Պաստառները ոչ միայն պատերին, այլեւ՝ մոդելների հագին. հենց այս կրեատիվ գաղափարով էր որոշել «Սարդ» խանութների ցանցը տոնել իր հիմնադրման 25-ամյակը՝ համատեղելով բարձրակարգ պաստառները նորաձեւության հետ: Այսպիսով, նոյեմբերի 25-ին՝ «Վիվալդի հոլ»-ում, «Սարդ»-ի ու ArmMod Fashion-ի համագործակցությամբ Հայաստանում առաջին անգամ տեղի ունեցավ նորաձեւության ինքնատիպ շոու, որին մոդելները ցուցադրեցին ոչ թե սովորական կտորից կարված զգեստներ, այլ՝ պաստառներից պատրաստված հագուստ՝ ներկայացնելով խանութ-սրահի յուրօրինակ պաստառներն ու հայ դիզայներների ստեղծագործ մտքի թռիչքը:
Ընկերության 25-ամյակը տարբերվող դարձնելը «Սարդ» խանութների ցանցի պաստառների բրենդ մենեջեր Նոնա Հակոբյանի մտահաղացումն էր:
«Քանի որ մեր 25-ամյակն ենք տոնում, ու մեր կարգախոսն է՝ «Նորաձեւությունը պաստառներում թելադրում ենք մենք», որոշեցինք ոչ միայն ինտերիերում թելադրել նորաձեւություն, այլեւ պոդիումի վրա: Արդյունքում աղջիկները բեմ են դուրս գալու ոչ թե սովորական զգեստներով, այլ պաստառներից կարված հագուստով, եւ ներկայացնելու ենք մեր 25 տարիների անցած ուղին»,-նշեց նա՝ համաձայնելով, որ առաջին հայացքից, միգուցե, տարօրինակ թվա պաստառները պոդիումին ցուցադրելու գաղափարը, բայց նկատեց, որ հագուստի ու ինտերիերի նորաձեւությունն ունեն մի շարք ընդհանրություններ.
«Ինչպես հագուստի նորաձեւության մեջ, այս ոլորտում էլ թրենդները, ժամանակ առ ժամանակ, կրկնվում են, այդպիսով փորձեցինք հետաքրքիր միքս անել, եւ քանի որ Հայաստանում նման շոու դեռեւս չէր եղել, կարծում ենք՝ գաղափարը կհետաքրքրի շատերին»:
«Սարդ» բրենդի ինքնատիպ գաղափարը կյանքի կոչվեց ArmMod Fashion-ի ջանքերով: Ընկերության հիմնադիր Ռուբինա Գրիգորյանը խոստովանեց, որ մեծ սիրով է ընդունել համագործակցության առաջարկն ու կազմակերպել ցուցադրությունը.
«ArmMod-ը միշտ կողմնակից է խենթ ու կրեատիվ մտքերի, ու հիմնականում փորձում ենք գտնել հետաքրքիր ու տարբերվող լուծումներ ցանկացած նորաձեւության շոուի դեպքում, ինչով էլ այս միտքը մեզ շատ գրավեց: Ներգրավեցինք 11 հայ դիզայների, որոնք կարճ ժամանակահատվածում ներկայացրին պաստառներից պատրադտված կերպարները: Նրանցից յուրաքանչյուրը պատրաստել է երկու նմուշ: Առաջին անգամ է Հայաստանում, երբ մոդելները ներկայացնում են պաստառներից պատրաստված հագուստ, ու ցանկացել ենք այնպես անել, որ այս ցուցադրությունը լինի հիշվող»,-ընդգծեց նա:
Իսկ ցուցադրությունն, իսկապես, հիշվեց. բեմում՝ «պաստառապատ» մոդելներ, իսկ պոդիումից այն կողմ՝ զարմացած հայացքներ: Շոուի մեկնարկն ազդարարեց «Միսս Աշխարհ Արմենիա 2019» Լիանա Ոսկերչյանը, որը «Սարդ» խանութների ցանցի գովազդային դեմքն է: Քայլեցին նաեւ մի շարք այլ հայտնի մոդելներ, նրանց թվում՝ «Միսս Տիեզերք Արմենիա 2019» Դայանա Դավթյանը, «Միսս Երեւան» Անգելինա Տանանյանը եւ այլք: Պաստառներից պատրաստված հագուստների հեղինակներն են Գայանե Սողոմոնյանը, Գայանե Աբրահամյանը, Աննա Առաքելյանը, Էրիկա եւ Արիանա Չիլինգարյանները, Էլեն Ասլանյանը, Նազելի Մալխասյանը, Նարինե Մարկոսյանը, Աստղիկ Գեւորգյանը, Լիլիթ Դալաքյանը եւ Սուսի Ասատրյանը:
Ինչ վերաբերում է «Սարդ» խանութների ցանցին, հավելենք, որ այն ներկայացնում է ոչ միայն եվրոպական արտադրության բարձրորակ պաստառներ, այլեւ՝ ներկալաքային նյութեր եւ ջեռուցման համակարգեր: Հավատարիմ մնալով իր կարգախոսին՝ խանութն առաջիններից է ներկայացնում շուկայում թրենդային նորությունները՝ առաջարկելով նորաձեւ եւ չկրկնվող նմուշներ:
«Սարդն» ունի տասը մասնաճյուղ, որոնք գտնվում են Երեւանում եւ Գյումրիում: Ի դեպ, հիմնադրման 25-ամյակի առթիվ մի շարք ապրանքանիշերի վրա գործում են զեղչեր:
Սյունե Առաքելյան
Լուսանկարները՝ Հայկ Տոնոյանի
Հետևեք NEWS.am STYLE-ին Facebook-ում, Twitter-ում և Instagram-ում
14:36, 18 ապրիլի
Սթիվեն Սփիլբերգը ֆիլմ է նկարահանում ՉԹՕ-ի մասին13:55, 18 ապրիլի
Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել Լեոնարդո ԴիԿապրիոյի եւ Ջենիֆեր Լոուրենսի մասնակցությամբ13:17, 18 ապրիլի
Հենրի Քավիլի եւ Մարգո Ռոբիի մասնակցությամբ Ջեյմս Բոնդի մասին ֆիլմի կեղծ թրեյլերը YouTube-ում հասել է 2 միլիոն դիտումի12:31, 18 ապրիլի
Coachella փառատոնի ժամանակ Ջեֆ Բեզոսը չէր թաքցնում իր զգացմունքները Լորեն Սանչեսի նկատմամբ11:59, 18 ապրիլի
Քիմ Քարդաշյանը նոր ֆոտոշարքով է կիսվել Կարիբյան ծովում իր գեղատեսիլ հանգստից11:17, 18 ապրիլի
Ջիջի Հադիդը կիսվել է Victoria's Secret-ի նոր գովազդային արշավի կուլիսային կադրերով10:30, 18 ապրիլի
«Դիսնեյլենդ» այցելելու համար Բիանկա Սենսորին ընտրել էր համեմատաբար համեստ հանդերձանք, սակայն հրաժարվել էր կոշիկներից10:05, 18 ապրիլի
«Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)09:00, 18 ապրիլի
ԱՊՐԻԼԻ 18-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:37, 17 ապրիլի
Պոռնոդերասանները պատմել են իրենց «ծանր աշխատանքի» մասին22:34, 17 ապրիլի
Աշխարհում սերմնահեղուկի ամենամեծ բանկը, որտեղ ամսական կարող եք վաստակել 420 ֆունտ, կենտրոն է բացել Մեծ Բրիտանիայում21:13, 17 ապրիլի
Ամերիկացի հայտնի ռեստորատորը Ջեֆ Բեզոսի նշանածին «բացարձակ տհաճ» է համարում