• Սցենարը գաղտնի է պահվում․ «Օրինապահ քաղաքացի» ֆիլմը շարունակություն կունենա

  Առաջին ժապավենը պատմում է Ֆիլադելֆիայի բնակչի մասին, որը վրեժ է լուծում կնոջ ու դստեր մահվան համար․․․

• Արքայազն Չարլզն ու նրա կինը նկարահանվել են «Իսթ-Էնդի բնակիչները» հեռուստասերիալում

  Դրվագը կցուցադրվի բրիտանական հեռուստատեսությամբ հունիսի 2-ին․․․

• Էնթոնի Հոփքինսը նոր ֆիլմում կմարմնավորի Զիգմունդ Ֆրեյդին

  Նկարահանումները կսկսվեն այս տարի Լոնդոնում․․․

• Իրականում ինչու են Էմբեր Հերդի մասնակցությամբ տեսարանները հանվել «Աքվամեն» ֆիլմից

• Մորգան Ֆրիմանին ցմահ արգելվել է մուտք գործել Ռուսաստան

  Նա նույնպես սեւ ցուցակում է․․․

• 20 տարի անց․ Գոշա Կուցենկոն ակնարկել է մոդել Իրինա Սկրինիչենկոյի հետ հարսանիքի մասին

  Զույգն ունի երկու դուստր, սակայն ամուսնացած չի եղել․․․

• Էվելինա Բարսեղյանի «Ժառանգը» ֆիլմն Իտալիայում միջազգային փառատոնին արժանացել է ժյուրիի հատուկ մրցանակի

  Ֆիլմի ռեժիսորն ու սցենարի հեղինակն Էվելինա Բարսեղյանն է․․․

• Էմբեր Հերդի քույրը հայտարարել է, որ Ջոնի Դեփը ծեծել է իրեն ու նախկին կնոջը

  Էնրիկեսը պնդում է, որ սկզբում աստղերն «անհավանական սիրահարված» էին․․․

Կինոարտադրության մեջ հաճախ է պատահում, որ կինոթատրոններում վարձույթի ժամանակ որոշ ֆիլմեր չեն վաստակում նույնիսկ այնքան գումար, որ գոնե զրոյական դուրս գան։ Բայց պատահում է, որ նման ձախողումից հետո ֆիլմերը նվաճում են հանդիսատեսի սերը եւ դառնում պաշտամունքի առարկա: Նկատենք, որ ըստ հոլիվուդյան «կանոնների»՝ կինոնախագիծը պետք է իր բյուջեից 3 անգամ  շատ գումար վաստակի։

NEWS.am STYLE-ը ներկայացնում է Կոեն եղբայրների «Մեծ Լեբովսկի» գեղարվեստական ​​ֆիլմը, որը նկարահանված է Ռայմոնդ Չանդլերի «Խորը քուն» գրքի հիման վրա:

Բյուջեն՝ 15 մլն դոլար, իսկ հասույթը՝ 46 մլն դոլար։

Ֆիլմը նկարահանվել է 1998 թվականին և պատմում է «Դյուդ» մականունով հերոսի մասին։ Բոուլինգն ու խմիչքը կազմում են նրա կյանքի մեծ մասը։ Բայց հանկարծ նրա երջանկությունը խախտվում է. գանգստերները նրան շփոթում են համանուն միլիոնատիրոջ հետ, պահանջում գումար, որից  նա տեղյակ չէ, և, ի թիվս այլ բաների, առևանգում են միլիոնատիրոջ կնոջը՝ վստահ լինելով, որ «ամուսինը» նրա համար կվճարի ցանկացած գումար։

Ֆիլմի բախտը հենց սկզբից չի բերել.պրեմիերան կայացել է 1998 թվականի հունվարի 18-ին Սանդենս փառատոնում։ Ինչպես ավելի ուշ հայտնեց մամուլը, ներկաներից շատերը բացահայտ իրենց դժգոհությունն են հայտնել։

Քոեն եղբայրները, ովքեր վերջերս «Ֆարգո» ֆիլմի համար ստացել են «Օսկար», «Մեծ Լեբովսկի» ֆիլմի պրեմիերայից հետո իրենց նոր նախագծի համար բազմաթիվ քննադատությունների են արժանացել:

Մասնավորապես, Փիթեր Հաուելը Toronto Star թերթի համար իր գրախոսության մեջ գրել է. «Ես չեմ կարող հավատալ, որ այն մարդկանց թիմը, ովքեր անցյալ տարի «Օսկար» են ստացել իրենց «Ֆարգո» սյուժեի համար, պատասխանատու են սրա համար: Ֆիլմում ուղղակի մեծ քանակությամբ հայհոյանքներ կան. դա կարծես երկխոսության բացերը քողարկելու խղճուկ փորձ է»։

Հայրենիքում  կինովարձույթի ողջ ժամանակահատվածում ֆիլմը հավաքեց ընդամենը 17 միլիոն դոլար: Իրավիճակը մի փոքր փրկեց համաշխարհային կինովարձույթը՝ ավելացնելով ևս 28 միլիոն դոլար ընդհանուր գումարին, բայց ֆիլմն արդեն ֆինանսապես ձախողվել էր։

Սակայն այն օրերից, երբ համացանցը սկսեց գրավել աշխարհը, ֆիլմի մասին կարծիքն արմատապես փոխվեց։

Ֆիլմը ոչ միայն գտավ իր հանդիսատեսին, այլև դարձավ մշակութային ֆենոմեն և ստացավ պաշտամունքային կարգավիճակ։

«Մեծ Լեբովսկին» իր շուրջ հավաքեց հսկայական թվով երկրպագուների և հումորի առատության շնորհիվ դարձավ (ինչպես հետագայում այդ մասին կգրեր The Independent թերթը) «Ինտերնետի դարաշրջանի առաջին կուլտային ֆիլմը»։

Ֆիլմի հիման վրա գրվել են գրքեր, ստեղծվել են կայքեր, ամեն տարի անցկացվում են Լեբովսկու անվան փառատոներ, տարածվում է մի ամբողջ փիլիսոփայական ուսմունք՝ հիմնված գլխավոր հերոսի կերպարի վրա։ Հերոսների խոսքերից շատերը դարձել են տարածված արտահայտություններ:

Իսկ ֆիլմի որոշ տեսարաններ, ընդհանրապես, դարձան մեմերի մշակույթի զարդ։

Ֆիլմը մեր ժամանակներում IMDb կայքում ունի 8.1 վարկանիշ, իսկ kinopoisk-ում՝  7.8:

Նորայր Նազարյան

Հետևեք NEWS.am STYLE-ին Facebook-ում, Twitter-ում և Instagram-ում