրի Դյուժեւը ցույց տվեց հիմար, էքսցենտրիկ եւ իմպուլսիվ Կոսմոսին:
Պավել Մայկովը կատարեց հավակնոտ ու ագահ, բայց եւ հավատարիմ Փչոլիի դերը։
Չի կարելի չնկատել սերիալի հիանալի սաունդթրեքը, հատկապես՝ հիմնական թեման եւ ռեմիքսը:
Արդյունքում՝ հիանալի դերասաններով եւ փայլուն սցենարով գերազանց ռուսական սերիալ, որը քիչ արժանի անալոգներ ունի։ «Բրիգադան» այն սերիալն է, որը մեկ անգամ չէ, որ դիտելու եք, եւ դեռ կշարունակեք հիանալ։
P.S.
Լիովին հերքում եմ այն տեսակետը, որ այս սերիալը բռնության, ավազակության եւ հանցավոր ապրելակերպի քարոզ է, քանի որ այդպես լինելու դեպքում պետք է ընդհանրապես արգելել Մարտին Սկորսեզեի ֆիլմերը։
Հաճելի դիտում
Նորայր Նազարյան
Հետևեք NEWS.am STYLE-ին Facebook-ում, Twitter-ում և Instagram-ում
15:06, 20 ապրիլի
Որտե՞ղ են խորհրդավոր կերպով անհետանում գուլպաները13:36, 20 ապրիլի
Քիմ Քարդաշյանը չի արձագանքի Թեյլոր Սվիֆթի նվաստացուցիչ դիս-թրեքերին՝ «վախենալով» նրա երկրպագուների բանակից12:31, 20 ապրիլի
Իննա Սահակյանը կմիանա Անսիի միջազգային անիմացիոն ֆիլմերի փառատոնի ժյուրիի կազմին11:30, 20 ապրիլի
Կիսամերկ Քայլի Ջենները՝ իր Khy բրենդի նոր արշավի լուսանկարներում10:45, 20 ապրիլի
Թեյլոր Սվիֆթը չի ներել Քիմ Քարդաշյանին՝ իր նոր ալբոմում երկու «դիս-թրեք» նվիրելով նրան09:00, 20 ապրիլի
ԱՊՐԻԼԻ 20-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:19, 19 ապրիլի
Որքանո՞վ է գեղեցիկ արտաքինն ազդում սեքսի որակի վրա. Առասպելներ եւ իրականություն22:24, 19 ապրիլի
Մալդիվների ամենաթանկ հանգստավայրի ներսում21:17, 19 ապրիլի
Թրեւիս Բարքերը շնորհավորել է Քորթնի Քարդաշյանին՝ հրապարակելով նրա լուսանկարը, որում նա զուգարանում է20:21, 19 ապրիլի
Jacquemus-ը նոր շունչ է հաղորդում ամառային հարսանիքներին19:47, 19 ապրիլի
Ինչպե՞ս է Բրիտանիայի ամենահարուստ մարդուն հաջողվում ստվերում մնալ. նույնիսկ նրա ադմինիստրատորը չի լսել նրա մասին18:27, 19 ապրիլի
Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել